:)

نسيت قلك بتلاقيها بقسم الفريزر ناح المعجنات والحلو ...بوول مارت وماير وكل هدول

وأحسن شي تكتبي اسمها وتسألي الموظفين بياخدوك لعندها فورا

بأمان الله

طيب عطونا طريقة طبختكم بلييييييييييييز

شوفي عزيزتي كسرة بخور

بتطبخي الرز بزاليا بالطريقة العادية

وطريقتي هي : سمنة أو زيت بطنجرة وبعدين بتقلي لحمة ناعمه وبتحطي فوقها بهارو ملح
وبعدين حطي ماء مقدار الرز اللي بك تطبخيه لنقول كاستين رز بدهم كاستين مي

وبس لتغلي المي سقطي البزاليا وهي متلجة واستني لتغلي المي وبعدين حطي الرز وبعدين هدي الرز لحد ما يستوي ...



المهم خلصت الطبخة

قيميهم وخليهم يبردو منيح مو سخنين .... واقلي شوية مكسرات لوز وصنوبر وكذا ...... أطيب والذ

وبعدين جيبي زبدية صغيرة عندك

افردي فوقها شريحة الرقائق ...أنا باخد الشريحة الصغيرة وبطويها يعني بتصير طبقتين وممكن تعملي طبقتين أو تلاتة أو اكتر لو بتحبيها مقرمشة أكتر ...
وبتحطي الرز ببزاليا بقلب الزبديية بالنص يعني وبعدين بتطوي الاطراف اللي على جنب فوق بعضهم بحيث يصيروا متل الطابة الصغيرة وبتقلبي الزبدية ووبتصفيهم بالصينية المدهونة بالزيت وكمان بتدهنيها بالزيت من وجها

وبعدين بتحمريهم بالفرن شي 15 دقيقة ليصير لونهم ذهبي

وبتاكليهم فورا مشان يكونوا مقرمشين ..... ويفضل لنفس اليوم فقط مو لتاني يوم بصير مو طيب
يعني كل يوم لفي شوية على قدر الحاجة

وقدميه مع سلطة لبن .....لبن عادي بتقطعي فوقهم خيار ناعم كتير كتير مع شوية توم مدقوق ورشة نعنع يابس وملح

وأطيب سلطة مع اطيب اوزي :26:

على فكرة أحيانا بزيد من علبة الرقائق شوية فما برجع فرزهم لأنهم بينشفوا

بجيب جبنة شو ماكان عندي موزاريلا جبنة عربية غيرها

بعملهم دوائر أو مثلثات أو على شكل القلم ...

وبشويهم سوا يا الله شو طيبين ....

وألف صحة وهنا على الجميع

هي صورة الاوزي :






الصورة التانية عاملين الاوزي بعجينة البف باستري

أنا ما جربتها بصراحة ما بعرف منيحة ولا لاء

شام شكرا كتير كتير ما قصرتي عزيزتي
بارك الله فيكي