شقرديه911 @shkrdyh911
عضوة نشيطة
العب غيرها.......يازوجي العزيز..
سقته زوجته رحيق غرامها وكلماته الحلوه حتى انتشى امامها واحس انه مدين لها فلم يدر كيف يكافئوها ..فاخذدفتر شيكاته ووقع لها شيكا" بخمسين الف ريال وقدمه لها مع ابتسامه سعيده .. (سنافي)فاخذت الشيك بغير اهتمام وقالت بصوت خفيف مملوء بالحب:_لاقيمه للفلوس عندي الا انها دليل على حبك وحبك هوكنزي ..يا حبيبي !( خلك وياه)ثم امطرته من جديد بهمسات حبها واعجابها وشمس الاصيل تؤذن بالافول ثم قالت بنعومه:_عن اذنك ياحبيبي اذهب الى الخياط وآتي بفساتيني واقيسها لك .(الله يستر عليك)ونظر الىقدها مسرورا"وهي خارجه ,ثم جاءته مكالمه هامه شغلته عن انتظارها فخرج ولم يعد الامتاخرا" فنام...(نوم العوافي)في الصباح احس -كالكابوس-انه اعطاها شيكا"بخمسين الف ريال وهو تصرف لامبررله على الاطلاق كما يرى الان..(راح السكر وجاء الفكر)كانت نائمه فاسرع الى الهاتف واتصل بمدير البنك وكان صديقا"له وطلب منه ان يوقف صرف الشيك ابو خمسين الف الى الابد,فضحك مدير البنك وقال:_ياحليلك ..لقد احضرته زوجتك امس وصدقته وادخلته حسابها على الفور!(جعلها الزين فيه)فغضب وذهب اليها وهي نائمه فاوقضها بسرعهوسالها:ماذا فعلتي بالشيك؟قالت وهي تغالب النوم:_ادخلته حسابي !فبهت وقال :_رجعيه !..انا كاتبه اختبر مشاعرك !(كان غيرك اشطر)فجلست وقالت:_العب غيرها ..انا عارفتك ابوطفيره متقلب المزاج كطقس لندن ..لذلك استاذنت منك ودخلته حسابي على طول قبل توقفه ..اعرفك ..العب غيرها..وضحكت سعيده ,فقال محتارا":_يعني ماذهبتي لاحضار الفساتين؟قالت ضاحكه :_لاحضار الفساتين وصرف الشيك او على الاصح لصرف الشيك واحضار الفساتين!قال:_والحب؟انتي تقولين ان الفلوس انها دليل حبي لك وان حبي كنزك.قالت ضاحكه:_صح..ولكني ابغي دليل حب اصلي ..ماهو مزور ..تعطيني شيك في الليل وتوقفه في الصباح..ماصار..هذا حب معناه كلام الليل يمحوه النهار.قال الزوج بخبث:_حبيبتي انا الان محتاج لفلوس ارجوك رجعي الشيك واوعدك .فقاطعته ضاحكه :_لاتوعدني ولااوعدك..عصفور في اليد خير من عشره على الشجره..خيرها في غيرها ياحبيبي..فخرج يزفر وضحكاتها السعيده تطارده.هذه القصه قريتها واعجبتني لانها مرت على شخصيا"مثلها ان زوجي يواعدني باشياء مثل بيعطيني ويسويلي وبيوديني وبعدين يتراجع :icon33: ويتعذر باعذار مالها اول وتالي :09: وانا خلاص عرفت له :22: واول مايوعدني باي شي على طول اسويه مافيه انا مافوت الفرصه علي وخصوصا"اذا كانت منه:arb: انا كتبت القصه هذي واذا اعجبتكم قلت لكم على القصص اللي صارت لي اللي الى اليوم وهو كل ماتذكرها تحسر يستاهلون اللي مثل ذا الرجال الي يوعدون ويهونونوكلمتهم المشهوره ..انا قلت لك ..صحيح ..تصدقين مااتذكر..لاياحبيبي اذا انتوا يارجال تنسون حنا يا النسوان ماننسى ولله الحمد
13
1K
يلزم عليك تسجيل الدخول أولًا لكتابة تعليق.
ماااارية
•
ان كيدهن عظيم
اختي اسرار البحر اشكر مرورك وبعدين انتي شكلك مافهمتي القصه اقريها مره ثانيه ..وانا بفهمك معنى القصه ان الرجال عطاها فلوس وبعدين تحسف وهي ماغلطت يوم خذت الفلوس .وهي ماخذتها بخداع واذا على الدين فالرجل هو اللي غلطان يعطي وبعدين يرد العطيه !!!!وفيه حديث عن ابن عباس رضي الله عنهما ان الرسول _صلى الله عليه وسلم_قال:(الذي يعود في هبته كالكلب يرجع في قيئه) واللحين مهوب اللي يبي يرجع هبته (عطيته) اللي عطاها زوجته؟؟؟ والحديث الثاني عن ابي هريره رضي الله عنه ان الرسول _صلى الله عليه وسلم _قال: (ايه المنافق ثلاث:اذاحدث كذب, واذا وعد اخلف ,واذا ؤتمن خان ) يالله اللحين مهوب اللي وعد واخلف؟؟وبعدين ايش حرب وايش خدعه ..ياختي هذا حياه اسره قائمه على الموده والرحمه ..بس تجي ساعات يكون الزوجين في رومانسيه وحب والله يهدي الزوج فيها ويمني زوجته انه بيعطيها ويوديها ومادري ايش...بعدين اذا راحت الرومانسيه وراح السكر و جاءالفكر يهون :( من اللي وعدها به ...ليه؟؟؟ وباسئلك سؤال اذا زوجك عطاك فلوس الصباح هديه لك ..وبعدين جات امك وعطيتيها الفلوس كهديه من عندك..وجاءزوجك العصر وسئل عن الفلوس وقلتي له انك عطيتيها الوالده ..(هل يكون انك خدعتيه)ارجوا انك ماتزعلين علي لاني احس انك مافهمتي الموضوع صح وهذي لك:26:
wOOjOOd
•
حلوووووووووة القصة تسلمين عليها
ويا عيوني الله ما كثر هالرجال يوعدون ويخلفون انا رجلي مسميته عرقوب(( مواعيد عرقوب)) من كثر ما يخلف وعودة
بس الشطارة في الكيد (( ان كيدهن عظيم)) والكيد دليل الذكاء والنباهه مع رشة حيله لان الرجال ما يجون الا كذا
تشكرات مرة ثانية على القصة
ويا عيوني الله ما كثر هالرجال يوعدون ويخلفون انا رجلي مسميته عرقوب(( مواعيد عرقوب)) من كثر ما يخلف وعودة
بس الشطارة في الكيد (( ان كيدهن عظيم)) والكيد دليل الذكاء والنباهه مع رشة حيله لان الرجال ما يجون الا كذا
تشكرات مرة ثانية على القصة
الصفحة الأخيرة