رمضان يا رمضان يابو الشوربه والقرصان <<<<<مقوولة أمي المشهوره في رمضان واحنا صغاااار الله يحفضها ويطول عمرها

يازززين رمضان يارب يبلغنا رمضان..ياناس احبه واتمنى السنه كلها رمضان..نجيني فيه راحه نفسيه عجيبه مررره

بالنسبه لطقوصنا في رمضان يبدأالتجهيز من شعبان يعني اجيب الاواني الناقصه احب اجيب جكات عصير جديده كل سنه وبعد ترامس قهوه وشاي جديده..وبعض القرابع الي تحسسنا برمضان..وقبل رمضان بكم يوم نجيب الذبيحه واقطع جزء منها قطع صغيره للشوربه والمكرونه والمقلقل والايدامات واخلي قطع كبار للكبسات..واجهز البهارات والاشياء هاذي امممممم واللحمه المفرومه بعد اوزعها بأكياس لكل يوم وفي الفريزر اممممم بعد انا اجيب 4 حزم من البقدونس والكزبره والشبت والبصل الاخضر واغسلها كويس واخليها تجف غلى فوطه وبعدين افرمها واوزعها بأكياس صغيره على الفريزر للسمبوسه احطها على اللحمه بعد ما تستوي ..
يوم يعلنون رمضان افرررح مرره وابدأ اتصالاتي على امي واخواني واخواتي واهل زوجي نبارك بالشهر ...ويومي الرمضاني اصحى على 12 تقريبا اصلي الظهر واطلع الاشاء من الفريزر واشوف التلزيون شوي اقرأ قرأن بعدين ادخل المطبخ واجهز الي ربي يقدرني عليه غلى 4 اكون مخلصه والشغاله تنظف المطبخ وانا اجلس اشوف التلفزيون برنامج العريفي او اقرأ قران او اطلع امشي في الحوش شوي وقبل الاذان بربع ساعه اجهز السفرره احنا نحضر كل شيء بسفره وحده نفطر ويطلغ زوجيولدي يصلون ويرجعون على طاش واجيب قهوه وحلا بعدين اروح انام شوي واصحى اصلي العشاء والتراويح والسنه هاذي يمكن اروح المسجد بعدين يا نطلع للجيران او يجوني جاراتي او نجلس بالبيت نخلص اشغالنا او على التلفزيون يعني كذا في الغالب ما أطبخ سحور الا اذا اشتهى زوجي كبسه نتسحر اي شيء خفيف ..ونصلي الفجر ونووم وزي كذا تقريبا كل يوم وبسس ادري ازعجتكم بقرقي بس اعجبني الموضوووغ مرره فأتحمست..والله يبلغنا رمضاااااااان على خير ياررررب

اب

الله يبلغنا رمضان وحنا بصحه وعافيه وسلامه ورايي انكن تبتعدن عن التلفاز قدر الامكان وتكثرن من القران الله يهدينا>>>>>>>>>>>>>>> لان اغلب البرامج تعاد بعد رمضان

سونا
رياح باردة

مشكووووورين على المرور وبالعكس ونستونا بسوالفكم الحلوووة وانا بعد امووووووووووووووت في رمضان وياليت السنة كلها رمضان

ام النور حبيبتي مشكووورة على المرور والله يعودنا وياكم

اب