وَرد :

مالك كم يوم منزله موضوع عن أخت زوجك الموظفه اللي ترسل فطور زوجك وعيالك وأكلك الخاص مع الفجر وغداء وعشاء كل يوم !!! والحين تقولين من ولدت وأكلي كله وجبات سريعه وماعندي احد !!! عموماً بما انك نفاس مايصلح لك الشغل و الوقفه عند الغاز وتحضير الأكل شوفي في مدينتك طباخه وياكثرهم في الانستقرام و اتفقي معاها ترسل لك كل يوم غداء هي أهم وجبه واذا زوجك ظروفه ماتساعد انتي نفاس واكيد تجيك هدايا فلوس اصرفي منها و ريحي نفسك. ومبروك ماجبتي و قدامك العافيه.

مالك كم يوم منزله موضوع عن أخت زوجك الموظفه اللي ترسل فطور زوجك وعيالك وأكلك الخاص مع الفجر وغداء...

شامبو هيربل :

الحمد الله على سلامتك ومبروك ماجبتي وجعلك ان شاء الله تشوفينه عريس أو عروسه اذا إنتي قيصري اهتمي بنفسك اول شي المشروبات وبعطيك طريقة عصيدة التمر والمراصيع والحنيني السهل كلها سهله وماتحتاج انك توقفين في المطبخ جيبي كرسي وأجلسي وجنبك دفايه عشانك والده اول شي العصيده جيبي اربع كاسات مويه ونص كيس صغير تمر وتشيلين الفصم منه أو تجيبين تمر معبوط وذرة ملح ونص إصبع زبده وتخلينهم على النار الين ماتسخن بس يتفكك التمر ويميع تحطينه في الخلاط اذا كميه ماتكفي الخلاط تحطينه على دفعات وتفرغينه في طاسه وبعدين تحطين كاسين دقيق في القدر وتحطين التمر الي خلطتيه عليه وعلى دفعات مع التحريك المستمر الين مايصير شوي سائل حطي كل الكميه وحركي بمضرب الكيك اليدوي اذا ذاب كل الطحين حطي ملعقه صغيره فلفل اسود وملعقة صغيره هيل وملعقة صغيره زنجبيل وحطيها على نار هاديه وغيطيه بقصديره والغطا وخليه ساعتين وذوقي شوفي يحتاج حلاوه زيدية شوي سكر بعدين خليه بعد ساعه الين يصير بني زي الشكولت وحطيه في بادية الشوربة وتكونين مذوبه زبده حطي على الوجه زبده وحطي فلفل اسود والباقي حطيه في قدر في الثلاجه وكل يوم خذي شوي وحميه وحطي معه زبده وفلفل المراصيع العجينة كاسين طحين بر ملعقه صغيره بيكنج بودر اربع ملاعق حليب بودره ملعقتين زيت ومويه دافيه للعجن وحطي مويه واعجنيها بخفاقة الزيت الين ماتصير عندك عجينه زي خليط الكيك وبعدين جيبي صاج أو مقلاة وحطي شوي زيت وامسحيه بعدين خطئها بشكل دوائر صبيها كم وحده وأول ماتطلع فقاعات وتتحمر اقلبيها الجهه الثانية الين ماتستوي ووخريها وحطيها في حافظه وحطي كميه جديده وهاكذا الين ماتخلص الكميه وحمي زبده الين تذوب ورشيه على وجه المراصيع بعدين غطيها وحركيها بعدين افتحيها وحطي معها عسل وكليها بالعافيه هاذا حنيني بسيط جيبي خبز بر المفرود وكمية تمر لأكن مو كثيره تكون وسط ويكون تكر بدون فصم كل كيسك مفرود لها ربع كيسة تمر أو اقل حسب رغبتك تحبينه شوي معبوط ولا تحبينه نثري وحليب دافئ في طاسه وقدر فيه زبده مذوبه نص إصبع لكل كيسة خبز الحين يكون عندك يافرامة لحم أو محضره أو قطاعة بصل بس تغسلينها زين بالمويه والكلوركس والصابون وتنشفينها زين تقطعين الخبز قطع متوسطه وتغمسينها تغميسه وحده في الحليب وعلى المحضره وتحطين معها التمر اول شي كميه بسيطه بعدين تطحنينهم مع بعض وتشوفون اذا تحتاج تمر زيادة أو زي ماتحبينها بعدين حطيها في القدر مع الزبده كل الكميه خلصتي حطي ملعقتين عسل وملعقة صغيره فلفل اسود وملعقة صغيره هيل وملعقه صغيره زنجبيل وقلبوها مع الزبده وحطيها شوي تسخن على نار هاديه وكليها مع الحليب لحرصي الحليب الصبح مع بيضه أو مراصيع أو حنيني ويكون حار العصر اشربي كاس كبير كمون مع مويه ونقعي مره بمويه مغليه في علبه وخليها في الثلاجه وحطي شوي منها مع الكمون وبعد المغرب كوب قرفه الغداء تغدي مرقوق قرصان أو مطازيز تعليمها من النت أو ادام لحم بس ولا تشربين غازيات واشياء بارده وانتبهي توك والده الوجبات السريعه مضره وممكن تسبب لك إمساك تكرمين العشاء بيضه أو طحينية تدر لك الحليب أو فول أو عدس أو شربة خضار أو شربة عدس أو شوربة شوفان اقل شي العشر الأيام الاولى أو خمس طعشر يوم بعدين كلي عادي بس بدون غازيات والصبح بعد الخمس طعشر يوم الاولى مع فطورك حطي ملعقة حلبه مطحونه ودعواتك لي وكل محرومه بالذريه الصالحه ودعوتك لامي بالمغفره لان هاذي ألطريقه تعلمتها منها في ولادات اخواتي

الحمد الله على سلامتك ومبروك ماجبتي وجعلك ان شاء الله تشوفينه عريس أو عروسه اذا إنتي قيصري اهتمي...