العطر الأصلي والتقليد

بسم الله الرحمن الرحيم


السلام عليكم ورحمة الله وبركاته



في هالموضوع يابنات نبي نتكاتف مع بعض


علشان مانتعرض للغش والخداع


نتناقش ونتحاور من أجل مصلحتنا كلنا


واللي أثار هالموضوع في بالي بتعرفونه



أنا كنت أشتري عطوراتي من المحلات المعروفه مثل قزاز ووجوه

وكنت أشتريها غاليه حيل


وحتى قالت لي بنت عمي أخذيها من سوق الجمله أرخص بكثير وهي نفسها بالضبط


طبعا فيه عطور تقليد ومعروفه وواضحه ورخيصه وحتى صاحب المحل يقول لك تقليد

ومن دون مايقول أنتِ تعرفين انها تقليد



نجي للمهم


صرت أخذ عطوراتي من محلات الجمله وبالفعل فرق بالسعر

قبل فترة بسيطه أخذت عطر طقم وبعدني مااستخدمته هو بـ 260 ريال الطقم ورخصني فيه البائع

وأمس شفت نفس العطر عند بنت خالي والطقم ماخذه وسألتها بكم أخذتيه قالت لي بـ 400 وهي اخذته من محل في مجمع

طبعا صعقت بسبب الفرق بالسعر الكبير



جيت البيت اشيك على عطوراتي اللي من محل الجمله ومن المحل المعروف

كل شيء نفسه ومطابق له تمام يعني مافيه ذرة فرق بينهم علشان أقول مو اصلي




الحين أنا سؤال


هل احنا مخدوعين في هالمحلات وتستغلنا صح وتنصب علينا أقصد المحلات المعروفه مثل قزاز ووجوه ؟

أو العطر في محل الجمله يختلف عن العطر في محل معروف ؟؟؟




مع العلم أكرر مافيه فرق ابدا بين الأثنين ولو تحطينهم جنب بعض ويجي احد ويلخبطهم ماتقدرين تعرفين اي واحد من محل الجمله واي واحد من المحل المعروف



وإن شاء الله ألقى تفاعل منكم



أصيلة المجد