العاقلات الفاهمات كل من عندها حل تتفضل

السلام عليكم يابنات..انا يااخوات من يوم ماتزوجت زوجي تقريبا لي الان 13 سنة ونحن خلافاتنا مادية زوجي مايحب يصرف فلوس بالساهل لازم ورقة وقلم وليش احتاج هذا الشي وفي ايش ابغاه ومو اشتريت لك قبل مدة زييو ليش تبغي كداوكدا وتستمر الحياة وخلافاتنا زي ماهي ان عطاني الف جلس 6 شهوور يذلني فيها لايصلح البيت ولا الشي الخربان وهلما جرا..في هالسنين امي سلفت زوجي 20 الف وانا بعت ذهبي عشان كان يبغى يسوي مشرووع وهو من النوع اللي يتساهل في الدينيعني مايرجع بسرعة المهم تخيلوا يقول لي انتو مو محتاجين المبلغ وفي لحظة ماانتو محتاجينها ارجعها المهم حصل ظرف طارئ واعطانا العشرة الاولى .ولظروف ما طارئة جدا أمي استئمنتي على فلوس واخذ غصبا عني عشرة الاف ريال من حوالي سبعة شهوور وانا مررة زعلانة منو ومش طايقة اشوف وجهه كل مررة اقول له ليه ماترجع فلوس امي وخاصة العشرة الاخيرة ليه ماعندك احترام اخذت مني الفلوس غصب وفوق كذا لا كلمة حلوة والمصرووف تعطيني اياه بالغصب وله مدة يقول ماعندي ماعندي كل حاجة مااعندي وعلى فكرة هو امس قالي عندي 600 ريال بس مش مقتنع بحاجتك لهالغرض تخنقني العبرة وانا شايفةحياتي كيف ماشية انا مو مرتاحة يابنات مع زوجي قاسي علي فقط يقدس العلاقة الخاصة بطريقة متعبة ودايما يسبني ويقول لي وسخة قصده في البيت يعني ويجرحني والله اكتب لكم ودموعي مليانة انا مش وسخة واهتم ببيتي قد مااقدر والله مررة صار في بيتي عزا ودخلوا الحريم المطبخ وقالت حماتي خليتهم يدوروا الغرض الفلاني وانا مطمنة من نظافة مطبخك وترتيبو تخيلوا بس!!وعيالي متفوقين والله وشطار سواء بالمدرسة او بالتحفيظ مجروحة منو يابنات وااضح انو مافي بينا مودة ورحمة ووواضح هو مش مرتاح معي له مدة يقول لي انا كدا مو عاجبك شوفي لك صرفة في حياتك وهو عارف تمام انو ماعندي حد هنا لانو مغتربة وانا فقط كل اللي ابغاه يرجع فلوسنا وذهبي ويعطيني مصروف او يطلع هو يشتري معي مو مشكلة المهم مااحس نفسي نااقصة تعبت امثل قدام اهل زوجي انو مرتاحة اخاف من الشماتة.. والغريبة ومن حسن حظه ان اغلب اهلو يذكره بالخير عيبو انو شديد بالفلوس يعني مايساعدهم ولا في الغالب يحبونه وماعنده مشاكل مع احد ابغى نصييييحة لوجه الله يعلم الله تعبااااااااااانة بكل ماتحمله هالكلمة من معنى فانصحوني