بسم الله الرحمن الرحيم
لن اجزأ هذه القصه ففيها من عذابي مايكفي هاهي مره واحده دعواتكم لي كما عهدتكم لا اريدها ان تنقطع
كم منكم من تعلم قصتي وتفاصيلها وكم منكم من كانت دواء وبلسما لجراحي وكم منكم من دمعت عيناها لاجلي ودعت لي<<<<اللهم لاتحرمهم اجرهم
وسأبدأ قصتي بوقفه:شرايين زوجها لم انساك ابدا فقد كنتي في كل الم رفيقتي بالدعاء عندما اتذكرك او اقرا قصتيك للمره المليون ولم انسى ان اذكر الله واسمي على صبرك وعلى مارزقك عشت قصتك الاولى وانتضر الثانيه بفارغ الصبر<<<<<ماشاء الله تبارك الرحمن
من هنا ساتكلم عن قصتي بتفاصيلها وافضفض عن مابداخلي بلهجتي العاميه حتى اكون اصدق معكم..
هذي ثالث عملية حقن مجهري يوم قررت اسويها كان زوجي راااااااااااااااافض جدا لان بكل مره تفشل كنت اعاني من النفسيه السيئه بغض النضر عن فرط الاستجابه اللي حصل لي بالمره الاولى وهدد حياتي بالموت...
بدت رحلة الاقناع وزوجي رافض حاولت وحاولت وحاولت وبكيت وترجيته وكنت ادعي ربي انه يوافق ويوم ورى يوم وساعه ورى ساعه الا جت ذيك الليله اللب تناقشت فيها انا والعضوه الامل موجود وكنت بكذب عليه عشان يعطيني المبلغ على اني محتاجته لاهلي واسويها من وراه بحيواناته المنويه المجمده ولكن صديقتي الله يرزقها رفضت بحده وقالت صارحيه افضل لك مسكته وتناقشنا وفهمته كذبتي وحن علي وقال يابنت الحلال توكلنا على الله ومن الدوره الجايه نبدأ العمليه..
ورحت للدكتور ثاني يوم ماصبر ت طبعا الدكتور عبد العزيز الشهراني ولاراح اغيره اطال الله في عمره
وقلت للدكتور يالله باسرع وقت نبدا عطاني حبوب تنزل الدوره دوفاستون 10 ايام وبعدها باربع ايام تنزل الدوره قلت ياربي باقي 14 يوم مافيني صبر واتفاجأ ان زوجي بيسافر 10ايام بيرافق امه بسفره لها بعد 20 يوم يعني كان وقت الترجيع وكانت المصيبه والالم اكبر لانه مايقدر يتخلى عن سفر امه رحت من كيفي وخليت الحبوب 5ايام فقط عشان تنزل لي دورتي باسرع وقت وفعلا نزلت الدوره وبدات المنشطات القليله لاني تقنية أي في ام وهي تنشيط التبويض خارج الرحم
وباخر جرعتين كان بينهم يوم راحه دقيت عالدكتور وترجيته اعجلها وقال خذيها يوميا الله يعين عليك يا اكثر مريضه مستعجله عمري ماشفت مثلك...
توكلت على ربي حبيبي واخذت الجرعات وجا يوم التفجير وانا عند اهلي ورحت مع اخوي واخذت الابره وبعد يومين جت عمليه السحب وصارت بيني وبين زوجي مشكله كبيره ضلمني فيها الله يسامحه ومادريت بها الا بعد ماوصلني السواق للمركز واتفاجأ بكمية الزعل والرسايل من اغلى البشر زوجي بكيت وانا مضلومه ودعيت ربي ينصرني بحملي مابي الا احمل وبس اخذت سجادتي وفرشتها وصليت الضحى وبكيت حتى ارتجفت اضلاعي وتداخلت من القهر ومن جربت الضلم راح تفهمني قمت من صلاتي وكلمته قلت والله مادخل عمليتي الا اذا شفتك وجا ونزلت له بالشارع ودخلت سيارته وحبيت ايده وضميتها وقلت انا سامحتك بس انت سامحني وان الله احياني بتعرف اني مضلومه وبتسامحني تضايق وقال ماني معطيكم العينه قلت مافي مشكله بس قول روحي وانا راضي عنك لاتحرمني من الجنه لو مت وانا طول عمري مرضيتك قال روحي يادانه وانا والله راضي عنك ونزلت ومسكني قال سامحيني قلت جعل عيني ماتذوق شوفها اذا بيوم ماسامحتك وشلون اجل اليوم..
دخلت السحب وكنت ابكي والحريم يهدوني وكلهم كبار ويحسبوني خايفه مادروا اني اقوى منهم من تجاربي وجا دوري وكنت قريت البقره لكن مو كامله سحبوا مني بويضاتي واستودعتهم ربي حبيبي العالم بهمي وطمني الدكتور وجا زوجي ياخذني وشاف كيف كنت تعبانه وتاثر على شكلي كيف انهديت من المشكله والادويه والضلم وقال يادانتي ماراح اتخلى عنك بكره اعطيهم العينه ونتوكل على ربي وانزاح بكلمته جبل عضيم من فوق صدري ضميته باقوى ماعندي وقلت له بلعكس ضلمك لي اليوم كان نعمه واحلى نعمه انت فتحت لي الستار اللي بيني وبين الله عشان لايرد دعوتي والله والله والله راح احمل وتشوف...
جا الترجيع وانا محتاره اسافر مع زوجي وامه ولا لا والكل اللي عارف كان ضدي صديقاتي الله يرزقهم:
الامل موجود
شيخوه ال حويرش
مرجوجه خلقه
زعلوا مني قالوا لاااااااا تروحين لاتسافرين انتي خبله تضيعين تعبك لكن انا متعلقه بزوجي ويمكن اموت لو ودعني قلت مالك الا رب العباد اساليه وبيدلك عالخير نذرت لله اني استخير 10مرات واللي ربي يقدره بيصير وفعلا بديت ارتب الاستخاره مع الفروض حتى اديت اخر صلاتين بمسجد المطار وتوكلت على ربي وسافرت وانا مرجعه لي 4ايام فقط ...
ودعوووووووووووووووت لكل من حرم ولكل من جرب الانابيب وغثاها وتعبها ولنفسي ولاهلي بدعوة المسافر تعبت جدا بالرحله من ضهري وصلنا للمكان المتوجهين له وراحت امه لاشغالها وبقى زوجي الغالي معي واتفقنا ننسى الاجنه لانهم امانه عند ربي نسيت الممنوعات ونسيت همي سيرت وطلعت الدرج ونزلت والله حتى السفن ركبتها وتلاطمت فينا الامواج تروشت واستشورت وبيني وببينكم حتى الجماع حصل مع انه 100% يفسد العمليه ولكن توكلي على الله لم ينتهي بل كان يزيد يوم ورى يوم مع تغير الجو تعبت بالربو والانفلونزا ارتفعت حرارتي والكحه قطعت انفاسي رحت لاقرب مستوصف ومن ورى زوجي حللت وكان اليوم السابع من الترجيع وانتضرت النتيجه وجت الممرضه وقالت:
مدام مافي هامييييييييييييييييييل
جت الصدمه اللي اكبر مني تبنجت ووقفت مكاني وطارت الورقه من يدي وعرفت ان اللي يقول مفعول الابره التفجيريه يخليك حامل ماجرب الصدمه هذي..
سكت ماعلمت زوجي ورحت اكملت زياراتي وتمشياتي باقوى واعنف الطرق استخدمتها ولكن ماوقفت علاجي رغم تعبي وماخذت علاج للكحه والالم بل رميتهم وكان ابي المستوصف عشان احلل من ورى زوجي مرت الايام ورجعنا بيتنا باليوم 11 من الترجيع ونزفت وقلت الدوره شرفت بكيت وبكيت ورحت للمركز مع السواق وحللت رقمي وتوجهت لبيت امي حتى تكون صدمتي اخف لو مو حامل كالعاده يسولفون ويبتسمون وانا بعالم ثاني اذن العشا وقمت اصلي والدم معي لسا التوكل والامل بالله مستمر توضيت وطلعت الا جوالي يدق طررررررررررررت زي الصاروخ وشفت المتصل مركز ذريه رديت وكان هالحوار:
الو:
الو مدام دانه.....
قلت ايه
قالت والله انتي حللتي اليوم رقمي والنتيجه مش مطمنه لانك باليوم ال14من الترجيع وهذا الرقم........... قاطعتها لالالالالالالا انا باليوم ال11 فرحت المنسقه قالت اجل مبروك انتي حامل والنسبه 89 وحللي بعد كم يوم
وينكم
وين رحتوا؟؟؟؟؟
تحسبوني وقتها كنت طبيعيه ولا واقفه عالارض لاوالله كنت انط لاعلى السقف وارمي نفسي عالارض سجود شكر وانطط وامي تمسكني وتسمي علي ومن لهفتي وفرحتي اقول يمه حامل بوسيني وضميني انا حامل وتركتني امي وراحت سجدت لله ونبكي انا وامي والشغالات انهبلوا يحسبون في مصيبه ونضحك ونبكي يارب تنعاد هاللحظه بشرت زوجي واختي وسكرنا عالموضوع بشرت ام زوجي وتعاهدنا نكتم عالخبر في كل مره اعيد التحليلل يتضاعف والرقم يقول توائم لكن الدم مستمر سويت اشعه بالاسبوع الخامس وشافت كيس واحد وعلمت اني فقدتت الاخر وحمدت ربي توقف الدم...
وابتدأ حملي
يالله ماصدق موعدي الجاي بسمع نبضه ماصدق في قلب ثاني بداخلي وجا الموعد واستعجلللللللللت ورحت قبله ودخلت السونار بالاسبوع السابع من الحمل وكنت احسبها شي طويل وبياخذ ساعات وما مداني تدخله الا اسمع صوت ياربي وش هالصوت الا هو اللي في بالكم
دق دق دق دق زي ماقالت شرايين
طرت وتلفت ابي جوالي صورت المقطع فيديو وسجلت النبض ورجعت لبيتي والامر مطمن وبشرت زوجي وماصرنا ننام الا على صوت الدقدقه وتوالت الايام ومرت الشهور وعذبني وحامي ونحفت وضعف حالي صيام ووحام والبطن يكبر والحلم يكبر والفرحه ماعاد لها مكان بقلبي ودي اوزعها عالجيران وابشر اصحاب المحلات وطباخين المطاعم وشيوخ المساجد وعمال نضافة الشوارع وجا موعدي بليلة العيد عشان اشوف ولد ولا بنت وعشان صار لي اسبوع وانا ابكي من الاحلام الموحشه اللي هاجمتني ليل ونهار وكنت خايفه على ثمرة فوادي رحت للمركز وسويت الاشعه لحظات والصوت المعتاد لحبيبي سمعته دق دق دق دق هو نفسه لكن وجيه الفنيات والدكتور تخوف صرخت وبكيت وقلت وش فيه ولدي وقال الدكتور للاسف الجنين مشوووووووووووووه
وابتدا مرحله الم ثاني ورحت ل8مستشفيات نزلت مواضيع وطلبت المشوره بكيت وتالمت اكثر من قبل ليتني ماحملت ولافرحت والدكارته حذروني من بقائه في رحمي خطر علي وحاولوا ينزلونه ولكن رفضت قررت اتمسك فيه لاخر لحظه بعمري وعمره ومرت الايام وهالجنين يتحرك برحمي ويقول ماما لاتخلين عني والله ماجفت عيني ولانمت ولا اكلت وشربت براحه من عرفت حالك ياولدي طبعا ماقالوا لي الجنس عشان ماتعلق فيه والله يستهبلون تعلقت وانتهيت من رجعتوه وهو حجمه بالملي لالالا تعلقت من هو بويضه اكبرها داخل رحمي بالابر وخارجه بدعواتي وتعلقي بالله نسيت امرهم وحلفت ماراح انزله ولكن الله اراد ان يرحمني وتوفي الجنين في رحمي وبدأ الطلق يلعب بي ويمزق بطني وعانيت من الصباح حتى غربت شمس ذلك اليوم وانا اصرخ وابكي واتالم وشريط حملي وذكرياته تمر علي مع الالم وزوجي جنبي يصبرني رحت للدكتور ودخلني غرفة الولاده وساعدني وطلعه من رحمي وجاني نزيف وهبوط وشفت ولدي وكان فعلا ولد زي ماتمنيته جابه لي ووراني التشوه مديت يدي ولمسته وصرخت ذيك الصرخه اللمدويه اللي عبت المكان وابكت الجميع وهزت زوجي حتى طاح من طوله وبكى مثل الصغار تدرون وش هالصرخه هي نتيجة صبري هالسنين عشان اشوف ولدي وشفته ميت استمرت هالصرخه حتى مابقي لي نفس وانقطعت وصورته وخذاه ابوه ودفنه واللحين انا بفترة نفاسي
والعذاب العذاب هو اني كنت حامل وانتهى الحلم اليوم والله اعلم هل بيجي يوم واكون حامل لكن بدون كل اللي كتبته فووووووووووووووووووق
طفله عشرينيه @tflh_aashrynyh
محررة ذهبية
العذاب العذاب اني كنت حامل...قصة حملي بالحقن المجهري وانتضار 4سنين شوفوا نتيجته
317
30K
يلزم عليك تسجيل الدخول أولًا لكتابة تعليق.
قصتك قطععععععععت قلبي ..الله يعينك على مصيبتك وياجرك فيها
ويااااااااااااارب الله يعوضك بتوأم بصحة وعافية كاملين الخلقة .. وتحملين طبيعي بدون علاج وتعب
يارب يرزقني ويرزقك ويرزق كل محروووووووووووومة
ويااااااااااااارب الله يعوضك بتوأم بصحة وعافية كاملين الخلقة .. وتحملين طبيعي بدون علاج وتعب
يارب يرزقني ويرزقك ويرزق كل محروووووووووووومة
الله يعوض صبرك بخير وتاكدي ان الله له حكمه في ذلك
وحده اعرفها 20 سنه ما حملت ويوم حملت مات
وزوجه اخويه نفس وضعك بس بعدها بسنه حملت وجابت ولد زي القمر
سلمي امرك لله وانسيه واهتمي في اشياء ثانيه والفرج قريب
وحده اعرفها 20 سنه ما حملت ويوم حملت مات
وزوجه اخويه نفس وضعك بس بعدها بسنه حملت وجابت ولد زي القمر
سلمي امرك لله وانسيه واهتمي في اشياء ثانيه والفرج قريب
(ديالا)
•
الله يعوضـــــــــــــــــــــــــك يارب بتوأم بصحة وعافية كاملين الخلقة .. وتحملين طبيعي بدون علاج وتعب
والحمد لله على سلامتك ..
والحمد لله على سلامتك ..
الصفحة الأخيرة
قطعتي قلبي آآآآآآآآآآآآآآآآآآآآآآآه
احتسبيه عند ربك عصفور في الجنه مع ابينا ابراهيم عليه السلام الله يفرح قلبك فرحه تنسيك كل العذاب ومرارة الصبر اللي ذقتيها يارب تفرح قلبها يااااااااااااااااااااااااااااااربـــــــــــــــــــــــــــــــــــــــــــــــــــــــــــــــــــــي فرح قلبها بضمة ولد سليم معافى صالح يارب