اختى رائحة المسك.........
يزاج اللة كل خير على النصيحة.....
انا اتكلمت فى هذا الموضوع وقلت..
اننا فى الامارات مانفصخ العباية فى الاعراس والحفلات
حتى فى بعض الزيارات...
ولهذا السبب انا طلبت موديلات للعباية.....
ارجوا انج ماتفهمين موضوعى غلط

هلا اختي.. مشكوره على الموضوع..
في محل في بوظبي في الخالديه اسمه بثنه صراحه عنده موديلات اتجنن وباسعار مب غاليه ابدا…
وكل اسبوع ينزل موديلات يديده…
اتمنى اني قدرت افيدج
:)

باليت اللى عندها صور تنزلها علشان الكل يستفيد

عزيزتي ودي افيدك .. بس انا من السعودية وما عندي المام بالعرف عندكم في الامارات

بس حنا في السعودية نلبس العباية العادية واذا دخلنا قاعة الفرح نشيل العباية ونكون كاشخين بفساتيننا وما في رجال ابد

بس اللي فهمته انكم تلبسون عبايات مشغولة بشك وخلافه حتى في داخل الفر ح

يعني ما تلبسون فساتين كشخة لان الكشخة بس بالعباية ؟؟ اعذريني اختي بس مجرد فضول ودي اعرف عاداتكم بالامارات :)

طيب واذا طلعتو برا قاعة الفرح ما يكون فيه رجال ؟؟
والا تلبسون عباية ثانية حقت الطلعة ؟؟

:)

انا عندي موديلات جميلة جدا ومحلي بالبحرين واقدر اوصلك اذا عجبتك الموديلات
عموما طرشيلي ايميلك الخاص وانشاءالله راح ارسلك لك الموديلات