منو 1410 @mno_1410
عضوة جديدة
العصبيه القبليه لوين بتوصلكم
السلام عليكم
بنات وش الحل مع العصبيه القبليه
ليش بعض الناس توصل به المواصيل لقطع الأرحام بسبت العصبيه القبليه
أنا دايم أمزح مع الناس اللي تتعصب لقبيلته و منهم حريم أخواني
ودايم أمزح مع وحده منهن شمريه وتعصب مره لا قلت بشمر شي توصل بها لرفع الصوت همن
تزعل و يبان بوجه الزعل
وقبل شهر مزحت معه كالعاده ودايم هي اللي تفتح السالفه حنا أصلنا خوالد و لا جاء
طاري قبيلتنا بدت تمدح بقبيلته و شهامتهم وكرمهم و بطولاتهم تعرفون طبع البدو يحبون المهايط
عاد أنا أنقهر منه و أقلبها مزح برزح
عاد ذاك اليوم اللي هو قبل شهر قلت له أنتم من فخذ عبده يعني أمكم كانت عبده
زعلت وماخلت شيء ماقالته حنا أصلنا فوق وحنا معروفه شهامتنا ومعروفه أجدادنا
وكلن يشهد على بطولاتنا
و كلام طويل ما أذكره من شينه و عقبه زعلت قوه وجهه صار طماطه من الشر
راحت كلمت أخوي الساعه عشر بالليل وحنا مابعد تعشينا وقالت له تعال
خذن للبيت رأسي يوجعن تكذب بس تبي تروح و عقبها أجتمعنا أربع مرات ولا تحضر
أجتماعاتنا ويوم أمي سألت أخوي قال أسألي بنتك و حريم عيالك لا جلست مرتي
وش يسون به
عاد أمي زعلت علينا وهاوشتنا و ما خلت شيء ما قالته بنا علشانه حضرته الجاهله
كله بسبب العصبيه القبليه اللي مدري وين بتوصل هالعالم الهمجيه الجاهله
و أقول لكل وحده تقرأ موضوعي ترى ربي مهب محاسبنا على قبايلنا و أصلنا
كلنا مثل بعض قبايل أو مهب قبايل
94
6K
يلزم عليك تسجيل الدخول أولًا لكتابة تعليق.
الصفحة الأخيرة
الله يشفيك
وعضوه جديده بعد كملت