العصبية الزائدة...خلونا نحاول نحلها...

السلام عليكم بنات حواء..

بصراحة ما بقول لكم انا عصبية أو هادئة....

أنا بين اثنين يعني اكون هادئة مرات وعادي عندي امسك اعصابي لو في شيء ضايقني...

بس مرات أعصب والله يعنيه زوجي يوم اعصب...والله واقعد افرفر الأشياء ...وخاصة موبايله ...يمكن ليش دومه يرمس فيه وفي أي وقت فباط جبدي فيوم اعصب افره ماادري...

بس هذه مب المشكلة ...المشكلة العصبية...احاول اتخلص منها..ساعدوني بليز..لاني يوم اعصب و افرفر الاشياء زوجي يتضايق وبصراحة من حقه يتضايق...حرتي أحطها في موبايله:42: ولا واشرط الأغاني ماله بعد..:42: إلى ما احبها بالمرة وتسبب لي الصداع الله يهديه ويتركها...

بنات خلونا نحاول نحل مشكلة العصبية...ادري مب كلنا عصبيات بس أكيد في بعضكم من النوع العصبي..إلى في بعض المواقف تضايق وتعصب...

طبعا خلونا من أيام ما قبل الدورة فهذه استثناء ولازم كل رجل يقدر هذا الشيء ولا خلا يسطفل...:22:

مافيها شيء لو تحملنا في هذه الأيام...

بس حلولي مشكلتي وبلا سوالف وااايد يا حرمة واتركي المجال لغيرج يسولف...:42:

بنات عن جد ماعلى ترى الامتحانات مأثرة فتشوفون وجوه وتعليقات...بس صدق أحاول احل المشكلة بس مب ملاقية حل لها...فقلت اشاور خواتي بنات حواء ...لانه في المشاركة افادة..