أنا بحكم أني باديه مشروعي الجديد ( تأجير فساتين الأعراس ) بصراحة أحيانا الواحد منا يحاول يبعد عن المشاعر بحكم ظروف العمل بس في لحظات .... تستوقفج مواقف معينة ما تقدرين تنسينها وتبقي في الذاكرة ...
من ضمن هذه المواقف ... زرنا بنت ما شاء الله ....الله رزقها جمال الجسم والوجه .... بغينا نستلم عنها فستان عرسها وكنا متوقعين أنه ملبوس بس فاجئتنا وعيونها مكسورة :( وهى تسلمنا الفستان وتقول أنه ما أنلبس ولا مره ....وكأنها تسلمنا حلمها الضايع وفرحتها بنفسها وكل الأحلام اللي كانت في مخيلتها عن يوم العرس والزفه والمعازيم والمعرس .... كل هذا طار في لحظة وحدة.....
بصراحة هذه البنت أثرت فيني وايد ... ركبت السيارة وأنا استعرض كل شبابنا اللي ما عرسوا لين اللحين وأقول في نفسي ( بوصي فلانه عشان يخطبونها لولدهم ) أو بقول حق زوجي عشان يشوف أصدقاءه اللي ما عرسوا ... المهم أني وصلت البيت وأستقبلني زوجي وأول ما شفته قلتله ( ألحق الله يخليك شوف واحد من ربعك يبغي يتزوج ... حصلتله بنت ما شاء الله عليها جمال وأخلاق وأهلها الواضح أنهم طيبين .... قول لربعك يسئلون عنها وعن أهلها ) تدرون شو رد عليه !!!!!!!!
أنزلوا بعد
( شو رايج أنا أخطبها حقي ) ...... هم يضحك .:) ... وهم يبكي :eek:
بذور الحب @bthor_alhb
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️