العطور للنفساء ...........ما خطرها

يلتهب الجرح ويسبب ألم شديد

نصيحة اول ماتولدين على طول تستعملين المرة وانشالله تبعد التهاب الجروح:26: وماتضرك العطورات وتتعطرين بعد كذا بعطر قوي انا كذا اسوي:26:

لانك ما تقدرين تتحكمين بالناس اللي يدخلون عليكي ما يحطون عطور علشان كذا المرة اول ما تفتحين بعد الولادة تكون منقعه واشربي منها شوي ولو كنتي مثلي قيصرية وممنوعه من الشرب او الاكل غطسي قطنه بمنقوع المرة وشميها على طول

بعدها يصير تتعطرين عادي ولو دخل عليكي احد برضه عادي :27:

لان العطور تسبب شمم والشمم يؤدي الى التهاب الجرح والى حمى النفاس اللي ممكن تؤدي للموت
انا ماانصح بالتعطر حتى لو شربتي او شميتي مره .. شتبين بالعطور اصلا ؟؟
بس انا قريت انج تعطرين ملابسج وملابس الطفل اللي بتاخذينها المستشفى بعطر خفيف عشان مايصير شمم
بس اهم شي اذا جاج الطلق اشربي مره
واول ماتقومين من البنج اشربي مره وشي طبيعي بترجعين ( تزوعين ) لان المره طعمها لايطاق وهم شي طبيعي بترجعين عقب الكمام ... رجعي مره وحده وارتاحي
وبصراحه اللي عندها دم واحساس وتستحي على وجهها المفروض ماتتعطر
بس صج حريم مايستحون على وجيههم

عموما حتى لو ماجوج حريم حاطين عطر احتمال تستعملين صابونه معطره
ووصي زوجج مايحط عطر .. خل يخيس بنفاسج والا شيبي بالعطر وانتي نفاس ؟؟
حق منو يكشخ هااا ؟؟
<=== سوسه :o
انا من الحين قايلتله لاتتعطر اسبح كل يوم وبس .. واذا حطيت لاتدش عندي الا اذا متسبح ومغير ملابسك .. والا تبيني اموت وتفتك مني ؟؟ :06:
عشان اخرعه :o
لاني اخاف من الشمم بصراحه
اي صج تذكرت بنفاسي اللي طاف جتني صخونه وارتفعت حرارتي حيل والتهب صدري ونمت في المستشفى يومين وبغيت اموت .. الظاهر جاني شمم لاني كنت خبله ماشميت ولا شربت مره

اوووف شكثر اقرق

تحياتي :26:

بصراحة أنا ما سمعت هالمعلومة الا من بنات المنتدى وكل اللي أعرفهم يتعطرون عادي وأنا أتعطر حتى البيبي يتعود على كل أنواع العطور من أول يوم .......

يمكن هي عادات لكل شعب أنا في بلدي العطر عادي ........... هل لهذه المسألة أي أساس علمي ؟؟؟