العشاء وما أدراك ما العشاء

السلام عليكم ورحمة الله




أخواتي::::



عقدتي العشاء :angry2:



بما إنا عادة نطبخ الغداء.......... احتار في العشاء مره ...... وفي الاخير يكون العشاء ساندوتشات يا بيض ولا جبن ولا تونه ...... أو نواشف..........واذا احترت مره نجيبه جاهز من برا...
أعرف ناس العشاء عندهم لازم طبخ بالبيت مثل الغداء........ يعني ايدام خضار.... أو مكرونة حمراء.......أو مرقوق....وهذا شي ثابت عندهم ..لا ومتعودين عليه من هم صغار وعودوا رجالهم واولادهم على هالنظام...... وتعرفون متى يتعشون..... بعد صلاة العشاء على طول ..يعني يمديه يتهضم بالراحة...... وفي عندنا جيران كل يوم المغرب أشم ريحة الكشنة عندهم أقول ما شاء الله عليها مرة سنعة ما تعتمد على الجاهز.......... وأعرف وحدة ثانية أهم شي عندها الأكل من البيت ( وطبعاً طبخ) ما تشتري من برا إلا نادراً <<< تبون الصراحة أحسه صحي ومدفي مع هالبرد خصوصاً للأطفال بدل النواشف الي نشفتهم..
سؤالي .....كل وحدة تقول وش نظامهم الثابت بالعشاء..جاهز ولا مسوى ... طبخ وكشنة ولا شي ثاني... والساعة كم يتعشون....<<< طبعاً أقصد النظام الثابت الي تعتمده دايم...سواء لها هي أو الي كانت متربية عليه... عشان نفيد ونستفيد...:)
سطروا خبراتكم عشان يكون مرجع لكل من تبي تصير سنعة
:26: