العذاب في الخيوط والمكان الحساس:(((((

اختي توكلي على الله بالنسبه للالم اللي بمنطقه الشرج طبيعي انت خدي بيتادين لتعقيم الجروح وبعد التبرز اغسلي المنطقه جيدا به انشفي المنطقه باستمرار دائما خليه ناشفه اما منطقة الخياطه ضعي عسل باصبعك بعد تنظيف المنطقه وتنشيفها وعى فكره عسل السوق وشوفي كيف يخف الالم وماعليك شر

يا حياتى
ماتشوفين شر ياعمري والله انى حاسه فيك .
ماعليش تحملي والا اشلون اتصيرين ام ؟
باالنسبه للا اسئله الخيوط اهم شئ علشان ما تلتهب ابتعدي عن العطور وخليك ضامه ارجولك علي السرير
حتى لا قمتى اتروحين اعزك الله للحمام امشي بشويش واذا فيه احد يساعدك بعد احسن وانتبهي مليون مره

لا تحطين التحاميل اللي يسوونها الحريم تراها جابتلي الغرابيل كل ماعليك انك اتسوين الدش المهبلي والمرهم الخاص وماجاك عندي .
اما باالنسبه بعد الاربعين فعلي حسب فيه حريم يلتئم اللحم عندهم خلال شهر وفيه حريم لابد اكثر من شهر
وحتى اذا طلعتى وقمتى باالسلامه لاتخلين زوجك يجيك علي طوول يعنى مو لازم المنطقه الحساسه كلها كله برا برا وماابي اوضح اكثر من كذا وبشرينى عنك .

الم الخيوط وبروزها هل هو طبيعي؟

طبيعي في الثلاث الايام الاولى وبعدين يبدا يخف


وهل وصول الخياطه الى مكان التبرز عادى وطبيعي ام هو خطأ من الدكتوره؟
عادي لان احتمال ان الشق وصل لهالمكان فلازم تخيطه

وهل يكفي التعقيم بمطهر دون تخفيفه بالماء ووضعه على كامل المنطقه؟ وبعد التعقيم وضع كريم فوسكورت ابو اسد؟
افضل شيء للتعقيم مطهر بيتادين بدون ماتخففينه لكن لابد من غسل المنطقه جيدا قبل ذلك ثم بعده تضعي الكريم


والخيوط اذا طاحت هل معناه الجرح خلاص التام من جوا ومن برا؟؟ ولا بس اللى برا تسكر والداخلى يبي له وقت؟
اذا طاحت معناه الجرح التام وممكن الداخليه تاخذ وقت اكثر

بالنسبه للبواسير او الشرخ لالالالالالالالالالالالالازم تعالجين الامساك عشان مايزيد
وحاولي تغسيل المنطقه جيدا حتى لاتتسبب في حدوث التهابات

وبعد الاربعين خلاص تكوني جاهزه بس المهم تكون طهرتي من دم النفاس
والعلاقه الزوجيه تكون عاديه ممكن يكون فيه بعض الالم لكنه محتمل واذا كان هناك الم شديد
استخدمي جل اسمه كي واي موجود في الصيدليات قبل الجماع
ولاتخافي كل الاعراض اللي عندك طبيعيه وتصير لاي نفاس

اسال الله ان يشفيك ودعواتك لي بالولد الصالح

اختى انتى ايش تقصدين لما قلتى حسبي الله ونعم الوكيل علي اللي كان السبب مين ؟؟؟؟
لايكون تقصدين الجنين ؟؟؟؟؟؟؟؟؟؟؟؟؟
حرام تقولين كذا مايجووووز
هذا نعمه من الله

الله يجزاكم بالجنه ويهون عليكم ويرزقكم اللى تتمنونه
والله انى شايله هم

الله لا يهونه باعظم

حسبي الله ونعم الوكيل