العباءة المخصرة ، مفعولها اقوى من الفياقرا ..!!!
السلام عليكم
ابو خالد رجل في الستين من عمره له من الأحفاد الكثير عنده محل تجاري في الديرة . ولديه برود جنسي تجاه زوجته بحكم العمر واعتلال الصحة من السكر .
قبل فترة قريبة دخل بيته مسرعاً ومعه كيس ونادى زوجته إلى غرفته وقال لها تفضلي هذه الهدية والبسيها الآن .. فرحت ام خالد بهذه الهدية وعندما اخرجتها من الكيس وجدتها (( عباية ناعمة مخصرة مطرزة )) فقالت له عسى ماشر ياابو خالد انت انهبلت تلبسني هالمصرصرة أم اكمام ؟
قال لاتلومينني كلما دخلت علي حرمة في المحل لابستها وطاقة النقاب أو متلثمة يجيني نشاط ورغبة ( ولولا الخوف من الله ومن الناس كان اطب عليها واخمها ) . يالله البسيها عندي يام خالد هنا في الغرفة وتلثمي اعتبريها ( شلحة سوداء بأكمام )... !!! .
طبعاً ام خالد لاتعصي لزوجها أمراً لبستها وتلثمت وانبسط ابو خالد واستانس . (( ومن زود الوناسة اصدر أمراً على زوجته بان ترتدي هذه العبائة دائماً في البيت فقط )) وتكثر من المرور امامه كلما دخل عليها أو عندما تقهويه في الصالة ..!!!
هذا ماكان يسولف به ابو خالد لصديق قريب له جداً يحثه ويدله على النشاط والوناسة من ايسر الطرق ! .
عندما سمعت هذه السالفة من هذا القريب ضحكت وحزنت وقلت كيف هو إذاً شعور الشباب والرجال من الباعة والمارة والسائقين تجاه من يرتدي هذه العباية الجذابة وهي بجانبهم في الأسواق والمحلات والسيارة ؟؟؟
لماذا يسمح ويرضى أولياء الأمور من الأباء والأزواج والإخوان أن تلبس نسائهم ومحارمهم وتتجمل في الاسواق والشوارع أمام الرجال بالعيون الكحيلة وبهذه ( الشلحة ) العبائة المغرية الفاتنة المصرصرة للمفاتن التي تسيل لعاب حتى من نشف لعابه من السكر أو تقدم العمر ؟؟؟
لماذا ؟
منقول
--------------------------------------------------------------------------------
ماما الحبوبه @mama_alhbobh
كبيرة محررات
يلزم عليك تسجيل الدخول أولًا لكتابة تعليق.
والله الي تبلس عباه مخصره كانها مو لابسه فستان
هذي عندها نقص وتبي تعوضه بنظرات الرجال الفارغين روحيا لها
حتى وهي تعرف ان نظرتهم لها مجرد شهوه لجسدها ولا في قراره نفسهم عارفين انها بنت لا تربيه ولا وراها احد ينصحها او يهتم باخلاقها
يعني تنشاف بس مايتزوجون منها ولا يتشرفون حتى :D
والله يهدي الجميع يارب :)
..
.
الصفحة الأخيرة
يعني الوحده منهم اللي مولعات بالعبايه المخصره والله حالتهم صعيبه تلقاهم يتعنون ويتعبون في اختيار العبايه ولا وسيعه من هنا يبغى لها تضيق منه وحاله
لا والتطريز اللي صاير الحين اشكال والألوان يعني الوحده كأنها طالعه سهره الحمدلله ياربي على نعمه العقل .....الوحده تمشي وتقول طالعوني بالقوه وياريت هالبنت تفهم ايش تقول هالنظرات ماتقول اووووف خطيره ايش الجسم المسكت ولا ايش الكشخه هذي ولا ايش العز
بالعكس بيقولون شوف الخبله هذي ايش مسويه بعمرها ويسبون فيها وهي هبله ماتدري تفتكر النظرات مدح وهي بالأصل ذم .....اللــــــــــــــــــــــــــــه يهدي الجميع