العصبية بالحمل

مرحبا أختي لاتخافين هذا الشي طبيعي نتيجة تغير الهرمونات و بيخف في منتصف الرابع تقريبا أنا صار نفس الشي في حملي ماغير أتهاوش مع زوجي وأهلي على الفاضي و المليان....

حتى انا حملي كريه كنت ابي اطلق فيه.. الله يستر انا الحين حامل

عادي حبيبتي .... انا اذا حملت اصير بارود ومحد يتحملني ، حتى الشغاله الله يعينها علي هذا اذا ما طردتها

بس اذا حسيتي انك معصبه احسن شي تاخذين نفس وتعدين للعشره بعدين تتوضأين وتصلين لك ركعتين

الله يجزاكم ألف خير

ووالله أنكم خففتم عني ولازم أقري زوجي هالكلام عشان يقتنع إنها عصبية حمل:)

ولا تبخلون علينا بنصايحكم

أختكم المحبه

ريـــــــــــــــــم

اختي الغالية مذهلة
العصبية امر طبيعي جدا جدا في الشهور الاولى
اتحدى وحده تصرفت بالجنون الي كنت اتصرفه
جننت زوجي
بس المشكلة انه ماكان يراعي وضعي يعصب زيادة
وكان يقول لي ماحد حمل الا انتي
وكان غصب علي وربي
كله كوووم الموقف الي ما انساه سويت زوارة في الشهر الثالث
وانا راجعه معاه بالليل صار سوء تفاهم تافه جدا جدا
ما يمدي يقول كلمة الا وانا مكسرة المسكة حقت الورد الي بيدي
على الدركسون حق السيارة عند الاشارة
والحمدلله ان الدنيا ليل وماحد شافنا
وانا انصح كل زوج انه يراعي زوجته بهالمرحلة
ويكون بلسم على صدرها
وحنون
والمهم انه يفهم شيء واحد بس انها فترة تمر فيها كل امرأة
فترة معينه فقط
وكله علشان البيبي يهووووون
تقبلي تحياتي والله يعينك