العروسة لازم تكون معاك هالشنطة!!!!

بسم الله الرحمن الرحيم
السلام عليكم و رحمه الله و بركاته
كيفكم أخواتي
الله ييسر امورنا و اموركم و يسعدكم
موضوع اليوم عن الشنطة اللي تاخذها العروسة لصالة الأفراح اذا العروس بتتجهز هناك او اذا بتروح لميكب ارتست المهم تجهز هالشنطةطبعا من كلام كوفيرات و عرايس اعرفهم ان هذي اهم الاشياء و دعواتكم لكل المقبلين على الزواج
و المتزوجات الله يسعدكم و ييسر اموركم
كتبت بعض التفاصيل عشان الفائدة و الله يكتب لنا و لكم الأجر *مصاص العصير
*مزيل عرق النوع اللي يناسبك
*علبة مناديل
*اعواد اذان لتنظيف الكحل او الروج او تضبيط المناكير
*فطيرة مثل لوزين او اي فطيرة مفضلة
*عصير او نكتار يفضل بالمانجو او الفراولة لان النكهات الثانية ممكن ما تناسبك مع التوتر يعني اقصد توجع معدتك
*شنطة صغيرة فيها عطرك و مكياج
*مناديل مبلله
*لبان (بس لا تنسينه و تنزفين و انتي تتعلكين صارت لصديقتي و توثقت الزفة و هي تتعلك حاط التوتر في اللبان 😂)
*جوارب نظيفة البسيها من و انتي بالبيت بعد ما تدهنين رجولك بكريم لكن مو فازلين عشان الكعب بعدين بيضايقك و قبل ما تلبسي الكعب مسحي اقدامك بمنديل از منشفة ناعمه عشان بقايا الكريم ما تزحلق الكعب
*علبة موية
*بنادول (ان شاء الله ما تحتاجينه)
*كيس بلاستيك تحطي فيه الملابس اللي كنتي لابستها بعد ما تلبسي الفستان
*شاحن متنقل لا تجيبي الشاحن حق الجوال اللي يجي معاه لان ممكن يضيع
*لو كنتي بوقت البيريود اكيد لازم الفوط و اكياس
*و خلي معاك كاش لو باقي فلوس تدفعيها للكوافيرة مثلا بس افضل الدفع تحويل
*منشفة قطن
*مشط و مرايه
*الملابس الداخلية اللي بتلبسيها مع الفستان
*الكعب حق الفستان
*الفستان ما ينحط بالشنطة يكون لوحده في زي الكيس بسحاب و اذا حابه البخور يتبخر من و انتي بالبيت افضل
بس لو حابه تبخري فستانك و انتي بصالة الأفراح
*جيبي معاك البخور و الفحم و مبخر اللي يجي مغطى افضل عشان ما ينحرق الفستان او شعرك بس اي مبخر يفي بالغرض
كل هذي الأغراض تحطيها في شنطة
تعرفوا شنطة السفر اللي بكفرات؟ بس مو كبيرة تكون مناسبة
و تجهيزها قبل بيوم و اشكركم جميعا