العروووووووسه بحاجتكم

السلام عليكم ورحمة الله وبركاته


أنا زواجي بأذن الله بعد 3شهور .... لكن هناك مشكله واحدة تؤرقني واتعبت نفسيتي وكل مرة ألبس فيها
فستان الزواااااااااااااج أصاب بأحباط قوي ... أنا جسمي كان ماشي حاله مش متينه ولا نحيفه لكن مع تجهيزات الزوااااااج والدوارة بالأسواق وفوق كل هذا الجامعه من هنا كل مبنى في صوب وكل محاظره في دور ويالله طالع نازل والمعامل تنطقين لين 4 العصر فخســـــــــــرت كثير من وزني ....

حتى صاحباتي يقولولي نحفت بالمرة .... وكنت أدري أن كلامهم صح لكن ماحطيت في بالي واليوم وانا في الجامعه قابلتني وحده من صاحباتي القدامى ما أشوفها الا من وين لوين لأن تخصصنا يختلف قالتلي لمى مرة نحفتي وعظام وجهك صارت بارزه أهتمي بروحك شوي ساعتها حزت بخاطري ...


تكفووووووون أبغى شئ يمتني ولو بس 5 كيلو ويخلي خدودي مليانه والله أني ماخليت شئ ماجربته
حتى المكسرات خلطتها وحطيتها في علبه كل يوم أكل منها بس طلعتلي حبوب وأنا مو ناقصه صارلي شهور وأنا أهتم ببشرتي وشعري بس للاسف أهملت جسمي ...


طلبتكم وربي مو قادرة ساعدوني ..... أحس لما ألبس الفستان كني بزر أم 12 سنه مو وحده في 20


تكفوووووون ساعدوني من تجاربكم .... واللي ماعندها رد ترفع الموضوع ولها الاجر *****الله

عسى الله يوفقكم ويسعدكم ويرزقكم من حيث لاتحتسبون .... ويخليكم حوريات في عيون أزواجكم ومايشوفون غيركم ...واللي ماتزوجوا الله يرزقكم باللي يعرف قدركم ويصونكم ويحبونكم حب مجنوووووون ...




محبتكم / لمى السيف ....