العشاء ومفعوله مع زوجها ..

هلا بنوتات وحريمات جت لكم اليوم شيء شبه حل لامر الاغلبيه يعانون منه

ياطويلات العمر في يوم الخميس كتب الله لي ان احضر عزيمه لاحد الاقارب المهم والحريمات بجلستهم منقسمين ثلاثلا اقسام بالمجلس الكبير الاساسي الحووووريمات الكبار

واحد الغرف فيها البنات المراهقات ومعهم البلاك بيري
تدرون دخلت وطلعت ماشفت وجيههم ياخسارة المكياج فيه ماشفنا غير شعورهم كله منعفطات على البلاك ههههههههههههههه

وعاد بيت الشعر ومادراك بمادار فيه
اجتمعن المتزوجات وهاتك ياحش وحكي كل وحده تدلي بدلوها وش مسوي لها علتها<<زوجها:angry:

المهم بعد ذا
الروايه الطويله العريضه
قصة حياتي يوم الخميس

بقولكم شيء<<جـــــــــاري تنفيذه باذن الواحد الاحد..

لكل وحده زوجها مايجلس بالبيت
تحاول بقدر الاستطاعه تشوف وش يحب وش اللي ماهو موجود عنده في البيت ويخليه مغير يطلع له وتوفره له بالبيت

واحيانا اللي ينفر الزوج من البيت اللي هو الزوجه نفسها لكنها ماتشعر انها هي سبب هروبه من البيت
اما بكثرة طلباتها
او عصبيتها
اوكلامها
او او او ...؟؟!!


طيب نجي للاساسي من موضوعي اللي هو؟؟!!

وحده من البنات
قالت زوجي يوميا يطلع من البيت وسهر يااستراحه ياكوفي يا على الرصيف المهم انه يطلع مايجلس بالبيت
وعرفت اجيب راسه واخليه وهو طالع كل تفكيره وش بحصل اذا رجعت
لدرجة انه مع الايام ومع الاستمرا بدا يتفاعل

(((وانا اقولكم يابنات الحياة تبي صبر من زرع حصد لاتتوقعين التغير بيصير بين يوم وليله لا ...
يمكن شهر شهرين سنه
حسب متى يلين راسه))))


نرجع ..المهم تقول صار كل يوم لازم اسوي عشاء واتفنن فيه اكثر من اهتمامي بالغداء سلطات حلويات عشاء ثقيل خفيف المهم اني لازم اسوي عشاء وارتبه على السفره واتعشى ما انتظره
وطبعا ماتكون مخبرته باي طريقه يعني لابنتظرك على العشاء ولاتراي بجهز عشاء تجي ولاغيره ولاتتصل عليه تساله بتجي للعشاء ابدا ابدا ابدا
كل اللي سوته انها تجهزه وترتبه على السفره وتتعشى وتترك صحونها الوصخه على حالها يعني اني اكلت


طبعا تقول اول مره جاء استغرب وشاف اني ماكله وجا كا المعتاد شبعان من براومع الايام صار يرجع عشان العشاء ومع الايام والاستمرار صار يتصل وش مسويه العشاء وردها مفاجاه
ومع الايام صار يسالها وش بتسوين عشاء الليله وتقوله مفاجاه

المهم تقول يابنات صار يقول العشاء عندك احسن من اكل المطاعم وجع بطون وتسمم
اني خلاص قايل للشباب عشاي بالبيت
طبعا لكل شيء ضريبه وهذا من ضمن كلامها انه مرات يتصل يام فلان يكفي العشاء لو اجيب 2 من زملائي

وهي كانت حالتها مثلي انا وغيري بس تغيرت
بالنسبه لي ما اسوي عشاء اذا كان غير متواجد ونفس الشيء اساله هل بتجي للعشاء فيقول لا خلاص ما اسوي


الحلو في الموضوع انها ابدا ماحسسته انه عشان تبيه يتعشى معها لانها سوته كذا كل ليله من غير ماتعلمه مسبقا وصارت تخلي صحونها اللي اكلت فيهم تبين له اني مسويته عشاني

وبقولها انه اول الايام يجي ومرات مايجي ومع الاستمرار بحمد من الله التزم
يابنات صح تعب اني اسوي عشاء وانوع وكذا بس الحلو ان زوجي بيرجع للبت ان شاء الله بدري وبيتعشى معي ومع اولادي ونلتم على السفره

وانا اقول لكم كل رجل له اللي يجيب راسه جربي هذي مانفعت دوري غيرها

واللي بتسوي هذي الطريقه مالها الا تكسر مواعينها في كل ليله هههههههههههه مثل هذي:angry:


اتمنى تستفيدون وكثررررت هذره اعذروني هههههههههههههههههههه