om mustafa :

السلام عليكم ورحمة الله وبركاته اسمحيلي اوضح امور كثيرة عن اللجوء لاني قدمت عليه وانا هنا في ليبيا وكذلك كل العراقيين قدموا عليه اول شي تروحين للامم المتحدة وتقدمين طلب وهمة راح ينطوج استمارة تمليها بالمعلومات طبعا هاي المعلومات هية عادية الاسم ورقم الجواز والخ الخ لكن اهم الاسئلة راح يسالون همة 1- السبب في طلبك للجوء 2- اذا رجعت للعراق ماذا تتوقعين ان يحصل لك 3- ما هي المشاكل التي تعانين منها في البلد اللي انتي عايشة به حاليا وبعدين ينطوج موعد للمقابلة ويسألون نفس الأسئلة اللي بالاستمارة علمود يتأكدون من صحة المعلومات والمقابلة تكون للعائلة كلها وبعدين ينطوج موعد للنتيجة طبعا اريد اضيف معلومات , اذا انت عندج اي سبب للتهجير من العراق لازم اجيبين وياج وثائق وادلة لأنهم راح يستفسرون عن كلشي اللي تكتبيه وحتى اذا عندكم الله لايقدر اي مرض اذكريه وجيبي تقرير طبي موثق من سبعة اطباء من ضمنهم الصليب الاحمر , وبعدها اذا شافوا شروط اللجوء تنطبق عليج راح ينطوج واذا ماتنطبق عليج ماينطون. واللجوء مو سهل يعني من ضمن الشروط انه انتي ماتقدرين تروحين للوطن طول ما انتي مقدمة لازم ماتدخلين العراق لانه من شروط اللجوء انه انتي مضطهدة في بلدك وماتقدرين تدخلين العراق والنتيجة هو راح تكون وحدة من الثلاث 1- رفض اللجوء لانه ماتنطبق عليج الشروط 2- الاندماج ضمن المجتمع اللي انت بيه هذا اذا ما كنت تعانين مشاكل بيه 3- اللجوء الى دولة اخرى اذا كان عندج مشاكل بالدولة اللي انت عايشة بيها او اذا كان دينك مختلف عن دين الدولة اللي انتي عايشة بيها اما الدول المانحة للجوء فحسب ما اعرف وسمعت بالاخبار انه الاتحاد الاوربي رفض استقبال اللاجئيين العراقيين لكن هناك بعض الفرص في بعض الدول مثل السويد والنرويج هاي حسب معلوماتي وحسب ما دورت بالنت على الدول المانحة للجوء اما عن سؤال الاخت عن الفرق بين اللجوء والهجرة فهو كالاتي اللجوء : لما تحصلين عليه الامم المتحدة راح تتكفل بالمعيشة وبالسكن لك ولعائلتك طبعا هذا لحد ما تلاقون عمل وتقدرون انتم تعيلون عوائلكم وحتى تذاكر السفر عليهم وطول ما انتي عندج لجوء لازم ماتزوين العراق واول ماتفقدين شرط اللجوء الامم المتحدة راح ترجعك للوطن ( تفقدين شرط اللجوء يعني تصير الامور زينة بالعراق وما كو مشاكل وامن واستقرار -هو احنا شنريد-) اما الهجرة : يعني تروحين انتي على حسابج الخاص وتعيشين بالبلد المهاجرة اليه وانتي تعيلين نفسج وعائلتج وتقدرين تزورين العراق باي وقت وحتى اذا صارت الامور زينة بالعراق انتي حرة اذا ترجعين او لا . هذا كل اللي اعرفه من تجربتي مع الامم المتحدة ومن بحثي بالانترت بهذا الموضوع وشكر

السلام عليكم ورحمة الله وبركاته اسمحيلي اوضح امور كثيرة عن اللجوء لاني قدمت عليه وانا هنا في...

ralolam :

لا يمكنك مشاهدة هذا التعليق لانتهاكه شروط الاستخدام.

لينوارا :

ترجمتي للصومال :39: تعرفي لغه اهل الصومال؟؟؟؟؟؟؟:27:

ترجمتي للصومال :39: تعرفي لغه اهل الصومال؟؟؟؟؟؟؟:27: