حبيبتي والله حبتج العافية :heart:
واحس فيج لاني مريت مثل ما انتي قاعدة تمرين فيه الحين تبين كل شي مرتب ومنظم

شوفي حبيبتي نصيحتي (( لا تتسرعين )) فكري وشوفي اول ولاتاخذين شي وانتي مو مقتنعة فيه

بالنسبة لفوتوكينا والله انا ما جربت تصويره في العرايس بس وايد امدحولي وقالولي عنه تصويره واضح بس انتي روحي عندهم احسن وسألي عن تصويره والسعر ولقطات للعروس .....

واهم شي البدلة افتري وشوفي اكثر من محل وجربي البدلة ترى باللبس غير ...

والله يعينج.......

البدل لايعلى على بدل الأسطوره رقي وذرابه
التصوير المرايم و آرت ستوديو للي يحبون الكلاسيك
وهذا اللي أعرفه:)

هلا أختي نانوش
ألف مبرووووك و الله يوفقج يا رب و يسعدج ان شالله
أنا بحاول كثر ما أقدر أحط لج اللي أعرفة و اللي جربته
1- الصالات :
طبعا صالات الفنادق حلوة و فخمة و عندج فندق سفير الرقعي صالاته كبار حيل بس الأكل لج عليه شوي.
أما الصالات العادية عندج قبازرد في الرميثية( حلوة و سويت فيها استقبال زواجي ) خذوا مني 300 دك لهم ( 100 أجار الصالة - 100 أجار المدرجات - 100 أجار طاولات و كراسي في صالة البوفيه ) و 100 تأمين طبعا ردوه عقب. كبيرة و حلوة.
و صالة الشويخ حلوة و يديدة بس الستاير الزرقا اللي فيها ماعجبوني
و عندج صالة جنوب السرة نسيت أسمها هم حليوة. ملجة أخوي( حفلة الحريم طبعا ) كانت هناك
و صالة الزبن اللي بالسالمية زينة
بس أما الباجي مو ذاك الزود.

2- البوفيه:
إذا العرس بفندق طبعا البوفيه منهم ( وأحلى بوفيه كان الشيراتون واايد حلووو ) و رحت عرس في ماريوت بس للأسف كان كل الأكل بحري و أنا ما أكل بحري فتوهقت :(
سفير الرقعي أكلهم حيييييل عادي
ريجنسي أكلهم كان عادي
و ساس كان زييين
و يقولون إن الراية حلو بس ما انعزمت فيه علشان أجربه

أما البوفيهات اللي برة عندج وااايد مطاعم تجهيزات
- الخليج وايد حلو
-بيت الطيبات ( يبته باستقبالي ) والله كان حلو
- الديك الرومي ( بيته بملجتي ) هم حلو
- اللي كان عجييييييييييييييب و كل من سألني عليه بوفيه من وحدة اسمها أم محمد يبته في استقبال ولادتي و استقبال جنتنا. أكلها حييييل لذيذ بس ما قمت اييبه لأن العايلة كلها عرفته و صار عادي عندنا.
-فيه بيت الأنبعي يسوون بوفيهات ( احنا جربنا أطباق خفيفة من عندها تنفع لاستقبالات ورق عنب و ملفوف(أبيض و أحمر ) كبب- معجنات - سندويتشات .. والله شغلهم حيييييل عجيب و لذيذ.
- الوطنية أكلهم لذيذ يبناهم في ملجة أخوي.
والله هذا اللي الحين أذكرهم

3- المصورات :
- في ملجتي يبت سمسمة الأصلي ( حليو تصويرهم)
-في روحتي حق بيت زوجي ( ما سويت عرس بس سويت عشا للأهل القراب بس) يبت مصور المرايم تصويرهم برفيشينال وااايد حلو و راقي.
-في استقبال زواجي يبت آرت ستوديو ( حلو تصويرهم بس صور المرايم كانت أحلى لأنها أكبر و ألوانها أحلى )

4-الكوشة :
والله انا في ملجتي كانت في البيت و محفوفة فيبتها من سمسمة بس مو فخمة كانت عادية ناعمة و بسيطة.
أما الكوش الحلوة عندج في جرااس (بالسالمية)
نيكولا ( بحولي ) ورده عجييييييب
وفيه محل بالصالحية نسيت أسمه :(
بس هذولا غالييين.

5- الدي جي:
والله ديجي الرندي واايد حلووو يرقص على طول :)

6- بطاقة الدعوة:
المطابع اشكثرها دوري و تخيري
و انا سويت بطايقي في مطبعة هلا بالسالمية بس مالج شغل بالكاتالوج اللي يوريج اياه انتي قولي له اللي في بالج و هو يسويه في ناس يبون بس كرت أو ورقة مطبوع عليها الكلام و اهم يلفونها و يحطونها في ظرف أو خيش أو كريستالة يعني يفنتقون فيها.

7- محلات البيع أو التأجير
المحلات اللي تبيع وايدة عندج ليلى جاليري في محلات وايدة و عندج البوشية . و الأسطورة.
اللي يأجرون : عندج وحدة ينقالها أم خالد كانت في بيان و راحت غرب مشرف عندها شغلات تينن تصميم مصمميين لبنانيين أنا خذيت منها بدلة استقبالي لبسة أولى.
الاتيليهات :
عواطف الحاي - بيع تأجير لبسة أولى .
أنسام الخلف
نادية بوشهري
غير المشاغل الكبيرة و الله ما أذكرهم كلهم بس انا افتريت وايد بالجابرية و حولي.

8-الصالونات:
- ليلى هارموني - مكياجها حلووو ( ملجتي و زواجي و استقبال زواجي كل عندها )
-الشيراتون - وايد حلوو حطيت عندهم في ملجة اخوي
-آلاء دشتي - ما عجبني شغلها - حطيت عندها باستقبال ولادتي
-شارمل- وايد حلو شغلهم و ثبت مكياجهم لي آخر الحفلة و كل من سألني عنه.
- كونتننتال- ما حطيت عندهم بس اللي يحطون عندهم حلوو مكياجهم.
-حنان دشتي - عاجبني شغلها بس ما حطيت عندها
-كل ديور - وايد مدحوه لي ان شالله بجربه

ان شالله بس أكون أفدتج
و أي استفسار أنا حاضرة

اي صج بالنسبة للحلو عندج :
- بنت الروضان - واااااااااااااااايد حلو شغلها
- جنيفا ( بقرطبة)
-شوجر اند سبايسي ( اللي بالشويخ السكنية) عجييييييييييييب

بعد قلبي يا احلى أم جمان بالعااااااااااااااااالم
والله ان معلوماتج وايد فادتني
ماقصرتي حبيبتي :)
:)

وانا حجزت عند كل ديور سمعت عن وحدة اسمها فاطمة

وان شاء الله بقولكم شصار معاي ؟؟

بالنسبة لدي الجي الرندي شلون احصلهم ؟؟؟

انا شايفة دي جي بس اخاف يفشلني