داليا-74 @dalya_74
عضوة نشيطة
العصير الاخضر من د. اوز معلومات عنه وشو الامراض اللي بيشفيها او بحسنها
كيفكم صبايا هاي اول موضوع الي وحابة اشارككم فيه لانه اله فائدة كتير كبيرة لالنا كلنا وبتمنى تقروه بالكامل عشان تعرفو شو فوايده ..
انا بدي ابدأ اجرب هاد العصير اللي بيشربه د.اوز بتعديلاته الجديدة لانه ممتاز لكتير مشاكل موجودة بجسمنا واحنا مو عارفين او من امراض بنشتكي منها متل مشكلتي مع الغدة الدرقية .. عندي التهاب درقي |(هاشيموتو) بسبب كسل غدة في معظم الاوقات ومرات بيتارجح بصير معي اعراض نشاط الغدة.
وهاد المشروب مطلوب مني اشربه بشكل دائم بصراحة انا لسة ما جربته لانه حاسة طعمه حيكون كتير غريب بس عشان اضلني بصحتي وعافيتي (بعد ما تحديت مرضي وقدرت اسيطر على الغدة الدرقية والحمد لله والفضل بالأول وبالأخير لله عز وجل كنت مو يائسة من رحمته وكنت واثقة كل الثقة بانه ربي حيهديني لعلاجي اللي عجز دكاترة الغدد الصماء انهم يلاقو علاج الي ولغيري) قررت اتجرأ ومن بكرة حبدأ فيه إن شاء رب العباد
نيجي للمكونات :
تفاح عدد (2) حجم وسط
كرفس عدد (3 عيدان) يعني بس 3 سيقان
الخيار عدد (1) حجم وسط
عصير نصف ليمونة صفراء
عصير ليمونة خضراء (كاملة)
بقدونس حزمة كاملة بس ورقها وجزء بسيط من عيدانها (زي كانك عم بتقطعيها للتبولة)
سبانخ عدد (2) كوب (طبعا بس ورقها)
زنجبيل حجم الابهام (ما تكترو اكتر من هيك)
عصير برتقالة واحدة
جزر عدد (2) حجم متوسط عشان يحلي المشروب اكتر هاد بالاضافة لفوائد الجزر الرائعة خاصة
واضافة النعنع والاناناس لطعم احلى طبعا حسب رغبتكم
تخلطيهم مع كاسة ونص ماء بارد او تلج وتشربيها كل يوم صبح قبل الفطور (وبعد الدواء الغدة اذا عندك كسل غدة) أما الكمية بتوقع بتكفيكي من يومين لثلاث ايام (كل يوم كاسة الصبح)
نيجي لفوائدها :
بخفض ارتفاع ضغط الدم
بيساعد في تخفيف مشاكل آزمة (الربو)
بيحافظ وبيعزز قوة العظام في الجسم
بيحمي من مرض سرطان الثدي
بيساعد على الهضم (اغلب امراضنا سببها سوء الهضم)
بيحمي من مرض الزهايمر
بيحمي من مرض سرطان القولون وسرطان الكبد
بيخفض من الكوليسترول
بيحتوي على نسبة عالية من مضادات الأكسدة
بيخفض الوزن
بيعمل على تحسين البشرة بشكل سريع
بيزيد وبيحسن من الدورة الدموية
بيحمي من مرض سرطان الرئة
بيحمي من مرض التهاب المفاصل
بقلل من وجود التهابات داخل الجسم (وهاد السبب اللي انا عشانه لازم اشربه لانه مرضي عبارة عن التهاب درقي)
تطهير وتنظيف الدم (حيث يعمل على اعادة وتنشيط بناء خلايا الدم الحمراء وتزيد الاكسجين النقي للجسم)
حبيت افيدكم وبتمنى من الجميع يتجرأ ويعملها ويجربها بالنسبة الي ان شاء الله بكرة وبإذن الله حبدأ فيها
25
15K
يلزم عليك تسجيل الدخول أولًا لكتابة تعليق.
الإميرة الساحرة
•
يسلموا على الطرح
يسلموا على الطرحيسلموا على الطرح
شكرا ع المعلومات المفيدة
انا من فترة قريت عنه و نفسي جربه بس خايفة ما يناسبني لان عندي حموضة بالمعدة
انا من فترة قريت عنه و نفسي جربه بس خايفة ما يناسبني لان عندي حموضة بالمعدة
داليا-74
•
شكرا ع المعلومات المفيدة انا من فترة قريت عنه و نفسي جربه بس خايفة ما يناسبني لان عندي حموضة بالمعدةشكرا ع المعلومات المفيدة انا من فترة قريت عنه و نفسي جربه بس خايفة ما يناسبني لان عندي حموضة...
حبيبتي ما تخافي لانه هاد العصير بيعدل حموضة المعدة لانه فيه ليمون وبيحول حمضية المعدة لقلوية .. الليمون والخل عموما مجرد ما يدخلو المعدة بيتحولو من حمضي الى قلوي وبخففو الحموضة ومع الاستمرار بترجع معدتك قلوية وبالتالي حيتحسن هضم الاكل عندك وبالتالي امتصاص عالي للفيتامينات والمعادن.. ديري بالك حموضة المعدة بتسبب مشاكل كتير وممكن يكون واحد من اسبابها جرثومة المعدة لانها بتقضي على البكتيريا النافعة اللي بالمعدة وكل ما طولت بالمعدة حتسبب قرحة سواء بالمعدة او بالمريء او بالاثنى عشر وممكن التلاتة مع بعض وانا عم بحكيلك عن تجربة والحمد لله ارتحت منها
في طريقة حعطيكي اياها ممكن تكشفلك اذا في جرثومة اضغطي على معدتك باطراف اصابعك وبقوة (من راس المعدة وعلى المعدة وعند مكان اثنى عشر) اذا وجعتك كتير والم كبير ياريت تروحي عدكتور يفحصك لانه احتمال يكون عندك الجرثومة
وجربي العصير مرة واحدة على الاقل قبل ما تحكمي على معدتك انها حتتحملها والا لا.. لانه ممكن تتفاجئي انها تحملتها وتقبلتها
في طريقة حعطيكي اياها ممكن تكشفلك اذا في جرثومة اضغطي على معدتك باطراف اصابعك وبقوة (من راس المعدة وعلى المعدة وعند مكان اثنى عشر) اذا وجعتك كتير والم كبير ياريت تروحي عدكتور يفحصك لانه احتمال يكون عندك الجرثومة
وجربي العصير مرة واحدة على الاقل قبل ما تحكمي على معدتك انها حتتحملها والا لا.. لانه ممكن تتفاجئي انها تحملتها وتقبلتها
الصفحة الأخيرة