انا توي كملت 33 ومطلقة مرتين كل زواجة مااستمرت اسبوع وبدون اطفال والحمدلله مهتمه بعمري واللي يشوفني يعطيني 23 ومااعتبر نفسي اتزوجت اصلا والحمدلله على كل حال ،، وعايشين والدنيا بخير ، محد ياخذ الا نصيبه والله ماعلي من احد كل اللي حولي تزوجوا انا صفيت لحالي ،، وانا البنت المنبوذة اللي الحريم يخافون على ازواجهم منها ، صديقاتي يتحاشوني بس يجاملون احيانا وحدة صديقتي عشرة عمر وزميلة دراسة وتعرفني زين اني ماحط عيني ع شي مب لي كانت تعزم صحباتي المتزوجات وانا الوحيدة العازبه ويوم جا الدور عندي قالت لي بوجهي وهي جادة ،، لاتزوريني انتي اخاف زوجي يشوفك ويتركني ، لاتعليق صراحة صرت اكره المجتمعات .. وبصراحة البنت اللي ماعندها زوج يشوفونها ماتسوى وعادي يرمون عليها كلام ويحسبونها بلا مشاعر !! يعني متى مجتمعنا يبطلون يقيمونا بزواج وطلاق ترى هذي توافيق من الله وقيمة الشخص بدينه وعلمه وادبه واخلاقه وثقافته ، اسفه فعلا على نفسي وامثالي ان حنا نعيش بوسط مجتمع فاشل فكريا واجتماعيا !

اسال العظيم الكريم الوهاب ان يرزقني ويرزق بنات المسلمين بالازواج الصالحين

عمري اللحين 31 انخطبت قبل اختي الكبيرة وارفضوا اهلي لانه مو دوري

وسبحان الله انخطبت اللحين اختي اصغر مني عمرها 22 لقيت الكل طاير وموافق وانه الزمن تغير ولازم المبادئ تتغير

وياليته كذا وبس لا سمعتني امي كلام كاني بلا احساس ولامشاعر

لازم تتعودين ورزقك بيجيك شوفي فلانه كم عمرها ولا تزوجت ..

ولا تحسدين اختك تمنى لها الخير

بس مااقول الا حسبي الله وكفى

وحدك يارب اللي عالم بنيتي وقلبي .. اللهم عوضني

على اي اساس قالو ماتحملين ؟
على اي اساس قالو مستحيل تتزوجين ؟؟
ليش ربي كشف عنهم الحجاب وعلمهم الغيب ؟؟
لا ياختي بتزوجين لو ربي اراد وبتحملين خير ان شاء الله
لا تسمعين لاحد وطنشي وعسى ربي يكتب لكم الازواج الصالحين الاغنياء

لااله الا الله

انا عمري 32 سنه


سبحان الله انخطب كثير ويصير كلام بس ماتم اموري
وفي واحد صاحب زوج صحبتي كلمتني عنه وانهم بيجووون قلت اوك يجون ويشوفوني معنو انا بالمدينه وهم من ينبع ...المهم الموضوع له شهر وقبل أسبوع سالتها تقولي الا يبغئ ... فانا ما تحمست كثير معنو ع الاستخاره حاسه بيلعب
معنو مو ناقصني شي الحمد لله


يارب يسرلك اموووورك ويرزقك بن الحلال الي يسعدك ويسرلي امووووري يارب وكل بنات المنتدئ
اللهم امين