جاتني قصيده عالايميل واعجبتني جدا
وصممت عليها هذي البطاقه
" البطاقه رسم ببرنامج الأليسريتور "
وهذي القصيده كااامله
وهي للشاعر " ناصر البراق "
العبايه عولموها وانفثو فيها السموم
ــــــــــــــــــــ من ملاهي الرقص جابو فكر تخصير العباة
ظيقوا صدر العباة ووسعوا طرف الكموم
ــــــــــــــــــــ ونزلوها لين وصلت آخر أكتاف الفــــــــتاة
بانت نحور الصبايا وانكشف شكل الهدوم
ـــــــــــــــــــ والغبيه تحسبنها زايده زين وحـــــــــــــــلاة
والبراقع دلعوها لين عام الخد عوم
ـــــــــــــــــــ لازم القرضه توسع والكحل يلقى الحـــــياة
طوروا شكل النقاب وصارت الدعوه علوم
ـــــــــــــــــــ صار شفاف(ن)يوضح خدها ويا الشـــــــفاة
وآخر الصرعه لثام(ن)يفتن الرجل العزوم
ـــــــــــــــــــ والفتن قالوا ضلاله للقلوب المؤمنـــــــــات
وش علامك بنت حوى تستبيحين السلوم
ـــــــــــــــــــ أو مع خيلك ياشقراء بعضكم جنس البنـــات
قاهرتهم هالعبايه مايبون الستر دوم
ـــــــــــــــــــ جدهم علمان يعني لاصيام ولاصــــــــــــــلاة
حطوا إن البنت سلعه وغلفوها بالهموم
ـــــــــــــــــــ وارفعوا شعار(ن) ينادي للحقوق الضايعـات
من ظلمها والبدو لاصاحت الحرمه تقوم
ــــــــــــــــــ قايمه تحت المعادي لجل عين الشامخــــــات
من ظلمها يوم قام المعتصم من عز نوم
ــــــــــــــــــ قال وين الكافر اللي يستبيح المسلمـــــــــات
ثم ذبح لجل شعرتها من العدو كثر النجوم
ـــــــــــــــــ قال هذا حق منهو يستـــــذل الطـــــــــــاهرات
نكسوا ذاك الشعار ولملموا باقي السهوم
ـــــــــــــــــــ يكسر الخاطر سهمكم لاضرب في مدرعـــات
بيتكم لاصار مبني داخل البيت مهدوم
ــــــــــــــــــ وبيتنا صوم وصلاة وحج وأشهد والزكــــــــاة
إتركيهم يابدويه وخلي اللايم يلوم
ـــــــــــــــــــ وسعي خصر العبايه واكرمي بالمكرمـــــــات
وإن رفعتيها لراسك أصبح الراس محشوم
ـــــــــــــــــــ العبايه فوق راسك حشمه وطيب وثبـــــــــات
وماعليك من اللئيمه تحاول تقلدك يوم
ـــــــــــــــــــ لبست البرقع ولكن حن عرق الماجـــــــــدات
بحنكها ألفين دقه مدري ألف من الوشوم
ــــــــــــــــــ أو تراه ألفين هكري يكتبون الذكريـــــــــــــات
ولابغت تكتب قصيده قافها هو قاف يوم
ــــــــــــــــــ (يوم يابا)(يوم يابا)جاك عرق الراقصـــــــــات
جت تقول إني بدويه قلت أنتي وجه بوم
ــــــــــــــــــ إعقبي منتي بدويه أنتي جزء من الحـــــــصاة
يابدويه لايغرك بعض غربان(ن) تحوم
ــــــــــــــــــ أنتي فوق الكل أنتي فوق روس النايـــــــــفات
أنتي يوم الحرب دارت والمعارك (قوم)(قوم)
ــــــــــــــــــ عانقت عزوات أخوك صوت ضرب المرهفــات
إن حدوا من بيننا أو طولوا حد العقوم
ــــــــــــــــــ يابدويه طبعي أرقى فوق كل الطايــــــــــــــلات
إحذري يابنت منهم طبعهم نفث السموم
ــــــــــــــــــ عولمتهم لو أعرفها طلع معنى الشـــــــــــتات
ظيقوا صدر العباة ووسعوا طرف الكموم
ــــــــــــــــــ وبيجي يوم(ن) نشوف شقوق في وسط العبـــاة
وسلاامتـــــــكم
:(134):
ماشاء الله تبارك الله !!
بطاقة ولا أرووع ..
الرسم متقن والفكرة جداً رائعه والقصيدة كذلك ..
وإن كان لي ملاحظه فهي على الظل الموجود في النّص ..
تسلم أناملك ياأحلى كتكووته :)
وبالتوفيق ياااارب ..