العضوات اللي يعانون ويخافون يكتبون بالمنتدى

السلام عليكم
اللهم بلغنا رمضان ونحن بأفضل حال وتقبل منا صالح اعمالنا يا ارحم الراحمين 💖
بداية خواتي بخصوص ان فيه عضوات مشاكلهم يخافون يكتبونها عشان ما تنسرق وتروح للانستقرام وتوصل لازواجهم واهاليهم وتخرب بيوتهم او للي عندها مشاكل كبيرة او عميقة ومتفرعه وتبي لها حلول منطقية او مترددة بشي وتبي الراي السديد من انسانة فاهمه وواعية تنصحك بدون تحيز او بدون ماتدخل مشاعرها الحالية بمشكلتك مثل بعض الخوات اطلب منها النصيحة بحل لمشكلة تقلب ناقدة تسب وتقول اوسخ الالفاظ وتطلع ما استفدت منها شي لا انقدت نقد بناء ولا اعطت حلول واقعية
المهم خواتي لازم تعرفون ان فيه مراكز ولله الحمد موجودة عندنا بالسعودية كثيرررة وبكل المناطق فيه مراكز يكفي تتصلين فيهم وتقولين مشكلتك وبسرية تامه ويعطونك حلول واقعية وحلول عشان تتفادين تكرار هالتجربة وبنفس الوقت ما جابوها من راسهم بل هو علم تعلموه من اخصائيات نفسيين او اجتماعيين او طبيبات او استشاريين اسريين والله اسلوبهم جدا جميل ومحترمات ويريحونك ويساعدونك من قلبهم وفوق كذا انتي كل امورك بسرية محد يدري الا انتي وهي اللي بتعالج مشكلتك
انا انصح كل وحده عندها مشكلة تبحث عن مركز استشارات رسمي وتتصل عليهم ويحولونها للمعالجة اللي تناسب مشكلتها وتعالج مشكلتها والله يصلح حال الجميييع 🌹


ادعولي بالذرية الصالحة السليمة البارة وان ربي يفرحني وزووجي بحملي بالقريب العاجل 💖