دائما نحب نسوي الفطاير لكن للأسف تواجهنا اول مشكله ان العجينة ماتضبط حتى وان كانت مقاديرك مضبوطه
تشكيل المعجنات سهل جدا اذا كانت عجينتك مضبوطه .. وانا كنت اعاني منها .. جربت كذا طريقه وماكنت تضبط معاي حتى عرفت بعض الاشياء عنها
اول سبب لنجاح العجينة الماء الدافي .. ابدا لاتفكري تعجنيها بماء عادي او بارد
ثاني شي اضافه علبه زبادي عليها تعطيها ليونه مش طبيعيه
ثالثا تعجنيها بالشي الجميييل اللي هو المضرب الكهربائي تجي معاه قطعتين وحده منهم مبرومه .. هذه لها الفضل الكبير ان العجينه تضبط لان تعجنها لك تمام التمام ( طبعا هالكلام للي ماعندهم عجانه كهربائيه بالبيت )
والشي الاهم العجينه لازم لازم تاخذ وقتها تختمر كويس
الان نجي لطريقه عجينتي
تحطي بالزبديه 2 ملعقه اكل خميرة 2 ملعقة سكر 2 كوب دقيق
بعدين تحطي عليها علبه زبادي ( مايكون بارد .. بدرجه حرارة الغرفه ) وكوب وربع ماء دافي يميل للحراره اكثر
وتخلطيهم بالمضرب 3 دقايق .. واتركي العجينه لمده ربع ساعه .. راح تكون خفيفه معاك .. مو مشكله
ارجعي لها بعد ربع ساعه تلاقيها اختمرت وكبر حجمها شوي حطي عليها كوب ونص دقيق ( او حسب ماتحبيها قاسيه او لينه تقدري تزيدي او تنقصي بالدقيق ) وتحطي فنجالين حليب مجفف وربع كاسه زيت
واعجنيهم بالمضرب لحد ماتشوفي العجينه اتماسكت وصارت مثل اللبان
وغطيها وخليها لمده نص ساعه او ساعه الا ربع وابدأي شكليها
وهذا شكلها وهي جاهزه للتشكيل \
