adas

adas @adas

عضوة فعالة

العصبيه الزايده

الأسرة والمجتمع

السلام عليكم ورحمة الله وبركاته
محتاجه مساعدتكم تكفووون وربي اعاني اعاني مره اكتبلكم وبقلبي غصه ودموعي ع خدي
العصبيه ع اطفالي الي مااقدر اتحكم فيها مره وربي يكسرون خاطري اذا مديت يدي عليهم وربي اعرف اني غلطانه بس شسوي؟
تقولون راجعي طبيب نفسي في منطقتي مافيها
بتقولون فيه تطبيق خاص بالاشياء هاذي جربته وماضبط معاي
تكفون وربي نظراتهم لي تكسر الخاطر اذا ضربتهم
ممكن تستغربون من الشي اللي بقوله مدري ليه احس بسعاده اذا عصبت عليهم وضربتهم بعدها كذا اتحسف فجأه
ممكن تكون طفولتي لها خص باللي امر فيه الان ولالا
حاولت اتواصل مع اي احد مختص بس ماضبط معاي اي شي
انصحوني بأي شي
10
854

يلزم عليك تسجيل الدخول أولًا لكتابة تعليق.

تسجيل دخول

بنتـ سليمان
بنتـ سليمان
أمسكي اعصابك واصبري عليهم وادعي لهم بالهدايه والصلاح
بدل الضرب ادعي لهم قولي لهم الله يصلحكم ويحفظكم
ام عبودىgamol
ام عبودىgamol
انتى شكلك مضغوطه لان المضغوط يسوى كذا لو مانتى مضغوطه من شي ثانى مامديتى يدك عليهم كان كلمتيهم زين شوفى وش ضاغطك
احب الرياضة
احب الرياضة
حطي لك شي بديل تفرغين غضبك عليه
الكيس اللي للملاكمة كلما عصبتي اضربيه
او ادوات حفر وطرق ونحت.. كرة مطاطيه اضغطيها.. او ارميها عالجدار عدة مرات لحالك.. قيام جلوس تمرين
اول ماتشعرين بغضب روحي غرفتك واجلسي ١٠ دقائق. اشربي ماء. سمي بالله ١٠ مرات او اقرأي المعوذات


الاهم شوفي الاشياء اللي تضغطك بالحياة وعالجيها وحليها
وطنشي الحياة ماتكمل.. واللي فوق طاقتك لا تسوينه
اذا امكنك حطي لك ساعة باليوم استرخاء وراحة
لا تراقبينهم ايش سووا سوى الخطر..
اطلعي زيارات او مقاهي لو مره بالشهر ان امكنك
اذا وسخوا وخربوا وكل شي انتي يهمك اطفالك ونفسيتهم فكل الاشياء تفداهم ولأجلهم.. البيت لهم
الدراسة مهمة لكن مو على حساب اني اضربهم وادمرهم..
دايما فكري
انك تعبتي حملتي فيهم وولدتيهم وربيتهم َعلمتيهم هدفك يكونو اناس ناجحين صالحين يعمرو الارض بالخير والعمل..
Nouvelle a
Nouvelle a
وعليكم السلام ورحمة الله وبركاته ..


اول شي .. الله يحفظ اعيالج ويتربون بعزكم ودلالكم .
ثاني شي .. الجهال .. متعبين بالتعامل وفوق هذا
اذا السكن شقه .. انواع الازعاااج .
شي طبيعي الواحد يعصب ويتنزفز ..
من غير الضغط والصداع اللي قاعد يحوش الامهات .
والله المستعان .
صن بايتس
صن بايتس
اول شي لازم تعوذينهم وحتى نفسك وزوجك
ولا زم اذكار الدخول للمنزل والخروج منه
عندك لعب ارواح مثل الدبب والحيوانات تخلصي منها
والبنات جيبي لهم لعب عرايس بدون ملامح
عشان الملائكه تدخل بيتك
ولا تسمعين اغاني حاولي حاولي تتركينها
دخليهم تحفيظ قران يتغيرون وادخلي معهم
و نوميهم بدري وصحيهم بدري
اعطيهم صلصال والوان او اي شي الاطفال عندهم طاقه
شفتي وهم يلعبون شغلي قصار السور ترى يحفظون
حتى بتتفاجئن كيف يحفظون وهم يلعبون او يرسمون
هذي بعض النصايح و ربي يحفظهم و يصلحهم ويعيينك عليهم