كيفكم؟؟... اليوم مثل ما وعدتكم البارحه...نزلت طبق المعجنات..
هالعجينه اول مره اعملها... بس واااااااايد حلوه..:p .. من موقع اجنبي... عملت منها فطاير وخليه وخبز بالزعتر عالعشا أمس ..... يعني 3 1x ههههه
المقادير الكتوبه فالموقع كانت بالجرام.. وانا اتبعتها..... بس راح اكتب بالاكواب المعياريه.. مقابلها كوب جبن كرافت 240 ج بالتقريب... بسم الله
500 جرام طحين جميع الاستعمالات...(3 أكواب وربع)
120 جرام سكر ....( حوالي نص كوب..... انا حطيت ملعقتين كبار ونص..)
ملح
50 جرام خميره فوريه..(1 ونص ملعقه كبيره خميره)
50 جرام زبده ( ربع كوب)
100 مل حليب ( نص كوب)
120 مل كريم ( نص كوب ...صراحه ماكان متوفر عندي كريم.. فدمجته مع الحليب.. يعني عملت 220 مل حليب دافئ )
بيضه
الطريقه:
عااااااااديه جدا... مجرد نحط النواشف مع بعض.. بعدين نحط المقادير الثانيه فوقهم .. وشغلي الخلاط لمده لا تقل عن 5 دقايق...
ممكن العجن باليد.... بس عاد بتاخذ وقت اطول:7_5_131:
ملاحظه: فقط استخدمت ثلاث ارباع كوب الحليب.. مش كله... يعتمد حسب نوع الطحين ...
خلونا مع الصور الحين.
انا استعجلت وبديت العمل قبل التصرير.... نشيطه بسم الله :7_5_131: .. خلطت النواشف وحطيت البيضه مع الزبده ..
هذي صوره مقربه للاوضاع بالوعاء
وهنيه صور الاطباق النهائيه.... طبعا انتوا تقدروا تتفننوا اكثر واكثر...
اتمنى يكون تطبيقي عجبكم... العجينه حلوه حتى لليوم الثاني... مجرد تحطيها فالمايكرويف ثواني وتصير طازجه مره ثانيه..
عفكره البيكنج باودر اللي فالصوره الاولى مش لهذي العجينه.. كنت اعمل اكثر من حاجه..كانت للقيمات.. اعذروني..
حياكن :26:
