شكرا للجميع

و عليكم السلام

بالنسبة للسمبوسة تقلى بالزيت و هي لسه مجمدة , يعني ما تخليها تسيح مررةلأنها راح تلصق في بعض زي ما صار لك, أهم شيء تكون كل سمبوسة منفصلة عن أختها و كل ما كانت سمبوستك باردة يبغالك تخليها في الزيت مدة أطول و على نار أهدى عشان لا تنحرق من برا و تكون مثلجة و نية من جوا , يعني ممكن تنزليها من الفريزر قبل لا تقلي بربع ساعة

و لما تفرزيها افرديها في صينية و دخليها الفريزر ساعة أو اثنين لين ما تحسي أن كل وحدة فيهم جمدت لحالها بعدين حطيهم في علبة و في الفريزرز

أما بالنسبة للعجين ما قد جربت أسوي فطائر من قبل بيوم

لكن شفت ناس (حريم) يسووا الفطائر ( بيتزا , كروسان , بالخضار ...لكن بصراحة ما قد شفت شيء بحشوات التونة هل يتغير طعمها أو لا ما أدري)
المهم يسووها و يدخلوها الفرن لين ما تستوي لكن ما تحمر و تاخذ اللون المحمر تكون أفتح شوية >> ليش؟؟

عشان حتدخلها الفريز بعد ما ترصها في علب و لما تحتاجها راح تطلعها و ترص الكمية اللي تبغاها في صينية و تدخلها الفرن منها تسخن و منها تتحمر و تصير جاهزةز

أما بالنسبة للعجينة فمرة سمعت في التلفزيون انه ممكن تسوي العجين و تدخليها الثلاجة قبل لا تتخمر و لما تبغي تشتغلي فيها تنزليها من بدري يعني ساعتين أو 3 ماني فاكرة بالضبط المهم حتى ترجع حرارتها و تبدأ تخمر و بعدين تستخدميها

أما بالنسبة لكم يوم تقعد في الثلاجة و في أي رف ما أدري


أتمنى أكون أفدتك و ما طولت عليك

دعواتك