الله يستر علينا وعلى بنات المسلمين و يثبتنا يارب

ساره 2010 ايوه الحريم اخذوا فتره يلبسون جاكيت فوق العبايات واحسهم الحين بطلوا من ذي الحركه الحين ماسكات في البوالط اللي لون كحلي وحتى الطرحه يلبسون كحلي

وفي عيد الفطر جالسه في المسجد في صلاة العيد وقدامي ثلاث بنات ثنتين اعمارهم في العشرينات ووحده واضح انه عمرها في الثلاثينات وامهم كبير بالسن وقاعده على كرسي

وراهم وياحليلها ضعيفه على نياتها دقت البنت الكبيره وكانها بتشتكي لها يعني شوفي اخواتك كيف وقالت لها طرحهم لونها كحلي صح والبنت قالت لها ايوه صح ياماما وجلست

تضحك وقالت حتى انا ياماما ما انتبهتي لي انا البالطو تبعي لونه كحلي وطرحتي سوداء واخواتي كله كحلي هذا الرفق بيننا

الله يهديهم

انا سمعت الشيخ المطلق ببرنامج فتاوى في رمضان يجيز لبس العبايه الملونه من غير تطريز وزركشه وان تكون ساتره .لا كن مافيه مانع بارتداء اي لون غير الاسود .

ايوه هو عادي مو لازم الا اسود بس وضعنا في السعوديه دوري اللي يتقبل لون غير الاسود يشوفوها شي غريب اللي تلبس غير الاسود
وبعضهم يهاوشون زي انعزمت في زواج وخلاص بعد ما انتهى الحفل وقاعده على الكراسي اللي برا انتظر السياره وكانت فيه حرمه
لابسه بالطوا لون رصاصي ساده والحريم اسمعهم جنبي مفجوعات ووحده كبيره في السن سمعتها تقول والله ياهذي اللي لابسه بالطو
رصاصي ماوراها احد يردها عن دربها خلاص مستحيل يتقبلوا وحده تلبس غير الاسود واللي تلبس غير هذا اللون الله يكون في عونها
ماراح تجد تقبل والمجتمع يلفظها فعشان كذا الوحده تلبس حسب اللون الدارج في بلدها