انا رفيجتى شرت منها زيت حق تطويل الشعر :angry: وتقول ما استفادت منه شى مع ان سعره كان وايد تقريبا 50 دينار انتى جربى واحنا بانتظارج ان شاء الله مايخيب املج

ما ادري شقولج
بس محد مدحها
شوفي تاثيرها عليج وبلغينا

امبيه لاااااااااااااااااااا لاتشترون منها شي نصابة وتاخذ فلوسكم على الطل خلطاتها ولا ببيزة
اصلا مالت التنحيف يقولون تحط فيها عشرج وتدرون العشرج الناس ياخذونه مرة بالسنه بس ينظف البطن وهذي تخليكم تدردعونه كل يوم
وجذب ماكو شي بالعالم يوخر الخطوط اكبر الاطباء قالوا هالكلام
وزيتها يلوع الجبد ولايسوي شي للشعر
طيعوني لاتقطون فلوسكم عالفاضي حرام
اصلا من كثر ماالناس تدق تتهاوش معاها كل شوي تغير الرقم

شوفي ردود البنات على خلطاتها

=============================================
أم حسين نصابه خذيت منها خلطة تبييض ومرت اخوي أعشاب تخسيس واختي زيت الشعر ولا شفنا شي !!!!!!!!!


بس بااااااااااقتناااااااااااااااااااااااااااااااااااا اااا


واسعارهاااا نار يعني يمكن ربحناها 150 دينار

============================================

انا جم مرة دقيت عليها ام حسين وكلما شالت التليفون تقول الووووووو بعصبية ونفس خايسة وجامدة بالحجي اثرا يوم سألت ناس قالولي من كثر ما يدقون عليها ويسفلون فيها الحريم وطايحين فيها تتفل بالسماعة ويصكونه ...من حرتهم ليش انصبت عليهم ...وانا اشوف تقوللي اول مرة تدقين ؟؟؟ اقولها ايه اثرا بتجرب فيني النصب وبتتطمن اني ما جربت للحين خلطاتها النصابة واقولها شعري يحت ويتساقط تقوللي ايييييييييه شعرج نوعه عقيم الخلطة ب40 اطرشها لج الحين وحذروني منها واااااااااااااااااااااااايد...كله كرتزووووووووون شغلها

=======================================================

أنا شخصيا خذيت منها أعشاب التخسيس وكريم الملكي للتبيض الي على قولتها يبيض بعشرة أيام ولا شفت نتيجه حسبي الله عليها

=======================================================

ام حسين خذيت منها اعشاب للتسمين بـ20 دينار جنها تراب لا طعم لا ريحه لا لون لوعت جبت على الفاضي
اهي ترا اكبر نصابة
=======================================================

لالالالالالالالالالالالالالالالالالالالالالالالالا لالالالالالالالالالالالالالالالا


ديري بالج منها
وايد بنات قصت عليهم
إهي ووحدة ثانية شريت منها أسمها أم نواف بالجهرا الجذابة خذت مني 120 و لا فادني و لا شي


في وحدة يقولون زينة أسمها أم تركي بس ماجربتها بس البنات يمدحونها
========================================================




جذابه وتاخذ فلوس من الناس و خلطاتها ولا ابيزه ولا تنفع حرام عليها تقص على الناس
====================================================

اياني وياج تاخذين منها الحراميه قصت علي واخذت منه ب300 دينار ولاشفت شي لافايده ولاعايده

وفي وحده اسمها ام نواف هم بعد حراميه لاتاخذين منها
هذول مال نشتكي عليهم بالبلديه او بالصحه عشان يادبونهم بس الشره مو عليهم الشرهه على الجرايد والمجلات اللي خابيننه فيهم مالت عليهم

انا من الحره كلما اتذكر ادعي عليهم
==========================================================



الله يستر خذيت منها زيت للشعر واختي اللي يضعف بس صج كلامها خيالي يطول شبر بالشهر ما ادري نص شبر قالتلي
تقول انها جامعية ودارسه بس عرفت من وين تطلع الفلوس من الاغبياء مثلي
==========================================================
والله ياحبيبتي رفيجتي جربت عندها شراب قالتلها ام حسين انه يزيل الخطوط اللي بالجسم بعد الولاده والله ستر على رفيجتي ودوها المستشفى عندها التهاب بالرحم فأنتي لاتجربين اي شي وبعدين تندمين لاسمح الله
==========================================================



لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالا



وخري عنها كل سوالفها خرابيط أهي ووحدة ثانية اسمها ام نواف بالجهرا كلهم خراااااااااااااااااااااااااااااااااااااااااااااااا ييط


بعدي عنهم مرة وحدة
===========================================================

حبيبتي انا استخدمت خلطة عجب العجاااب لتفخ الوجه
قاصه علينا هالحرمه كل خلطاتها اسمهم عجب العجااب حرااام فولوووسي اللي قطيتهم عليها
لا تفخت وجهي ولاشي
مع اني كنت منتظمه
عالعموم تبين ترجبينها براحتج يمكن خلطاتها تفيدج
=============================================================


أم حسيــــــــــــــــــــــــــــــــــــــن نصااااااااااااااااااااااابة
شريت كريم منها للتبيض ب 30 دينار عجب العجاب على قولتها و عالجت ويهي بعدها ب 500 دينار ..
بمشي و افضحها لاني مقهووووووووووووووووورة إلا انا الملقوفة

و هذي تجربة شخصية بحتة جدا جدا
==========================================================
شلونج وردة الجلاس أنا بقولج عن تجربتي وأنصحج لاتشترين من عند أم الخصف والليف (استغفر الله) أم حسين ترى شغلها خرطي ومايسوى الفلوس اللي تطلبها أنا طلبت خلطة التخسيس من عندها وصله المندوب ب25 دينار بس لما فتحت العلبه انصدمت كل المكونات ألقيها عند العطار ولا بالجمعيه ولا تكلفني دينارين فيها بابونج وميرميه وشمر ورجل الاسد وخلصت في أقل من شهر ولا استفدت
========================================================

اختي انا بجاوبج..وانتي احكمي...بعد الولدة تمت عندي كرش صغيرونة مع اني ضعيفة للكن كنت حابة جسمي يرجع مثل قبل شريت منها منحف الكرش وقالت لي اشربي منة مرتين باليوم ..وآنا كنت اسوي مطارة وماكو فايدة...لاحظي اني عصلة...وبالنسبة حق زيت عجب العجاب اللي تقول يطول الشعر شبر خلال شهر....استعملتة آنا+ الولدة+مرت اخوي وخواتها الاربع+ثلاث بنات معي بالدوام والنتيجة ولا وحدة طال شعرها حتي انش ..وآنا عن نفسي استعملت غرشتين ...ماكو فايدة
===========================================================



السلام عليكم خواتي

آنا عضوه يديده وهاذي اول مشاركه لي ومو الأخيرة انشالله

بخصوص أم حسين

فأنا احذركم ... والله شاهد على كلامي... والظليمه شينه


لكن بنات خالتي استخدمو زيوت الشعر على قولتها العجيبه

طيحت شعرهم بشكل مخيف... يعني اقرعوا من النص


وما عرفولها طريج عقب ماكلموها على هالشغله



لا تثقين بشي الا تعرفين شنو مكوناته بالضبط

ولا تنخدعين بكلامها المزخرف ... واللي يشكك بنفس الوقت
=======================================================


هااااااااااااا شرايج تبي بعد ولاكافي اللي نقلته؟
واذا تبين تشوفين الموضوع دشي منتدى كويتيات شوفي الردود بنفسج

جربت هالاعشاب ومافادت كللللش