لعبية فقاعات صابون ومصارعة حرة خفيفة طبعا وغماية او الأستخباء زي واحد طش ههههه توجد لعب ادراكية في مركز فنون ومواهب تناسب كل الأعمار

السلااااااااااااام عليكم :26:
اختي المجد اشكرك على تفضلك بردك علي وجزاك الله خير على النصايح المفيدة

بس بقولك شي انا عطيت ولدي الوان الcryon
هاذا اسمه على مااعتقد انها الزيتية مدري والله لكنها خاصة للاطفال الزبدة انه ولدي بعد مالون وشخبط بالورقة
لقيته متفننلي على الجدار هل مر بك هالموقف مع بنتك ووشلون حليتي هالمشكلة
لا وبعد لقيت مع بنتي الصغيرة واحد من الالوان تعضعض فيه مع اني مجلسة ولدي على طاولة الشاي يعني ماتقدر توصله لكن شكله هو رمى لها لون

وبالنسبة للصلصال انا اشتريته فبجرب ان كان عجبه وعرف انه للعب بس ولا بشيله عنه

عموما مشكورة يالمجد و جزاك الله خير :27:

عزيزتي shahr
مشكورة على مرورك وتفضلك بالرد :26:

والله فكرة الفقاعات فعلا رهيبة ولا فكرت فيها انشاء الله بجربها
والمصارعة والله ضحكتيني بس تخيلت شكلي وانا اتصارع مع ولدي ويشوفني زوجي وانا ياع هع ياع هوع:22:

بس حلوة و انشاء الله بجربها ولعبة:35: فعلا حلوة ومايمل منها:09: بس واحد طش ثنين طش ههههههههههه والله ذكرتيني وخليتيني احن لزمان

وين فيه مركز فنون ومواهب لو تكرمتي

ومرة ثانية مشكورة ياshahr وجزاك الله خير:27:

أختي شكومكو .. إذا كنت بتطعين الولد الألوان عشان يلون لازم تظلين جالسه معاه حتى يخلص تلوين.. وتلونين معاه وتبنيله أن التلوين مش فقط شخبطة وإنما مهارة (يعني ارسمي دائرة وخليه يلون داخلها) وأنتي لوني معاه عشان يستمتع بالموضوع .. وبعد ما تخلصون رتبي الألوان معاه (عشان يتعلم الترتيب..ولكي تضمني عدم اللعب بها عى الجدار والدواليب) وبها الطريقة لن سيخطر على باله التلوين على الجدار (هذي تجربتي)، أما إذا خليتيه لوحده فاتوقعي كل شي منعه لأنه في ها العمر ما يعرف الصح والخطأ إلا بالتوجيه ...
وبالنسبة للألوان فالألوان الشمعية (crayons) خطرة على الطفل، يعني إذا بتخلينه وبتروحين ، أفضل تعطينه ألوان خشبية، أما الشمعية فلازم يكون تحت عيونك لأن ألوانها جذابة وتشجع الطفل أن يأكلها ، وأكلها سهل (خاصة للأطفال أقل من سنتين -مثل بنتك).

إذا تبين تعطيته لعبه وترحين ممكن تشتريله بيت فيه كور بلاستيكيه ملونه، هو بيستمتع بدون خطر وأنت بنكونين متطمنه ... إنشالله أكون أفتدك

اختي 00شكومكو

شيئ طبيعي ان الولد يكتب على الجدران وعلى ملابسه وعلى رجوله وعلى يدينه ويمكن وجهه ويمكن يكتب

على اخته 00 كل هاذى المواقف مرت معايه في اولادي 00

لكن 00 لازم نصبر عشان الاولاد يتعلموا 00 لاننا لو جلسنا نفكر في الجدران لاتتوسخ والملابس لاتتوسخ والكراسي

وغيرها وغيرها 00 راح نضطر نحبس الطفل ونحرمه من اللعب عشان ما يخرب شيئ 0

عشان كذا اقولك انا كنت احط الدفتر امام بنتي واقولها اكتبي هنا بس واشر لها بيدي على الورقة00

وبعدين اشر بيدي على الجدار واقولها هنا لا 00 طبعا مع تكرار نفس الكلام كل يوم 00 في النهاية راح يفهم

ولما كانت بنتي تكتب على الجدار 00 كنت اتركها الى النهاية 00 وبعدين اروح اجيب لها الليفة والصابون

وامسح شوية عشان تشوفني وا ردد هذي وساخة 00 وبعدين احط الليفة في يدها واخليها تمسح الباقي 0

يوم وراء يوم00صارت 00هي من نفسها تروح تجيب الليفة وتمسح اي شيئ على الجدار 00

المهم هذا كله00 يبغاله صبر