العشا صنيه همبرجر بالبطاطس فى الفرن وعليها صلصه لزوم الدايت

افضل حا جه ان العشا يكون قليل الدسم وكل يوم الواحد يفكر ايه اخف حاجه للعشا او ازاى اخلى الحاجه اللى بحبها فيفه وخاليه الدسم مش هطول عليكم المهم العشا النهارده صنيه همبرجر الدسم فيها قليل الخطوات
1-قطعت البطاطس حلقات وسلقتها بقليل من الملح
2-بالزيت البخاخ رشيت صنيه الفرن وحطيت فيها الهمبرجر وبعدين حلقات البطاطس المسلوقه
3-وهى الذ حاجه فيها الصلصه بتجيبى صلصه وطماطم وتخفيهم بشويه مايه وتبليهم بملح وفلفل اسود وشطه وفلفل حار وممكن تقطعى عليه بصل مكعبات وزيت يعنى انتى حره فى الاضافات وتصبى الصلصه على صنيه الهمبرجر والبطاطس وتدخليه الفرن يتحمر كويس انا عملته وقدمته مع نودلز وصدقونى طعمها رائع