السلام عليكم ورحمة الله وبركاته
جايبة لكم اليوم العصير الاصفهاني طعمه روووووعة:p شكله حلو للضيوف ان شاء الله مايكون مكرر
المقادير
5 اكواب عصير مانجو"نادك او المراعي او ندى او اي نوع تفضلونه"
علبة زبادي
5 ملاعق طعام حليب بودرة
للتزيين
ربع كوب حليب سايل بارد
فيمتو
دريم ويب
الطريقة
نحط في الخلاط المقادير ونفس الوقت اللي الخلاط شغال حطي في كل كوب ملعقة فيمتو تقدري تكثرين او تقللين حسب الرغبة بس اذا كثرتي مايصلح
صبي اللي في الخلاط في الكاسات بهدوء
اخلطي الدريم ويب مع الحليب السايل الين يتكاثف وحطي شوية فوق العصير واذا عندك حلواني احسن عشان الشكل وبالعافية عليكم
"المصدر كتاب النخبة طبعا هي تقول كوب عصير مانجو وملعقة زبادي وملعقة حليب بودرة يعني المقادير واحد واحد واحد بس علبة زبادي يساوي خمسة ملاعق فاختصرتها لكم"
لا تبخلون علي بدعواتك
يلزم عليك تسجيل الدخول أولًا لكتابة تعليق.
بتلات شوب
•
تسلم يدينك
الصفحة الأخيرة