العبايات إلى اين شوفوا البنات ايش صاروو يكتبون ؟

السلام عليكم ورحمة الله وبركاته

موضوع عجبني ...مع إضافات من عندي
وتمنيت من الجيع المشاركه فيه
.....

يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها ومو بس فتاه فيه حريم كبار وتقدر تقول عاقلين وراكزين .. ولكن للأسف العقل في جهه وهم في جهه اخرى
الظاهرة التي انتشرت وبشكل فظيع وهي
كتابة عبارات سفيهه ومبتذله على عبايات النساء

منهم من تكتب على العباية

Follow me

أي إلحــــــــــق بي : وكأن الناس مايفهمون باللغة

واللي تكتب إسمــــــــــــها وتزخرفه كانه ( نك نيم ) والا بطاقة جامعيه

واللي تخط حرفها بالخط العريض اللامع على ظهرها

واللي من كثر الإعتزاز بقبيلها تكتب

(اسم قبيلتها) وأفتخر

خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها

والأدهــــــــــــــــــــى

والأمر

واللي يصــــــــــــرع

اللي تكتب لك

(( إذا في امك خير إلحقني ))
عجبتني هذه

ألحقك وادعسك كماان

إما انها تهدد وكنها تقدر تطق

وأيضاً

البنت اللي كتبت عنها حتى الجرايد الخليجية

واللي كانت كاتبه على عبايتها

(( أتحــــــــــــــــــداك تلمسني ))


عرض صريح

ماناقص الا تكتب عليه

تخفيضـــات 50% على اللي يلمسنى

والي عباتها عليها صورة الملك عبد الله وسيفين ونخله ...

طبعاً بالألوان .......... !!

اذا انتي وطنيه لهدرجه سوي العبايه وخليها بالبيت ؟؟؟



ذكرتي باليوم الوطني

أعزائي

القضية هنا ماتمس العادات والتقاليد فقط
تمس الدين أيضاً

الظاهرة هذه نتاج شخصيات متقلقله تافهه غير واعية فاقدة للتمييز
شخصية يطلق عليها مايسمى بالإمعه
فهي بدأت ومن ثم انتشرت
وكيف انتشرت
كل هذا نتيجة لسطحية التفكير وضعف الوازع الديني
وفقدان السيطرة على زمام الأمور
وإيجاد حل للمشكلة بعقلانية وتروي وإنضباط
هذه نتيجة ارخاء العصا وعدم مسكها من النص
ماهي الفتاة بدون عفه وحياء وشرف؟؟وماهو الحجاب إن لم يكن يؤدي الغرض الذي شرع من أجله؟؟.

السؤال:اين اولياء الامور..؟

اين الاب...من اشترى تلك العباءة؟

حديثي هذا نتيجة لشيء رأيته في السوق وفجر فيني الحديث
واكثر من مره اشوف هذا المنظر
حريم كبار تنزل من السياره هيا وعباتها :انها شجره
كلها ألوان وشخبط شخبيط
كأن حلزون مشى على ظهرها

وما وقفت على هذه وبس في عبايات طالعه قبل فتره

عبايه مبطنه بالالوان يعني شفافه كلها وتحتها بطانه لون احمر او ازرق او عنابي او اورنج
والعبايه الاصقه كانه قميص ؟؟
يعني فعلا عجب والشرح يطول

الله يكون بالعون
ما اقول غير الله يستر وبس
ارحموناااااااااااا ياااا بناااااااااااات كفاااايه

....

تحيتي