انا شاريه عباية راس كتف الصديري من محلات سنيورتا تلقين فروعها في كل مكان

شكرا

بنات حبيباتي مافي شيء ساتر مثل عباية الراس العاديه

من ترك شيئا لله عوضه الله بخير منه

لاتعصبوا علي حبيباتي بس والله ماحبيت لكن الشر الله يوفقكم ويسعدكم يارب

عباية الراس تحسين فيها بالراحه النفسيه اكثر من ا لجسديه على الاقل فيها تضمني ان ما احد يطالعك ولا تفتنين احد

اسأل الله لكن التوفيق

وآسفه ان كنت خرجت عن المطلوب

هلا وغلا شموعة..

الله يجزاك خير يالغالية ويثيبك..


قلبي العباية اللي نتكلم عنها عباية راس موكتف..

اسمها 2×1 لأنها توضع على الراس لكن تعرفين دايم تزلق عباية الراس خصوصا لو كان معك أطفال ماسكتهم أو كنتي بالسوق ومعك أغراض كثيرة شاريتها..

وطبعا تقعد تسحب من ورا وتتبهذلين ترفعينها كل شوي غير أطرافها تنهري بسرعة..

فهالعباية إذا صار لك موقف مشابه ماتتسحب وراك لأن فيها مثل الصديري جوا يرفعها..

وبكذا ماتتبهذلين كلن يوطى عباتك من ورا <<<متعقدة هههههه

وتراها فضفاضة مومخصرة ..

والعباة الثانية ياقلبي كتف فضفاضة بس قوقها خمار أو جلباب مصري كانك تعرفين..

اللي يجي مخيط على الراس كنه بخنق وطويل يغطي أطراف اليدين..

وتراه ساتر وفضفاض ويجوز لبسه يالغلا لأنه مايفرق عن العباة اللي نعرفها شي غير إنه قطعتين..

ومن تجربتي هو أستر من العباة العادية خصوصاً بالسوق..

لأن الجلباب يكون مغطي جزئك العلوي فوق العباة فمايبين حجم الصدر مع المشي أبد ..

وللعلم حتى ماتتشككين من كلامي أنا ألبس عباة من وأنا بخامس ابتدائي بالشرابات والقفازات...

يعني عقب كل هالسنين من الحجاب الكامل بحول الله ماراح أتهاون فيه أبد عسى الله يثبتنا ويستر علينا..

وترى أنا ماجربت هالعبايتين ولانصحت فيهن إلا لمعرفتي بإن لبسهن جايز لأن مافيهن شي يخالف الشرع ولاأمر ربي.,.

أهم شي يالغلا إن الحجاب يكون مستوفي لشروط الحجاب الشرعي..

وأنا أدري إنك ماكتبتي ردك إلا من حرصك وغيرتك على بنات المسلمين الله يجزاك خير..

بس حبيت يكون ردي توضيح لأي أخت يلتبس عليها الأمر..


الله يجزاك خير ويوفقك يالغلا..



والأخوات اللي يسألون عن الجلباب المصري أنا والله جاني هدية من القصيم..

لكن أعتقد إنه موجود بالعويس وبحاول أسأل وأرد عليكم ..

ويمديكم أنتم تفصلونه عند محل عبايات لو حبيتوا..


الله ييسر أمري وأمركن..



لاعدمتكن..

العبايه اللي انتي تبين اسمها عبايه كتف راس وانا اخذتها من بيت العبايه اللي في صحارى بلازا ابالدور الثاني ومره مريحه