كوبونات الراقية تسجيل الدخول

دوناتة
دوناتة •
راجية عفوك راجية عفوك :
السلام عليكم ممكن تفيدوني عن العبايات والبالطوهات والحجابات وين ممكن أحصلها ؟؟ وموديلاتها ؟؟ سمعت بالمغربية ممكن تفيدوني عنها ؟؟ فكرتي عباءة سادة وغطاء الراس من ( الماركات ) إذا كان الدولة جوها ممطر أفضل البالطو في المشي والتسوق ولكن المشكلة إذا كان جوها معتدل ماينفع البالطو رأيكم مشكووورين :26:
السلام عليكم ممكن تفيدوني عن العبايات والبالطوهات والحجابات وين ممكن أحصلها ؟؟ وموديلاتها...
موفقه للخير يارب
عبايات ملونه وحجابات ونقابات متناسقة مع العباية
&النوار&
&النوار& •
راجية عفوك راجية عفوك :
السلام عليكم ممكن تفيدوني عن العبايات والبالطوهات والحجابات وين ممكن أحصلها ؟؟ وموديلاتها ؟؟ سمعت بالمغربية ممكن تفيدوني عنها ؟؟ فكرتي عباءة سادة وغطاء الراس من ( الماركات ) إذا كان الدولة جوها ممطر أفضل البالطو في المشي والتسوق ولكن المشكلة إذا كان جوها معتدل ماينفع البالطو رأيكم مشكووورين :26:
السلام عليكم ممكن تفيدوني عن العبايات والبالطوهات والحجابات وين ممكن أحصلها ؟؟ وموديلاتها...
خذي عبايات ملونه بعضها ثقيله للشتاء وبعضها خفيفه للصيف
ومن رأيي تاخذين خمار أريح لك من الطرحه تفصلينه عند محلات العبايات وتلبسين من تحته ربطه تنباع برضه عند محلات العبايات ولثام
مثلا إذا اخذتي عبايه بني خذي الخمار أو الطرحه بيج
والعبايه رمادي والطرحه سوداء أو رمادي غامق أو بعضهم ياخذون الطرح القطن الملونه
أو جينز وكحلي
مشاعر مبعثره!!
مشاعر مبعثره!! •
انا اشتريت قماش عبايه صيفيه..من محلات الاقمشه الرجاليه في المعيقليه(الرياض)
المتر 35ريال..اسم القماش(مشروك)
khawkha
khawkha •
نيو نيو نيو نيو :
مسااااء الخيررات ع الكل ودي اطلب منكم طلب ويمكن يكون متعب شوووي بس لاني مره في حاااااااجه له وضاااايعه بقووه ودي اعرف !! ابي اعرف كيف شكل العبايات الملونه اللي تلبسونها ؟؟ ولون الحجاب ؟ وكيف تلفون اللثمه ؟؟ الله يخليكم اللي عندها صوره لعبايتها مره ودي اشوووفهاااا لاني مافهمت الى الاااان كيف العبايه الملوونه ؟؟؟ لاتبخلوون علي رااح ادعي لكم
مسااااء الخيررات ع الكل ودي اطلب منكم طلب ويمكن يكون متعب شوووي بس لاني مره في حاااااااجه له...
السلام عليكم أخواتي المغتربات في كل مكان .. ياربي يطوي لنا الزمان و المكان و نرجع لاهلنا سالمين و نرتاح من ألم الغربة و الوحدة ..


حبيباتي ..

حبيت أفيدكم بثلاثة أفكار خلاصة تجربتي في العبايات الملونة و انا اعتمتدها حتى في العباية السوداء الي البسها في السعودية .

و هي انك ...

أولا: تطلبي من الخياط او صاحب محل العبايات انه يعمللك العباية بأزارير بلاستيك عادية بس تكون مقاساتها وسط مش صغيرة مرة .. زي حقت ثياب الرجال و لا كبيرة مرة .. مقاس القرش المعدن مناسبه .. و أفضل ما تكون معدن أو مكونة من قطعتين ممكن تنكسر عليكي و ما تلاقي زيها في بلد الغربة و يتشوه شكل العباية .. أو فيها فصوص ,,

يعني الازارير العملية العادية البلاستيك أفضل شي و بلون العباية او بلون مناسب لها ..

و هادي مثال لها ..






يعني ما تكون مقفلة من الامام بأزرار الطق طق الحديد اللي تجي لونها فضي او اسود .. و تجي نوعين خياطة و كبس .. يارب تكونوا عرفتوها ..

لانو ازرار الطق الطق الحديد (ماني عارفة اسم تاني له ) لها سلبيات منها :
انها تصير سلسة بعد مدة من كتر الاستعمال الفتح و القفل حتى لووووووووو قالوووووولك انها اصلية .. برضو حتصير سلسة ..
و تنفتح كل شوية .. و تورطك .. و انتي ماشية تلاقي نص العباية مفتوحة و تفضلي كللللل شوية تقفلي فيها ..

و كمان حاجة تانية .. انها ممكن تصدي مع الغسيل و تبقع على القماش .. و يصير شكلها باااااااايخ .. و اصلا شكلها في العباية مررررررة مو حلو ..


و كمان أحرصي انك تعيدي على خياطتها من اول ماتستلمي العباية .. عشان ما تطيح منك و نفس الشي ما تلاقي نفس شكل الاازرار اللي طاح ..

و كمان انك تاخدي معاكي كم حبة من نفس الازرار احتياط .. زي ما نشوف في اليلايز الجاهزة يجي معاها كم زر احيتياط ..


***********************************************************

و الفكرة الثانية ... بالنسبة للاأكمام ... اطلبي تفصيلها أكمام عادية مش متصلة .. يعني تكون زي اكمام البلوزة العادية بحردة ..و قصة منفصلة .. لاني أحسها أريح و شكلها يكون مرتب أكتر في اللبس .. و كمان تعطي فخامة للعباية ,, و ما ترفع العباية من الجوانب لما تكون كلوش ..و تصير العباية كانها قصيرة .. و عيرية على قولة اهل مكة ,,

و اذا حبيتي انك تطلبي أساور لنهايات الاكمام تصير زي أكمام البلوزة الرسمية فهو أفضل .. لسبب .. إذا حبيتي إنك تتوضي و انتي برا البيت .. ما يحتاج تفسخي العباية كلها .. فقط تفكي ازارا الكم و تشمري .. و دايما احرصي انو يكون مقاسها اكبر شوي من كم البلوزة العادي .. عشان ما تفصل جسمك و ما تضايقك اذا لبستي اي حاجة تحتها ,,

*******************************************


و الفكرة الثالثة .. بالنسبة للازارير من قدام اللي قلنا عليها .. احرصي انها تكون للنهاااااااية .. لانو فيه عبايات تجيكي آخر ازرار فيها من تحت بعيييييييد عن طرف العباية .. و طبعا كل ما مشيتي يبان اللي لابسته تحتها و ممكن تنكشف ساقك .... فأحرصي انو يكون على الاكتر 5 سم فقط من طرف العباية .. و هادي لها ميزة .. انك حتى لو لبستي تنورة او بنطلون مدي او شوية ناطط ما راح تنكشف رجلك ..

و كمان خلي المسافة بين الازرارير تكون قريبة نوعا ما .. مو مرة لاصقين في بعض .. و لا مرة بعدين .. يسوا فتحات بايخة و تنبان الملابس من تحتها ...


*************************************************************

و اللي تقول الازارير تتعب في فكها و لبسها كل مرة .. اقللها .. انو في بلاد الغربة الامر مختلف .. لانك بتفضلي بالعباية اليوم كلللللللللله .. و في نهاية اليوم بس بتفكيها لما ترجعي البيت ..
فلازم تكون عملية جدا .. عشان ما تضايقك و انتي بتركبي الباصات و الا القطارات .. و الا في المشي و الطلعة و النزلة ..

***************************************************************

أنا عارفة إني قرقرت كتيييييير .. لكن و الله حبيت أفيدكم .. زي ما استفدت كتييييييير من هادا المنتدى الغالي ..

و ياريت اي وحدة تستفيد من القرقرة اللي كتبتها فوق ... انها تدعيلي في ظهر الغيب بالزوج الصالح اللي اتمناه .. و يرزقني من خيري الدنيا و الآخرة ,,, و يحفظلي نور عيوني ماما و بابا و أختي و أخويا ,,, و الله البعد عنهم عذااااااااب ..



و السلام عليكم و رحمة الله ..
مجنونة روحي
مجنونة روحي •
يسلموووووووووووووووووووووووووووووووووو
موضووووع قمة الروعه
بس انا خايفه من فكره الثام يعني تبيي تطلع عيوني وهذا حرام
وانا خايفه
وفيه من صديقاتي يقلون تحجبي وانا خايفه من رابي
ماااااااودي اروح بس زوجي قايل لهله
بعد الزواج شهرين بروح
خايفه اقول لا
لانه اكيد مراح يرضى اني اقعد وهو يروح
لانها بيطول يعني سنتين
والله خايفه من جد من فكرة الروحه
من بعد ماكنت البس عبايه على الراس
وعطاء
ماودي اروح بس مادري كيف اوصلهم كلامي
والله خايفه