عزيزتي كبرى
شوفي ياقلبي..انتي نفاس,,خلي عنك قولة أحب وما أحب..تحملي هي فترة وبعدها إن شاءالله بتصيرين زي الحلاوة..
انا عندك أكـــــــــره الحلبة مووووت,, وبنفاسي رفضت آخذها رغم إصرار الوالدة واكتفيت بالماش,, وقالت لي :ترى بحملك الثاني بتتعبين وانا أمك..قلت لها :الله المستعاااان,,الحمل الثاني أبصير خلاص قيت واشتد جسمي..
وتعالي شوفيني بحملي الثاني الله لايوريك..آلام الظهر متعبتني من الشهر الرابع,, وهالحين حوضي متفكك تفكك..وعرفت إن فيه اشياء تأثيرها على المدى البعيد..ومن الحين اشتريت الحلبة وطحنتها وجهزتها مع أدوية نفاسي
<==تأدبّت :)

الخضروات ياقلبي ضرورية مرة للنفاس..وابتعدي عن الحلويات والشوكولاته,, واحرصي على التمر والبر..
والسوائل لازم تكون حااارة(يعني دافية)..ولو يحصل لك تشربين على الريق كاس موية دافية أحسن لك من البارد..وسوي لك باليوم ترمسين ,,واحد بعد الفطور,, وهو عبارة عن:
(أولا شاهي الزنجبيل والقرفة)
الطريقة: سخني الماء حتى يغلي تماماً.
ضعي في الأبريق ملعقتين قرفة مطحون + ملعقة صغيرة زنجبيل مبشور + ملعقة كمون مطحون+ فنجال سكر
صبي الماء فوقها ولا تضعيه على النار, بل حركي الشراب بالملعقة , ثم غطي الأبريق واتركيه لمدة 5 دقائق.
صفّـي شاي الزنجبيل في ترمس خاص
(هذا المشروب يعمل بعد الأفطار مباشرة)

وتقهوي منه بالكوب لين يخلص..
بعدين,, بعد قهوة المغرب سوي هالترمس الثاني:
(مشروب الزعتر البري)
الطريقة: سخني الماء حتى يغلي تماماً.
ضعي في الأبريق ثلاث ملاعق زعتر بري+ ملعقة صغيرة زنجبيل مطحون + فنجال سكر
صبي الماء فوقها ولا تضعيه على النار, بل حركي الشراب بالملعقة , ثم غطي الأبريق واتركيه لمدة 5 دقائق.
صفّـي شاي الزعتر في ترمس خاص
(هذا المشروب بالليل فقط وقبل النوم مباشرة)


وهالسوائل ميزتها إنها دافية وحارة..يعني تكمّد البطن وتريحه..ولاتنسين الحليب بعد..
أما العصيرات..أنا شخصيا ما أحبذها,,أفضل آكل الفاكهة عدلة,,وأداوم على الفيتامينات..لأني أحس العصيرات تجيب رخاوة ومويات في المهبل..
أتمنى أكون أفدتك..:)

الف شكر اختي بسمة .... كتبت النصائح و بطبقها اكيد

و ان شاء الله نستفيد منها.....ما قصرتي يا الغالية .

الف شكر على الموضوع الحلو

طيب كيف؟؟؟؟
وحدة من اقاربنا تقول كثري عصيرات احسن نفاس لي النفاس اللي شربت فيه العصيرات


ثانيا:التفاح مو يجيب المساك

الجح مو زين

سمعت عن الباميه والحوامض والمشروبات الغازيه والمويه البارده وكذلك الرز عدم الاكثار منه لانه يجيب امسااااااااك والامساك يفتح الخياطه
هذا اللي اعرفه ومشيت عليه