العاقلات فقط شورو علي

وردة لم تقطف :

السلام عليكم بنات بستشيركم في موضوع هامني كثير ماني قادرة افضفض بالتفصيل لاخواتي لان الموضوع محرج شوي اول شي بشرح ضروفي امي متوفيه وابوي تزوج و اخواني واخواتي كلهم تزوجو انا تطلقت المره الاولى و جلست سنوات الين قربت على الاربعين منت رافضه الزواج لضرف خاص و لما انتهى الضرف بديت ادور رزقي 😆 يعني كلمت خطابات وطلبت مواصفات معينه لاني شوي متطلبه لا تظنون طلبت وسيم طويل عريض غني لا طلبت عمره قريب من عمري ..مصلي ..موضف ..و قبيلته من قبيلتي و طبعا كل ماقلت لخطابه عمري تقول والله صعب يابنتي بس ما على الله شي صعب كنت ادعي ربي في سجودي و بين الاذان و الاقامه و وقت نزول المطر ان ربي يرزقني واحد يملى عيني 😆 و استجاب الله دعائي وجاني فارس احلامي و فرحت و الكل استغرب منين جا و انا اقول عن طريق صديقتي 😏 المهم هو مطلق و معه 4 اولاد قبلت به و بالولاده خاصة اني ماخلفت و انا هاديه وصبوره عارفه اني اقدر اتحملهم تزوجت و يافرحتن ماتمت زوجي مربوط عني بلعتها بس بعد الزواج بدت مشاكل كثير و دايما احلم احلام و كل مافسرتها قالو لي ارقي نفسك الحين انا تعبت من المشاكل افكر بالطلاق بس وين اروح ابوي متزوج و حريم اخواني صحيح طيبات بس اخاف اذا جيت عندهم تتغير النفوس و ماودي اسبب مشاكل لاخواني مع زوجاتهم مشاكلي معه الاتي اولا مربوط عني و هذا الشي متعبني خاصه اني جلست سنوات بدون زواج و ماتزوجت الا عشان اعف نفسي يا بنات لا يقرب مني و لا يبغاني اقرب منه ولا ضم و لا بوسه ولا شي جفاف تام ثانيا بعد ما طلع مربوط يقولي بتزوج لان راقي قاله تزوج ثانيه ويفك الربط والسحر والله يا بنات من ثاني شهر قالي بتزوج و صار مشاكل و اخر شي رخضت ماودي اتطلق من ثاني شهر وبعد ازيدكم قالي انتي اخطبي لي قلت خلي امك قال مابي اهلي يدرون و اعطيك و ارضيك و بالفعل خطبت له و كلمت صديقاتي يدورون لي بس الكل رفض و يقولي لي انتي مهبوله و الي الان معزم على موضوع الزواج ثالثا احس مالي قيمه عنده يمدح ممثلات قدامي بالتلفزيون و كل ماصار مشكله يقول تبين اطلقك يعني بالعربي بايع رابعا كنا نخرج على نهايه الاسبوع نتمشى بس كل ماطلعنا يجلس يجيب سيرة الزواج و اتنكد انا طالعه اتمشى ولا اتنكد اخر ش حلفت ماعاد اخرج معه و بالفعل لي ذحين شهرين منطقه بالبيت و طبعا هو مستحيل يعتذر او يراضيني وش باقي ايوه مايعجبه طبخي ولا قهوتي رغم اني صرت اسوي زي مايقولي بالضبط ياكل اسبوعين شهر ثم لما تصير مشكله بقول ماتعرفين تطبخين و شغلك كله مو زين تعرفون يا بنات هذا الشي يحز في النفس لما تسمعين هذا الكلام ولا لما تلتقينه جالس يطبخ والله تنسد نفسي عن الاكل خاصه اني مو صغيره غير التحطيم و التريقه على شكلي حتى قدام اولاده انا ماني جميله بس اهتم بنفسي و البس و اكشخ و هو وسيم ماني لاقيه فيه شي اسبه 😤 و اذا زعلت يقول عادي سبيني بس وش اقول ارد عليه اقول اهلي مربيني اني احترم زوجي و انا والله احترمه و شايلته من الارض شيل و يادهينه لاتنكتين بس يا بنات انا اذا تطلقت ماراح افكر بالزواج لاني تحطمت والله اني شخصيه و اذا جلست في مجلس و تكلمت الكل يسمع مني حتى احس باحراج لاني مثقفه و ذكيه جدا مو مدح في نفسي بس هذا الواقع حتى زوجي استغرب مني كل ما سال عن شي جاوبت و كل مشكله الاقي لها حل و في البيت معتمد علي تماما و متطمن على اولاده معي احيانا تجي ايام صافيه يقولي انتي اجوديه و يدعي لي و يمزح و نضحك بس انا احس في عمري هذا ماعاد في شده على المشاكل عارفه ان اول سنه دايما صعبه الين نتعود على بعض الحين انا جالسه في البيت طول الوقت ماعاد اطلع و جيراني ماحد دق بابي و صعبه اروح ادق على شقق في عماير و مدري من فيها ومن الصباح الى الليل اشتغل في البيت رغم انه وقت الخطبه قال بيجيب شغاله نسيت اقول هو ينام في المجلس من اول اسبوع يقول مقدر انام بغرفة النوم و الله قمصاني و بجايمي جديده زي ماهي بحس اني انثى كفايه ماحسيت اني عروس اسفه طولت عليكم بس من الهم الي بقلبي اخواتي عارفين ويقولون اصبري و اهله في مدينه ثانيه و لا يدرون عن الموضوع اخر شي في اخر رؤيا رئيتها الشيخ يقولي قرب الفرج ادعو لي يا بنات تعبت والله

السلام عليكم بنات بستشيركم في موضوع هامني كثير ماني قادرة افضفض بالتفصيل لاخواتي لان الموضوع محرج...