السلام عليكم ورحمة الله وبركاتة
اولا بما اني جديدة هنا ولاكتبت موضوع مفيد خصوصا واني ولله الحمد احمل خبرة كافية تؤهلني لاسداء نصائح للمخطوبات احتسب الاجر عند الله بكتابة موضوعي هذا وهو توجيه للمقبلات على الزواج
ثانيا /كل مااطمح اليه هو دعوة منك في ظهر الغيب لكاتبة هذه السطور بان يرزقها الله ماتتمنى واكثر
طبعا راح اكتبها باللهجة السعودية وبنات السعودية راح يفهموني اما الدول الاخرى اللي مافهمت نقطة تستفسر واعتقد المغزى واضح من سياق الكلام
اختي المخطوبة اتمنى تعطيني من وقتك شوي وتسمعين لاختك اللي علمتها الحياة والتجارب
انا صحيح مو متزوجة لكن تعلمت من اخواتي وحريم اخواني وبنات اخواتي والمنتديات طبعا وحبيت اكتب بعض مما لدي ليستفيد غيري خصوصا المقبلة على الزواج
1/انصحك يالغالية بالثقل والرزانة عمر الثقل ماصار منقود لكن الخفة والطفاقة والبهرجة ناس تتقبلها وناس لا وانتي ماتعرفين خطيبك من اي نوع عشان كذا ابدأي حياتك بالثقل وصدقيني هو جمال المرأة
2/احذري من الميانة الزايدة بينك وبين خطيبك واللي تسبب الشتم/ احيانا تتكلمون بسالفة ثم يتحمس ويضحك ويقولك مثلا يالحمارة مافهمتي من باب المزح_ انتبهي ووقفي شوي وبيني له انه مايعجبك هالكلام عشان مايتمادى ترى اذا صارت على لسانه هالالفاظ بتتعبين
3/يابنت ابوك وامك لاتسبين اهلك قدامه حتى لو انتي متقاطعة مع اخوانك او متزاعلة مع اختك لاتجحدين اهلك اللي ربوك سنين عمرك على الاقل قدامه وتقومين تسبين اخوك عند الغريب بتقولين هذا زوجي وانا وهو واحد- انا اقولك ترى بتصغرين في عينه على قد ماتسبين اهلك وبتكبرين على قد ماتكبرينهم بعينه- ولاحظي بنفسك لو انه يحترم اهله واخواته ويبين احترامهم قدامك وربي بالنسبة لي يكبر في عيني ولو سب احد اهله ماراح يزيد في رصيده شئ
وبعدين لو تسبين احد من اهلك قدامه تجرأينه على سبهم- وبعدين اذا سبهم تزعلين وليش تزعلين وانتي السبب- واكيد بيقولك انتي ماحترمتي اهلك تبيني انا احترمهم!
4/امه- لاتدخلين عليها وانتي مضمره لها العداوة --ولاتفكرين مجرد تفكير انك تحرضين ولدها عليها (صدقيني)(صدقيني)(صدقيني)ماراح ينسى اسائتك لامه بالقول او حتى بمجرد التحريض وراح تكبر في قلبه وبيجي اليوم اللي يكرهك وربي ينتقم لامه وتكونين انتي المرفوضة المنبوذة
واللي تبي تكسب زوجها تكسب امه- احسني النية لها واكرميها تكسبين ولدها
حطي نفسك مكانه تخيلي يجي زوجك ويقول امك هذي علة ناشبة في حلقي ماراح اوديك لامك امك نمامة
بالله وش يكون وضعك؟؟؟؟ تكرهينه او تحبينه؟والا يعني حرام عليه وحلال عليك
صدقيني لو فكرتي تسبين امه او تقللين من شأنها او تظلمينها كبيرة في نفسه كبيييييييييرة حتى ولو انه يؤيدك بس بيجي اليوم اللي يتذكر انها امه ولها حق عليه-هذي فطرة يااختي - وانتي اللي تبي تخسرين دنياك قبل آخرتك
5/قد ماتقدرين حاولي تكونين غبية في اول ليلة الدخلة-تقولين ليش والعالم الحين رومنسية وحناعام 2009 - ادري يااختي- لكن حنا نبي نوصل لعام الفين وحطبة وحنا ماتطورنا بتفكيرنا
الشباب هنا بالسعودية يموتون على الغبية البريئة اللي ماتفهم شئ ليلة الدخلة ويشكون بالجريئة على بالهم راعية حركات وعلاقات- عشان كذا انتي اسلمي من التفكير المنحرف حقهم وسوي نفسك غبييييييييييييييية في ليلة الدخلة خليه يعيش جوه انه الفارس المعلم---طبعا هم مايقتنعون ان فيه كتب تثقيفية وفيه نت يعلمنا بالامور هذي وحنا الحمد لله ببيوتنا لاطلعنا مع شباب ولارجعنا مع سرابيت بس عاد الشكوى لله
خليك غبية فقط في ليلة الدخلة وبعدين عاد خلاص خوذي راحتك بالرومنسية والحركاااااات يعني كأنه هو اللي علمك ههههه

6/تذكري انه كلما قربت حياتك انتي وخطيبك من الله كلما قربت من السعادة- اللي خطيبها مايصلي او متهاون لازم تقعد العزم من الآن على تغييره وتطلب المساعدة من الله والله ماراح يخيب سعيها
اختي الغالية حاولي قد ماتقدرين تستغلين الشهور الاولى من الزواج لصالحك في هذه النقطة- لانه اذا طاحت الميانة بينكم ماراح يسمع كلامك- لكن طالما انتي عروس بيخجل منك- حاولي تناصحينه باسلوب حلو للصلاة واول مايقيم المسجد حثيه على الصلاة في المسجد ولاتجلسين معه ولاتشغلينه في شئ وقت الصلاة- قوليله بكلام معسول ياعمري ياتاج راسي ياابو عيالي ان شاء الله<عشان يخجل- ياليتك تصلي بالمسجد عشان اكون مبسوطة اكثر انا احب لك الخير ولولا محبتي لك ماقلت هالكلام بس مابي اشوفك مقصر واسكت وانت الغالي اللي واللي وجيبي من هالكلام الين يخجل ويروح وان شاء الله تكون فاتحة خير بس خليك وراه وراه
وذكريه دائما بالله -خليها على شكل لعبة او سوالف غير وعظية- مثلا العبي انتي وياه لعبة كتم النفس(اللي يكتم نفسه اطول هو الفائز) واذا انتهيتوا قولي له تصدق اني تذكرت شئ؟ بيقولك وشو؟ قولي يوم كتمت نفسي تذكرت نزعة الروح الله يرحمنا ويهون علينا- اذا كان خطيبك بعيد عن الله حاولي تستغلين احترامه لك وتقربينه من الله بكل الوسائل وصدقيني هذا في صالح سعادتك الزوجية



7/ اثناء حديثك مع خطيبك انتبهي و انتبهي و انتبهي تشتمين نفسك مثلا تقولين انا حمارة ماافهم او انا شعري خشن ياليته ينعم او تقولين انا سمينة بس بسوي ريجيم او مثلا تقولين مايليق علي المكياج اللبناني لانه للبيض وانا سمراء- لانه كذا بيفهم منك انك مو واثقة من نفسك وبتفتحين عيونه على خرابيط حقيقية فيك يمكن هو مانتبه لها او ماهمته
ياااااابنت يااااابنت يااااابنت خليك واثقة من نفسك ولاتشتمين نفسك بالعكس وضحي له ان كل شئ فيك حلو وانك معجبة بنفسك كذا يحبك لان الثقة بالنفس تحلي الشخص

--------------------------------------------------------------------------------

8/بالنسبة لمشاكلك مع خطيبك- انتي بنفسك تقدرين تدربينه على المفاهيم اللي تعجبك- لان الرجل يكتسب من زوجته صفات واخلاقيات- مثلا مبدأ التفاهم- حدثت اي مشكلة بينكم - بادري بالقول اجلس نتفاهم ونحط النقاط على الحروف- قولي له- فهمني طيب وانا بسمعك واقرر- حاولي تدربينه على التفاهم والحواررررر وعطيه مبررات رفضك واطلبي منه اسباب رفضه لاتحسسينه ان الموضوع عناد وفرض اراء خليه يحس انه غلطان باسلوبك الخاص واللطيف
لاتصيرين عصبية وماتبين تسمعين منه كلمة وبعدين تقولين وش فيه عصبي مايحاورني!

--------------------------------------------------------------------------------

9/مبدأ التسامح من أهم المبادئ التي تقوم عليهاا الحياة الزوجية ,وش تعرفين عنه؟ وهل انتي مستعدة تتنازلين من اجل شريك حياتك...؟ طبعا اقصد الاشياء التي لاتشكل اهميه ولاتعيق الحياة.. فيه بنات يبون كل شئ على كيفهم مثلا قالك اليوم حجزت الحلويات حقت الفرح من المكان الفلاني وانتي ماتبغينه فهميه انك ماودك فيه واذا اصر على رأيه خلاص خليه ينتصر عليك ويحس برجولته يعني بتسوين مشكلة من شئ تافه؟ ماراح يضرك ولايخرب حياتك هالشئ وقيسي على ذلك . فيه فرق بين لما اتشبث برأيي على قرار مهم وبين لما اتشبث برأيي في شئ تافه وتكون المسألة مجرد عناد. ولكن هناك امور يجب ان تحسميها من البداية ولاتتنازلين عنها ابدا

--------------------------------------------------------------------------------

10/انتبهي من الشك والغيرة الزايدة -مااااافيه احسن من الحياة اللي تقوم على الثقة- حتى لو فرضا شكيتي بشئ لاتبادرين لسوء الظن وتذكري قول عمر رضي الله عنه (التمس لاخيك 99 عذر فأن لم تجد فلم نفسك)حاولي يكون مبدؤك قائم على الثقة وانتبهي تزيد الغيرة عندك عن حدها او تحاولين تفتشين جواله او اغراضه وعشان تتأكدين ان التصرفات هذي تهدم حياتك- تخيلي انك اكتشفتي انه يفتش جوالك وش رايك؟ترى هو نفس احساسك بالضبط
11/اهل زوجك لايدرون عن سوالف اهلك ولاتنقلين لهم مشاكلكم وخلي الوضع مقطوع بين الطرفين -اتركي بينهم وبين اهلك ذكرى طيبة واخبار حلوة - وماله داعي السوالف الثانية
12/بالنسبة للمخطوبات اللي يكلمون الخطيب بالتلفون انا اقول تستغل هالفرصة لمعرفة طبايع زوجها- وياليت بعد لو تمثل عنده مواقف عشان تشوف ردة فعله مثلا تقولين جارتنا اليوم زارتنا وتشكي من زوجها اللي يسهر برا كثير وجايه تتونس عندنا...شوفي وش بيقول..ركزي بهالفترة على دراسة نفسيته والرومانسية لاحقة عليها وياحلاتها في وقتها
13/نصيحتي لبنات النت-تستفيد من النت لمستقبلها الجاي- تعلمي طبخ وطرق التنظيف وانواع المطهرات- طرق ترتيب الدواليب وافكار للمنزل وخلطات تعطير للمنزل- خليك ذربة وعندك خلفية واسعة للسناعة وخليه يحس بكذا اول ماتتزوجين- وانا ارشح لك عالم حواء بلامنازع
14/لا لااااااااااااااااااا تدخلين في العميق بكلامك مع خطيبك في الامور الخاصة خليك الغزال الخجول حتى لو انك اجرأ جريئة بس اضغطي على نفسك ولاتعطينه فرصة خليه يستوي على نار هادية عشان تطول فترة شهر العسل صدقيني مايطول فترة شهر العسل الا الخجل عشان كذا لاتعطينه فرصة
15|بالنسبة للسانك حاولي تعودينه على الكلام الحلو...خلاص انتي الان مخطوبة والحياة الزوجية تقوم على المشاعر حاولي تسعدينه بالكلام الحلو ولاتقولين استحي واخجل...ولاتعتمدين على نمط واحد مثلا ياعمري ياعمري ياعمري او ياحياتي وكل شوي تقولين ياحياتي ياحياتي ترى كذا ملل وغير انه راح يحس انها مجرد كلمة تعودتي عليها خالية من المشاعر
حاولي تنوعين من الكلام الحلو واحيانا تنقطعين ثم ترجعين عشان يكون لها طعم خاص واحيانا تجيبينها مع بعض وخصوصا فترة الليل تصير كأنها لزمة سلوكية تذكره بشئ معين مثلا ياعمري ياقلب فلانة ياسعادتي ياهناي يامطر روحي حاولي بعد تألفين عشان تصير خاصة بك ولها ايقاع وكذا
حاولي تنتبهين لكلامك وتتجنبين الملل


--------------------------------------------------------------------------------

16/خليك صندوق اسرار لزوجك- اذا قالك سر من اسراره سواء في العمل او حياته الخاصة وطلب منك انه مايطلع انتبهي تفشينه حتى اهلك لاتقولين لهم- الانسان مايضمن الا بنفسك- وش دراك يمكن تطلع كلمة من امك كذا ولا كذا- لانه راح يفقد الثقة فيييييييك ولايعلمك اي شئ
17/انتبهي تقولين له شئ عن ماضيك الاسود اذا كان لك ماضي وانتبهي حتى انك تثيرين غيرته انه مثلا يوم كنتي بنت واحد ازعجك بالجوال وكذا-او مرة واحد يلاحقك في سوق- اتركي القصص هذي نهااااااااااائي قولي الحمدلله ماعمره جاني ازعاج ولاعمري احد عاكسني في سوق ههههههه ريحي راسك قفلي كل باب ممكن يثيره

--------------------------------------------------------------------------------

18/سوي نفسك انك محبوبة عند اهلك ومرحب فيك- حسسيه بكذا- وانتبهي تحسسينه بالعكس
يعني مثلا اذا زرتي اهلك وطلعتي منهم قولي يوووه يالله طلعت اختي مسكتني تقول بدري-يحس انك مهمة وهكذا بس مو دايم تصيرين غبية هههههههه انا اقصد بس لمحات خفيفة

19/بالنسبة لمكالمات فترة الخطوبة- في حال كنتي مشغولة واتصل عليك قولي له انك مشغولة لاتضغطين على نفسك وتردين عليه كل مااتصل- لانك راح يتعود انك تردين عليه كل مااتصل واذا صرتي مشغولة واماقدرتي تكلمينه بيزعل عليك لانه ماتعودها منك وبتتعبين معه
لاتلغين نفسك واشغالك علشانه ......

20/اذا تزوجتي انا اقول افضل شئ (عدم التصنع)- يعني لاتبالغين كثير في المكياج وتقعدين كل يوم مكياج كثييييييييير كل يوم كل يوم وحتى تعاملك مع الناس يصير فيه مثالية كبيرة وتتغيرين 100%
لانه بعد فترة راح تطلعين على حقيقتك وماتقدرين تستمرين على هالشئ طول العمر ويمكن هو استحلى هالشئ فيصير مايعجبه العجب يحسه وجه مريضة ويحس اخلاقك صايرة زفت
لذلك بالنسبة لمكياجك خلي مره ثقيل ومره خفيف لبناني عشان يتعود على ملامحك الاصلية ومرة مبهرج وهكذا منوع
وبالنسبة لتعاملك ايضا ليش التصنع الكبير مع زوجك واهله!
خليك على طبيعته واتركي عنك الحفاوة الزايدة صدقيني بعد مرور شهور راح تضرك اكثر من انها تنفعك
يازين الانسان وهو على طبيعته مع نفس حلوة !


--------------------------------------------------------------------------------

21/عودي زوجك على الاشياء اللي تحبينها عشان يتعود مثلا تحبين تطلعين لحدايق شئ زي كذا اذا صرتوا نهاية الاسبوع يوم الخميس جهزي حلا وقهوة وقولي يالله حبيبي نتفسح شوي ماراح يقولك لا لانك عروس وفي نفس الوقت تخف رجله بالطلعة معك- وهكذا كل شئ تحبين تعودينه ولاتنسين كل شئ بالطيب والكلام المعسول مافي شئ يجي بالغصب تروحين تهاوشينه ويكسر راسك وتلوميني!
22/خلي لك بصمة خاصة في نفس زوجك تميزك عن باقي نساء الدنيا-تقولين كيف- اقولك خلي فيه عادة تسوينها له كل يوم يفتقدها اذا فقدك مثلا بوسة قبل النوم اي حركة دعوة كل يوم تطبقينها اذا رحتي لاهلك او سافرتي راح يفقد الحركة هذي وماراح يحصلها عند اي امرأة في الدنيا الازوجته


--------------------------------------------------------------------------------

23/ حاولي على قد ماتقدرين تصيرين انثى ناعمة وعودي صوتك من الان يصير واطي وتعودي على ضحكة معينة لاتتصرفين قدامه تصرفات فضة ورجولية ولاتتلفظين بالفاظ شباب مثلا تسبين اخوك او ولدك تقولين ياجحلوطي اوريك والله لااقطعك تقطيع يالهيس الاربد
تعلمي من الان كلمات اخف من هذي اقل شئ لو زعلتي وتبين تأدبينه قولي ياقليل الادب ياللي ماتربيت ياقليل الذوق وزي كذا
ترى بعض الكلام لو تنتبهين له يكسر الوجه مابقى الاشنبات وتصيرين عمو حمزة
مايصلح يطلع من انثى وينتبه له زوجك لاتحسبينه غبي!
دعواتكم
24/حاولي تكونين اجتماعية وتعزمين صاحباتك في المنزل ترى الرجل يحس بقيمة زوجته اكثر اذا كانت لها علاقات ويثق فيها اكثر

--------------------------------------------------------------------------------

25/انتبهي تخلين اخوك يوصلك مشوار وزوجك موجود وربي تندمين لانه بيتعود - وحدة من البنات خلت اخوها يجيبها عن اهلها ومن بعدها صارت اذا قالت لزوجها ودني لاهلي وهو ماله مزاج يقول مشغول اتصلي على اخوك يوديك
بالعربي حتى لو تضطرين تجلسين لاتخلين اخوانك يودونك ويجيبونك.....خليه هو يتحمل مسؤولية زوجته
26/ اختي المخطوبة زوجك يبغاك مرة بالفراش
وش معنى( مرة بالفراش) يعني لاتخجلين من زوجك خجل يخليه مايتحمس يجامعك لاتصيرين كأنك قطعة اثاث يقلب فيك يمين ويسار وانتي مستكثرة عليه حتى مجرد الاهات
لاياحبيبتي الزمن تغير والحين اي وحدة مخطوبة لااااااااازم تتقن الفن هذا لازم تعرف كيف تصير ( مرة بالفراش)
في البداية راح تكونين مستحية وانا ماالومك لان حتى انا شعوري راح يكون كذااكيد- لكن حاولي تجرأين نفسك مع الايام مثلا اذا اشتدت في زوجك الشهوة حاولي تستغلين الوقت هذا وتطبقين لك اي حركة جريئة لانه راح يكون بغير وعيه وبكذا انتي تدربين نفسك ومع الوقت تكتسبين الجرأة
صدقيني الزوجة المااااااااايعة والمتغنجة بالفراش هي اللي تكسب زوجها- لاتخفين اهاتك عنه اقل شي لو كنتي من النوع الخجول مرة لاتخفين اهاتك على الاقل اذا وصلتوا للمرحلة الاخيرة لانه موب داري عنك هو في عالم ثاني انتي استغلي هالوقت وجيبي كل اللي بقلبك سمعيه كلام حلوووووووووو وجرئ وعبري عن حالتك بوسيه بقوة لانه اصلا خلاص ماينتبه لتصرفاتك بالضبط وهالشئ يخليك مطمئنة
حاولي تعلمين فن( الاغراء)
والاغراء مهااااااااارة دقيقة صدقيني مو مجرد انك تتمكيجين وتتعطرين تقولين خلاص انا قمة الاغراء
لا لا حبيبتي الاغراء هوتحريك مشاعره تحريك عواطفه واسرها- الاغراء يعني تخليه مشدود فيك ويحبك ومايشع منك
الاغراء يبقى في ذاكرة الرجل واحيان يتذكر المواقف من شدة اغرائها ويشتهي بناء عليها
بعدين فيه نقطة حابه اذكرها للبنات بالنسبة لجسمك اذا كان فيه عيوب حاولي انك تظهرين الزين وتبينينه بشكل ملفت جدا بحيث يغطي على العيوب الثانية
مثلا نهودك حلوة وبيضاء وصافية اما باقي جسمك الله يخلف- انتي بذكائك تقدرين تشدين انتباهه لنهودك بشكل يخليه ينسى الاماكن الثانية ويحسن انك حلوة- يعني مثلا دايم خلي بلايزك مفتوحة وتعمدي تجيبين سوتيان يغطي بس الحلمات وباقي النهد يكون وااااااضح وحطي على نهودك لمععععععععة خليها تبرق برق
خليها تشد انتباهه وينسى الباقي
نرجع للاغراء - الاغراء هو انك تقومين بحركة او موقف او كلمة تؤدي الى استثارة الطرف الاخر وشد انتباهه
عاد المواقف كثيرة واتركك لانوثتك -صعب اكتب مواضع تفصيلية في مكان كهذا
الخلاصة- كوني لزوجك فتاة ليل زوجك يحتاج لذلك خصوصا مع الانفتاح الاعلامي المعاصر


يابنات الحياة الزوجية صعبة يبيلها حكمة ونضج وصبر
حياة طويلة تتخللها مشكلات لازم تعالجينها بحكمة وصبرررررررررر يعني اللي مسويه دلوعة وتبي تزعل على الصغيرة والكبيررة ماراح تعيش
اذا صارت لك اي مشكلة حاولي تضغطين على نفسك وتسوين قهوة تجلسين مع نفسك تفكرين وتخططين كيف تعدينها وتحلينها صدقيني بعض المشاكل وان كانت كبيرة حلها سهل بس يبيله حكمة او خطة محكمة
اتمنى من البنات العصبيات والدلوعات يصيرون اكثر حكمة واتزان.........لان فيه بعض البنات تسوي مشكلة وتروح لاهلها عشان ماشتري لها فستان للزواج.....عشان ماطلعها للحديقة مع اهلها......عشان طقم حمام تهاوشت معاه في السوق واركبت ليموزين وعلى اهلها
وانصح كل بنت لو صارت مشكلة ماتترك البيت...تزعل عليه في بيتها لان القرب الجسدي له دور في حل المشكلة لكن لو رحتي لاهلك المثل يقول اللي بعيد عن العين بعيد عن القلب
يمكن البعض يعتقدها فلسفة ويمكن يشوف انها فترة غير كافية لإكتساب خبرة في طرق التعامل
لكن
بما إني عرفت أساليب أو اكتشفت أساليب في عالم قد يكون معروف عند البعض ومجهول عند الآخر
-الواقع يقول إن البنات يرتاحون في بيت الأهل أكثر من بيت الزوج لأن كل وسائل الترفيه والدلع والوناسة متاحة وقد تكون بشكل مطلق عند البعض
لكن تنصدم البنت منا عند الزواج أو خلينا مبدئيا نقول الارتباط بشخص قد يختلف تماما عن أبوك أو أخوك أو خوالك أو عمامك بصفة عامة
أنا أبي انقل لكم اللي أحس فيه وأؤمن بوجوده الا وهو الثقة
إذا وثقت بزوجك أو خطيبك كل شي بيصير سهل وممتع
لا تقولين بدأ يعطي أوامر بدأ ( بلغتنا )يسوي شخصية علي
لا
الزوج فوق كل المتوقع والغير متوقع
المفروض مننا احترامه وتقديره بكل ماتعنيه هالكلمتين من معنى وركزوا على كل ماتعنيه هالكلمتين من معنى
الرجل عموما يختلفون عننا في كل شي ولافيه أي شي متشابه بيننا ابدا بحكم المجتمع اللي نعيش فيه وتحت القانون اللي أوجده الله في خلقه
طريقة تفكيره, أسلوبه , عاداته , المجتمع اللي تربى فيه , أفكاره اللي يثق فيها ويؤمن بوجودها
حتى تكوينه الجسمي يختلف ليش؟؟؟؟
لأنه بيكون مسئول عن حياة أسرة المفروض نكون إحنا جزء مهم منها
ولازم قبل ماندخل عش الزوجية أو القفص الذهبي أو الحياة المستقبلية
نكون على دراية وعلم بأنك حتفهمين أكثر من انك تتفهمين
وتستمعين أكثر من ما تتكلمين
وحتقدرين أكثر من ماتطلبين
وحتسامحين على أشياء ماتوقعتي بيوم بتسامحين رجل عليها
وحتتنازلين عن أشياء كثير
لكن بالمقابل حتلاقين شخص من أقرب الناس لك والمكان الآمن اللي كل بنت تبحث عنه وصاحب قلب يمكن يكون أكبر من أبوك اللي أنت ما تتحملين احد يتكلم عنه
أول شي احترميييييييييييييييييه واحترمي أفكاره وآراءه
واعرفي انه يشوف أكثر من مانشوف وينصدم بأحداث يمكن إحنا مانتبه لها
-ساكت أو عابس أو حزين وهذه الملامح ماتحسين فيها إلا بعد فترة
بيكون عندك معلومة متى يكون حزين ومتى يكون ضايق ومتى يكون مشتاق ومتى يكون مرتاح ومتى يكون حاس بالذنب ومتى يكون قريب منك ومتى يكون بعيد
أهم شي تتعرفين عليه من الداخل
وش المميزات اللي لقيتيها فيه
وصدقوني كل رجل فيه ميزة يمكن تخلينا نغض الطرف عن أشياء ثانية
ابحثي عن المميزات اللي فيه وحاولي تغييرين اللي تقدرين تغيرينه من الأشياء الشينة
أهم شي لايلقى عندك إلا اللي يسره
خلينا من النظافة والرشاقة والكشخة والماركات ...........الخ
لأني ما أتوقع إن فيه بزمننا هذا بنت وصخة ولا ماتعرف تلبس إلا بعض بنات الجامعة واعذروني على صراحتي
المهم
المطلوب الحنان والرقة والطيبة والإخلاااااااااااااااااااااااص
وتأكدي اللي بتسوينه اليوم بتلقينه بكرة
الرجل ماتزوج إلا ويبي استقرار وحب وأمان مايبي يقعد يفتش بجوالك ولا يراقب الباب ولا يتفقد مكانك كل شوي ولا يراقب مكالماتك
يعني اللي تبي اللف والدوران لا تتزوج
لأنها بتهدم أكثر ماتعمر وبتكسر بدال ماتصلح
صحيح إن فيه بنات الله ابتلاهم بأزواج يمكن نقول أنصاف رجال لاعقل أو لا دين أو لا رجوله أو لا اخلاص
لكن تذكروا إننا بنات رجال ما زوجونا أهلنا إلا ويدرون إننا بنكون قد المسؤولية
الصبر ثم الصبر و****لله بيكون مفتاح الفرج ومهما زوجك ضاع مصيره بيهتدي ومهما انكسر أنت تصلحينه
ومثل ماهم عندهم أخطاء إحنا بعد
انتبهي لكلامك راقبي تصرفاتك اهتمي فيه خليه يحس بالفرق بوجوده معاك وبوجوده بدونك
احترمي أهله وهذا الشي مهم ومهما غلطوا بحقك لاتردين ولا تتشكين ومو زي الهبلة تروحين تقولين لزوجك عن أخواته ولا أمه ولا خالاته حتى هذا غلط
لأن الزوج دائما يحب أهله وهذا من حقه هذولي أهله اللي ربوه وعاشوا معاه وعلموه وفهموه وزوجوه
ولو انت خيرت بين زوجك واهلك بتختاريك اهلك( إذن احترميهم )
-لكل بنت عندها اسلوب محترم ومؤدب تقدر تستخدمه وقت الحاجة مثل (الله يجزاك خير – ****لله مايصير الا اللي يرضيك – ومن هالكلام )
خلي امه تقول الله يبارك باليوم اللي عرفنا زوجة ولدنا فيه مو الله لايبارك بالساعة اللي جمهتنا فيهم ماعرفوا يربون بنتهم
--لا تفشين أي سر من أسراره مهما كان حتى لو بسيط ماله داعي تكون سوالف المجلس عن زوجك
تكلمي بشي ثاني المجال واسع ومفتوووووووووووح أمامك
زوجك لو يبي قال الكلام اللي بيقوله لك بالراديو على مسمع من الناس لكن خص هالكلام بإذنك ومن الإحترام انك تكونين أمينه له
خليك حافظة زوجك حاضر وغايب وتأكدي إن فيه رب يشوف كل خطوة نخطيها
وأي زوجه ماتت وزوجها راضي عنها ...........؟

كتاب تحفة العروس جمييييييييييييييييل جدا..
انت طالعي عالفهرس والموضوع اللي تحسين انه مهم وأختك تحتاجه صوريه،
وبتصير معاك كم صفحه سويها زي المذكره وخليها تقرا وهي هاديه ورايقه..
وكتاب رومنسيات زوجيه.. وكتاب فنون في غرفة النوم.. وكتاب اسرار الحريم..
وأهم شيء تحرصينها تكون قريبة من الله دائما.. (تعرف على الله في الرخاء يعرفك في الشدة..)الحديث
والله يوفقكم ويتمم لكم على خير.. دعواتك

قوليلها تكثرمن الدعاءباالتوفيق هذااهم شى

عاد انت الحين شوفي وش يناسبك

وتبين تكتبينه لأختك

وترى ممكن بعد تروحين المكتبه ياكثر الكتب التثقيفيه شوفي كتاب حلو واهديه لها

رفع للفايده