العجيبة الثامنة

السلام عليكم ورحمة الله وبركاته
والله ما ادري هذي القصيدة اول مرة تطرح في المنتدى او معادة بس اعجبتني وقلت انقلها مثل ما قرأتها
وان شاء الله تعجبكم
شاعر قمه في كل حرف يكتبه ........



تمكن بشكل جميل من وصف حبيبته .......



كما يقول :

الثامنه في حسابهم لو تعدين
والاوله في حسبتي واحتمالي



وهذه الحبيبه دوما تكون الاولى في قلب حبيبها ......



او كما يقول :

يانكهة التفاح .. والكرز .. والتين
ياضحكة اللولو .. طبيعي وحالي


الله الله على هذا الجمال في حبيبة شاعرنا العذب .......



او كما يقول :

ياعشق (روميو) .. وانتحاره من سنين
اللي رما بالروح .. من شان غالي



او كما يقول :

ياسلطة امريكا .. بكل البلادين
وانا ضعيف .. وساعيه لاغتيالي



وكما يقول :

ياقصف .. فيفتي تو .. 52
قلبي غدا بغداد .. والرعب بالي






الثامنه في حسابهم لو تعدين
والاوله في حسبتي واحتمالي

جيتي على منوال .. قلب الموازين
جيتي على نسق الشعور المثالي

انتي بداية عهد .. مدري على وين
بس الاكيد اعلنت .. معك ارتحالي

يامجدده في داخلي .. للمحبين
مجلس (لبن لعبون) .. (وابن الهلالي)

ياسمرة الشعار .. عند السلاطين
يامبتدأ اول خبر .. باشتعالي

ياالعالم الاخر .. بعين المساجين
ياشعر (ابو نواس) في مدح .. والي

يانكهة التفاح .. والكرز .. والتين
ياضحكة اللولو .. طبيعي وحالي

يابسمة الرمان واللوز .. تدرين
الله يدفع عن حرامي .. حلالي

ياورد .. ياازهار هولند .. وبرلين
يامطلع بيوت الشعر .. بارتجالي

يانغم (بيتهوفن) .. بجر التلاحين
يافكر (اينشتاين) .. في كل مجالي

يااجمل حديقة ارض يااجمل بساتين
ياواحة النخل العروبي .. تعالي

ياعشق (روميو) .. وانتحاره من سنين
اللي رما بالروح .. من شان غالي

ياحلوة القرنين .. لا ماتزيدين
تبقين في نفس الجمال الخيالي

يامفرحه .. يامؤلمه .. هين مع هين
قلبي وعيني .. يطلبونك قبالي

ياحزة الافطار .. عند المصلين
ياصوت صافرة الخطر .. بالزوالي

ياسلطة امريكا .. بكل البلادين
وانا ضعيف .. وساعيه لاغتيالي

ياحكم (بوش) .. (وفيدل كاسترو) .. (وبوتين)
طغاة عصر العولمه .. ماتبالي

وانا بدائي .. شعبٍ اعزل .. ومسكين
عيني بصيره .. لكن الكف خالي

ياقصف .. فيفتي تو .. 52
قلبي غدا بغداد .. والرعب بالي

من تقصفينه بالهدب في طرف عين
لا طب ينفع .. او قراية ملالي

البحر من خلفي .. وقدمي معادين
ياكن طارق يوم قاله .. قرالي

يدفعني يمك شي قاسي .. وتكفين
ياسحر هاروت ارفقي في وصالي

يوم امتزجنا روح .. من بعد روحين
انا بداله .. مدري اني .. بدالي

شفت الحلا عن قرب .. في واقع الزين
وبديت اوصف كل شيٍ .. طرالي

هذيك صبحي والمخاليق .. ممسين
وهذيك تقلب من صباحي .. ليالي

واذا تبعثر شعرها .. بالرياحيين
تنقل لك الفردوس .. بالك وبالي

وغير البحر للملح مصدر .. وتكوين
كن في جسدها اول الملح .. وتالي

يوم إسألت وشلون كسر العزيزين
قلت اهجريني وانشدي وش جرالي

راحت وخلت للمواجع .. عناوين
نارك ولا جنة هلي .. ياحلالي

(سبحانك اللهم وبحمدك اشهد ان لا اله الا انت استغفرك واتوب اليك )