مو لازم عجانه


لاتصعبينها على نفسك


بس اهم شي لاتضبعين فلوسك باالاشياء اللي بالسوبر ماركت مثل الاشياء الجاهزه


انا ما اخذ شي جاهز الا خليط الكيك او المافن بس


والباقي اسويه

شوفي ياقلبي العجانه مررره روعه انا مثلك اسرتي صغيره فأشتريت عجانه السيف من السيف غاليري وكان عليها تخفيض ب250 وحجمها 5 لتر ومعتمده فيها العجينه اللي بقولها لك الآن وتطلع رووووعه ... لكن اذا مايمديك تشترينها عادي اعجني بيدك وطولي بالعجن شوي وتطلع نفس النتيجه.. وكمان البسي الجونتي الابيض الشفاف اللي زي تبع الدكاتره(( عرفتيه)) واعجني فيه مره حلو يخلي العجين يتماسك واعجني في زبيده اوحافظه بلاستيك احسها افضل من الانواع الثانيه..
بالنسبه لعجينه العشر دقايق اللي منزله بالرابط جربتها صح حلوه بس يبغى لها وحده يدها خفيفه وسريعه انا على مهلي في الشغل فصارت تطلع ريحة الخميره واغالبا الكميه كبيره ومااحتاجها كامله وصرت اعتمد هالعجينه للمعجنات وخلية النحل مررره حلوه وطريه وكمان ((للسينبون يطلع طرري وهش مو قاسي واخذتها قبل فتره من النت الله يسعد اللي كتبتها))
واحلى شي ان مقاديرها مضبوووطه


العجينه الذهبيه لسينبون
كوبين ونصف دقيق الكويتي
م كبيره خميره فوريه
م كبيره بكنج بودر
3 ملعقه كبيره سكر
ربع الكوب زيت
نصف كوب لبن مراعي
علبة زبادي
وبسسسس (( ماتحتاج مويه ابدا))
اعجني المقادير السابقه زييين لين تصير معاك عجينه لينه وغطيها بكيس لمده نصف ساعه او الى ان تنتفخ العجينه وبعدها استخدميها (( مولازم بكيس عادي اذا عجنتيها في حافظه بلاستيك غطيها بغطاها))
انا استخدم المكيال كاس الجبن السايل 240 جم
طبعا اذا تبغى كميه اكبر دبلي المقادير زي ماهي
الملعقه الكبيره تبع الاكل ...
بإذن الله تذكريني بالخير وكل ماسويتها ادعي لي😘

مافي زي العجينه اللي انتي تسوينها بالبيت ابقولك طريقه عجينتي
احط كاسه حليب دافي
ملعقه خميره
وشوي ملح وسكر
وربع كاسه زيت واخفقها لين تتجانس وبعدها احط
بكم بودر ملعقه واخفق وبعدها الدقيق والبسي قفاز عشان يسهل العجن عليكي بس اهم شي بعجينتي الخطوات وكثره الخفق وكثري عجن كثره العجن تخليها تطللع منفوخه وشكلها جميييل وشهي واحشيها باللي تحبين ممكن تسوي فيها فطاير اوخليه النحل او او او ان ششاء الله تضبط معاكي وتراها ماتاخذ وقت وتقدري تعجنيها وتحطينها بالفريز قبل تتخمر ومتى ماحبيتي تسوينها تطلعينها لين يذوب الثلج وتتخمر وتستخدميها وبالعافيه
اتمنى اكون افدتك

انا اعجنها بأيدي وما أطول بالعجن لكن السر أني اعجنها بزبادياو لبن بدون ماي ولما ادخلها الفرن يكون ساخن من قبل والمده 10 للفطاير الصغيرة مو اكثر والحرارة 200 لازم علشان ماتطول وتيبس


بالتوفيق

الاخوات ماقصروا اهم شي في المعجنات لاتطول في الفرن بالكثير من 9 الى10 دقايق حتى تطلع لك طريه