للاعراس لا طبعا وما بروح اما العزائم العادية ما فيها مشكلة لو قريبة مني كتير

اخنا انتشر عندنا اعلانات عن الاستقبال.. يعني اذا الوحده والده او توها متزوجه، تقوم وحده من أهلها أو صديقاتها وتطرش مسجات حق كل الناس اللي تعرفهم تخبرهم ان فلانه ولدت او تزوجت وراح تستقبل المهنئين في الايام الفلانيه... وهاذي شغله وايد عاديه لأنها مو عزومه

الحياة تغيرت وصار المسج هو المنقذ اللي ينقذنا من الشرهه ومن طرق باب بيت فلان ومد بوز وزعل علان

يعني بصريح العبارة لا مد إيد ولا موايه ولا حب خشوم


بس هذه طريقة رخيصة جدا ومب مقبولة ولازم نرفضها ومانساعد على انتشارها

ومانستخدمها الا للتذكير بشي.

عادي مافيها شيء

ليش وايد معقدين المسأله ..

كل واحد وظروفه..

وبعدين فيه ناس بيسوون استقبال أو حفلة يعني لازم طباعة ومخاسير؟!!!!


والاعراف عندنا ان العرس او المناسبة اذا فيه بيت مايسوون لها بطايق .. شلون بيوصلون حق الناس؟!!!!


ترى والله أذية سالفة التلفون وانتي وحظج شوفي جم وحده ردت عليج والا مو موجوده .. لا وبعد ينسون .. انا عندي المسج وااااايد احسن خصوصاً ان مخزن في الموبايل متى ماخلصتي من المناسبه مسحتيه !!!!!



رايي الشخصي