العطور المقلدة ويش نسوي

بصراحه لازم تشمين العطر قبل ما تشترينه .. غريبه ليش ما خلاج اتشمينه قبل ما تشترينه وعلى العموم العطورات المقلده دايم ريحتها تبط الراس لا تشترينها

والله ياقلبي انا ما اشتري من المحلات العاديه

كنت اشتري من السويلم

وبعد ما جربت وجوه

والجنيد

ودعت السويلم واي محل عاااااااااااااااادي

يابنات ياما وياما فلووسي طارت على العطور

مقلللللللللللللدة اللي مايخافون ربهم
صقعوا في الاسعار ....




اناسمعت عن باريس جاليري انها مصنعة في الامارات يعني مش اصلية ومحلات روووج حرااامي مايخاف ربه




ويقال ان الاصلية من قزاز واحسن شي من بضاعة المطار يعني اللي تنباع في الطائرة

والله ماعاد ندري مين عطره اصلي ومين تقليد شرينا من محلات مشهوره ويطير في دقيقتين وشرينا من عادي ريحته حلوه وثابته


مره ثانيه شريت من محل عادي حسيت ريحته كانها ريد خلاص احترت ونفسي اشتري عطر بس متردده من وين اشتريه

السر في معرفة العطور المقلدة

--------------------------------------------------------------------------------

... منقول للفائدة ...



* * تسلح!!!

بهذا السر في معرفة العطور المقلدة 7 سنوات خبرة * *

تسلح!!!

بهذا السر في معرفة العطور المقلدة 7 سنوات خبرة

أولاً : أتمنى أني أوفق في سرد الموضوع بشكل واضح وسهل للفهم ،، للتذكير هذا الموضوع من تأليفي ،،،،،، اورنس

ماأعرف أكتب موضوع ألا بهذه الكيفيه سؤال وجواب مع بعض التعليقات المتوقعه من منكم
سؤال : كيف أعرف العطر الأصلي من التقليد ؟
جواب : أخي الحبيب / أختي الحبيبه ،، ماذا يقصد بالتقليد وبعض الناس يشتري عطر من محلات راقية ، كمثال وجوه 300 ويشتري نفس العطر من سوق اًخر باقل يعني230أو250 أين الخلل ، ركز معي ، العطر الي شريته من وجوه أصلي ومركز والعطر الاخر وهو نفس العطر ونفس الشركة ،،، طيب وين الفرق يا اورنس ، أنا جايك في الكلام

الفرق هنا ركزو معي ،،، أقول ركزو معي وكلن يترك اللي في يده
أذا أمامك علبة بيبسي أو كرتون مناديل ، أقلب كرتون المناديل ، وفر علبة الببسي وش تشوف ، تبي تشوف خطوط سود متقاربه هذا الرقم التسلسلي للقطعه تتكون الارقام من 13 رقم 6281101530465 الرقم بالأنقلش وليس بالعربي ولكن جهازي مايكتب الاأرقام عربية ،، كويس الان عرفتوه ،، واللي ماعرفه يروح لأسواق جيان ويشتري منهم جالكسي ويشوف الكاشير وين يضعها (على القارئة) ،، ياكثر شرحك والله لوحنا قرود مانفهم فهمنا من أول سطر ،، أعصابك يالاحبيب ،،،
نبيك تخلص وتعطينا الزبده ، سم سم مايخسى الى أنا سم بس لا تضربني ،،، أمسك العطر الجديد بكرتونته بدون مايحس صاحب المحل أعلمك ليش بدون مايحس بعد اشوي ولمس الرقم التسلسلي هل عليه استكر اخر يعني عليه (لصقه) اخرى ، ‘اذا حسيت بطرف اصبعك المتين حلوه المتين أسمن أصبع في يدك وش رايكم في التعبير مادري هو أسمه السبابه أو الابهام يمكن (لا سبابه ولا ابهام يافضيحتنى عند العرب) استكر الشركة يجي مطبوع طبع ولا يمكن لك أن تنزعه

السر في ان اللي علية استكر أقل نسبة تركيز من اللي ماعلية أستكر
العطر هو هو ولكن نسبة التركيز أقل

للمعلومية مادة التركيز في العطور هي اللتي ترفع سعر العطر

من وين تجي هذي العطور ومن اللي يقوم بوضع هذا الاستكر ؟ ولماذا ؟
العطور تجي تمشي على رجليها من دبي والجمارك يتبسمون أيذا مرت عليهم ،،
الاستكر يقوم بوضعه مؤسسات في دبي وأجرة العامل الشهريه لوضع الاستكر 900 درهم ،، بالألة بتعتوه
طيب وش الفايدة ،،سؤال وجيه ماشفتو مقال للشيخ قزاز يقول العطور المقلدة خسرتني 4000000 مايحتاج تعد الاصفار أربعون مليون
تدري أن قزاز أجتمع مع مدراء الفروع في المملكة وقال لهم نعنبو جدكم دورولي حل ،، ونقز واحد منهم وقال طال عمرك الحل عندي يشيخ يشيخ ونت الشيخ قزاز قال أخلص تكلم قال نجمع العطور التي شركتنا وكيله لها في السعوديه ومن ثم نعرف بالرقم التسلسلي الموجود من وين دخلت علينا هذه العطور (يقصد من أي بلد ،، نقف هنا )

للمعلومية : كل وكيل في دوله له عطور من الشركة من الرقم التسلسلي ،، كمثال من ألف 1000 الى عشرة الأف 10000 الى الرقم اللي بين 1000الى 10000تسلم لشركة قزاز في السعودية وقس علية باقي وكلاء الخليج لهم رقم تسلسلي ،،

نرجع لموضوعنا جمع قزاز العطور بــ 30000 من كل ماركة الشركة تملك فيه وحاولو ينزعون هذا الاستكر وعجزو في ذالك ،،، يااورنس شركة بكبرها عجزانه تنزع الاستكر !!!

أنا ما أعرف التحدي الا بنتف الأشناب أن كنت شهم وتقول أنت لها رح أنت وجهك ونزعه و‘اذا نزعته تعال أوديك لصديقي قزاز وهديتك فرع من فروعه وغير ك اشطر

ليش شركة قزاز تبي تنزع الاستكر ،،، حتى تعرف من أي الوكلاء دخل عليهم هذا العطر

أنا قلت لكم في أول الكلام لا تحسس صاحب المحل أنك تكتشف هذا السر
أبيك تدخل على المحل وتقول له اسم عطرك اللي أنت ناطل وجهك على شانه ،،، ويذا اعطاك العطر تفحصه بسرعه وخل يدك سريعة ، حاول تشتت البائع اذا كان لوحدة في المحل وطلب عطور انت تشوفها قدامك والعطر الاول في يدك المس العطر حتى تكتشف انه من دبي او من الوكيل قلنا سابقاً ماني بقايل،،،، قولو انتم يالله حبايبي يالله يشاطرين أيوه أرفع الصوت إذا فيه استكر على الرقم التسلسلي ماهو اصلي ،،،حلو ،،،، ويذا مافيه استرك فهوا اصلي يحبيلكم شحليلكم ،، أنا مبسوط أنكم فهمتو

للمعلومية :::: مهم بعض المحلات يوجد عندهم الاصلي حق الوكيل اذا اكتشفت العطر قله ابي بدون استكر يبي يقولك ماني فاهم عليك وهو فاهم ولكن يسوي نفسه مايعرف أسئلوني عنهم خابزهم في تنور

أرقى المحلات
الرقم الاول باريس غالري ،،،، المالك اماراتي الجنسية
وجوه
قزاز ::: سحبت منه اكثر عطورات الماركات التي كانت ( فعل ماضي ) عنده ، وتم شراء أسهم عطور بعض الشركات من أشخاص اخرين ولهم الحق في سحبها من قزاز
المصباح كل واحد يرفع ثوبه وينحاش أبي ركض

ملاحظة :::: ياكثر ملاحظاتك يا اورنس أقول ولا اسكت لا قل قل
خلك ذيب إذا جيت تشتري قل للبائع بكم كوكو شانيل 50 مل طبعاً العطر نسائي وأنصح المتزوج ان يشتري العطر وبعد المغرب مباشرة أنا أقول بعد المغرب وأعط العطر الدام وخل البيت ولا تجي الا عند النوم ينت تبي تلقى حفله طبعاً هذا العطر سعره ثابت تقريباً ‘اذا سألت عن السعر مباشرة يبي يعطيكياه بسعر ارخص من المحلات التي في السوق ، انتبه !!!! ماراح يخليك تمشي من عنده تدري ليش لأنه خسران ويبي يبيعك عطر شعبي
داخل علية بـــ30ريال يبي يلصقه في ظهرك 180حلوه يلصقه صار ستكر ذا ريال الى 130ريال ، العطر ماعليه كلام مانقول شيء رائحته زينه ،،،، هنا الاقناع والتعويض


ملاحظة ::: شغالين في الملاحظات الى الصبح
ليش بعض حرامية العطور يقول لك عطني الكرتون ولو تتكاسرة يجي معك ما يزرقن معك ( يعني في المكاسر نزلك السعر بسرعة ) وقالك بشرط عطني الكرتون ،،، أنتم تدرون ايش يعمل بالكرتون ،،، تصدقون تعبت من الكتابه ،، محد منك فزاع أبن نشمي يجي ويكتب عني
أخوكم ارونس تعب من الكتابه ،،