بنت آبوي :

هلا وغلا أخيرا لقيت أحد يفهمني ربي يسعد قلوبكم الطاهره

هلا وغلا أخيرا لقيت أحد يفهمني ربي يسعد قلوبكم الطاهره

كلي لك ولوحدكـ :

<<شافت الموضوع <<عجبها <<جابت كوفي تروق <<روقت وردت بانبساط انا لي 4 ايام مسجله موضوعك الاول لي في المشاركه لانه الوحيد الي استفزني واستفز تفكيري اول شي انتي بطله يلا بسم الله ابدا فلسفتي الزايده موضوعك خلاني اتذكر سالفه حصلتلي مره جالسه مع بنات موب صاحبات لازميلات الا قلت يووووه فاتني موعد الدكتوره قالت وحده عسى ماشر سلامات قلت الشر مايجيك بس جالسه اسوي جلسات> ليزر ذاتي < بكيني انتبهوا انوا قلت ذاتي مابغى فلسفه مال امها داعي قالت ماشاء الله الف مبروك قلت على ايه تباركين قالت مو بتتزوجين قلت لا من قال قالت اجل وشوله ليزر البكيني بالله ذي العقليه كيف اتعامل معاها وافهمها انوا البنت لازم تهتم بنفسها سواء متزوجه او لا ومره قلت اليوم موعد الحرمه الي تسويلي دلكه وحمام مغربي وكذا قالت وحده ليه بالله ادوني جواب اجاوبها لاني ماعندي الا جواب استغفر الله ياعليكم تفكير مادري وش تحسون فيه البنت تهتم بنفسها ونظافتها عشان نفسها مو عشان غيرها كل شئ لازم يربطونوا بالزواج يعني الي ماتتزوج تجلس هامله نفسها لين تموت وهذا وضعنا انا وصحباتي شلة بنات اغلبنا الا يمكن ثلاث ارباعنا مو متزوج واالربع الاخير الله يعينهم بس الاالمتزوجات ياعليهم سوالف تجيب الهم والا وشلون تشكلّت نظرتي للزواج على انه ملاعن وطق وهم وغثى وفقعة مرارة .. وحده تقولّ الله يادنيا اول ما اوصل للبيت ارمي شنطي ويا ميري حطي الغداء والحين صرت ادخل البيت احط الشنطه وابدلّها بـ ملاس وانكان مافي غداء وش ابي بمقابل خشتك الشيفه > >>حكي زوجها جعله الي مانيب قايله الله يهديه والثانيه تقول زوجي الظاهر يحسب انوا لسى عازب او يحسب اني عنده ديكور طول يومّه هايت داج فهالاستراحه مع اصحابواواذا فضى ذيك الساعه تذّكر عنده شي اسموا زوجه وجاء قابلنيّ ثم طسّ جعله >>ههع سبه لزوجها موب قايلتها والثالثه و الرابعه والخامسه وياقلب لاتحزّن اما حنّا البنات الطعمات السكرات يآحبّي لنا بس سوالف نت / مكياج / قصات /ليزر /دلكه /حمامات مغربيه عايشين الحيّاه وموسعيّن الصدر الحياة هي حياتنا احنا ان بغينا هاتكون بظل رجل ولا بظل حيطة كيفنا والله ماحد له دخل بتفكيرنا لبى تفكيرنا يعني نعيشها على هوانا احنا مهو على هوا الناس عقولنا تحت طوعنا احنا بس.. بامكانناننظر لموضوع الزواج وتاخره انه سيء ونقعد نتحلطم ليه حظنا كذا.. وبامكاننا نستفيدمن وقت شبابنا ونستغله افضل استغلال... صحيح ان الزواج اضافه للحياة بس ماعليش يعني وسوري من هنا لبكره ماراح أموت ان ماتزوجت بضل اتنفس وادابك بهالدنيا وافرح وانبسط وماعلي من احد انا اقول <<لبى انا وه بس احبني موضوع التفكير الزواج او عدمه يعتمد على نظرة البنت لنفسها وايمانها بربها، كلن له رزق بهالدنيا لو تفحطين بكل زواج مالك الا رزقك... فليه العنا وارزاقنا مكتوبة وبعدين يالي تفكرون بالزواج وصار هو محور حياتكم وتنكرون علينا تفكيرنا ترى الزواج مو مصباح علاء الدين بيوفرلكم كل شئ ماتدرون يمكن يكون المغاره اللي ماتطلعي منها إلا بعد أنتي طالق . عاد وقتها تعالي تبكبكي وقولي ليتني بنت عشت حياتي بالطول والعرض وقتها ماراح نديك فيس <<وجه يقول احسن من قالك روحي للنار برجلك ههع مانكر ان الزواج حاجة فطرية دنيوية نجهل ماكتب لنا فيها من تعاسه أو سعادة , لكن الخطأ أن نجعل كل تفكيرنافيه ونجلس نتحلطم ياربي متى اتزوج ياربي كبرت ياربي عنست لانجعلوا شي نجري وراه جري الوحوش واحنا ماندري ايش مكتوبلنا فيه يمكن نكون أسعد بدونها ويمكن لو جربناه ندبنا حظنا و تمنينا ماضينا عشان كذا أنا مامل بالدعاء بالخيرة وأن يسقيني الله كأس الرضا سلوة عن الدنيا، ويمح أثرها من صدري ولا يجعلها أكبر همي ولا مبلغ علمي . كلمه لمجتمعنا الخايس الي يخلي البنت من هي بزر مابعد بلغت تفكر بالزواج وقسم من هي بزر والا طالبات اولى متوسط يلعبون عريس وعروسه <<ياجعلهم بس ماني قايله حرام يامجتمعنا الله بس يصلحك متى تفهم ان الزواج مسؤوليه ولا كل وحده بتقدر على ذا الشئ انا ماحس اني انفع افتح غرفه فكيف بيت ورجل وبزران بالمستقبل بس انفع ادلع نفسي لنفسي << يارب انك تخليني لي ولاتحرمني مني وه بس مجتمعي الخايس متى تبطل انك ماتعترف بمكانة الانثى اذا لم تكن تحت ظل (راجل) شئنا أم أبينا رضينا أم انرضينا.. متى يامجتمعي السقيم تبطل تصنيف للمرأةعلى حسب ارتباطها برجل على انها احد 4 حالات (متزوجة_أرملة_مطلقة_عانس) ولا تهتم بما ملكته من شهادات او خبرات او حكمة او دين مجتمعي ليه فهمني ليه تزرع في مخ البنت ان مفهوم الزواج انوا البوابه الوحيده اللي تقدر من خلالها تحقق كل احلامها وطموحاتها مجتمعي مع احترامي لك بس بقولك مايهمني تفكيرك الخايس جدا جدا وبجلس افلها واعيش حياتي بالطول والعرض وفوق وتحت ويمين وشمال وانبسط بفتره >انوستي < من جد احب اسميها انوسه الي محدودي التفكير والعقليات التعبانه عافانا الله>>اخلاق تناسب وقت الظهريه ههع يسموها عنوسه انا مرتاحه بوضعي .. ياناس نوم 24 ساعه اقوم الاقي اكلي جاهز .. مووسعه صدري متى ماطرالي خرجه كلمت اخوي وقلت له الساعه الفلانيه تمرني انام بلوقت الي مريحني واصحى متى ماشبعت نوم <<انقهروا يامتزوجات ههع كلمه للي مؤمنه ان كل حوائجنا قضاء وقدر ونصيب بس من يوم وعت على الدنيا وهي تسمع العجز يدعون لها <<يارب انك تزوجها مادري ليه هالدعوى يعنني مسويه نفسك مهتمه طيب ادعيها بقلبك بينك وبين ربك مو بوجه البنت كلمتي لكم لا تفكرين ياعزيزتي إن الزواج هو عتبة العبور للسعادة ..! الزواج (لو صلح) فهو جزء من السعادة ماهو كلها .يعني عيشي حياتك وفليها لاحقه على الغثاء عيشي حياتك واستمتعي بوقتك راح يجيك اليوم اللي تتمنين فيه حياة العزوبية فلا تسبقين الاحداث ولا تحملين الحياة فوق ما تحتمل .. ترى في النهاية كلها دنيـا .. لاتربطين الزواج أو السعادة بالعمر .. المهم يكتب لك ربي في النهاية ارتباط ناجح وموفق.. حتى لو تأخر .. أفضل من مليون تجربة فاشل استمتعي بثواني كل يوم لان الحياة فيها اشياء كثيره احلى من التفكير بالزواج لا تخلينه اول الاولويات عشان ما راح تقدرين تنفذين الباقي . اذا خرب تفكيرك وخلوك الناس تتحسرين على وضعك وتتمنين الزواج مو عشان تستقرين بس عشان تفتكين من كلامهم وترضين ترتبطين بواحد شين وراعي خرابيط وماينفع ياخذك انتي ياماسه لانو فحمه من خرابيطوا المعفنه تذكري الحمل والولاده قسم بالله إن تحرمين تفكرين الحين انا اذا سمعت وحده بتتزوج اقول الله يعظم اجرها بس ويصبرها وش احلى من حياتنا ببيت ابهاتنا جعلنا فدوه لهم حطي ببالك غصب طيب عبارة " قطار يفوتك ولا قطار يدهسك " تمنياتي لجيمع فتيات عالم حواء بالحياه الهانئه بزوج او بدون

<<شافت الموضوع <<عجبها <<جابت كوفي تروق <<روقت وردت بانبساط انا لي 4...