العفنة والرد عليها

السلام عليكم حبيباتي هذا الرد للاخت الي بتنها مصابه على حسب قولها بداء العفنة احب انقلها تجربيتي

يا اخواتي في الله احب انصح واصيح باعلى صوتي لاني من اوائل الناس الي انضروا بسبب الشعوذة والضحك على الناس بالعلاج الطبيعي انا ما ارفض العلاج الطبيعي او النبوي الي يتم عن دراسة وخبرة تعليمية وممارسة ناجحة مو ممارسة على روس الناس...
المهم تجربتي كانت بعد الولادة فانا ولدت طبيعي ولكن اخذت ابرة الظهر ومشيت عادي بعد الابرة ولله الحمد بعد يومين من الولادة جبت وحدة تمرخني وهي احدى قرباتي وانا متاكدة انها ماهي متعلمة العلاج ولا اخذته وراثه وانما كانت ما تخلف وراحت عند حريم تتعالج وقامت تتطبق على المخابيل الي زيي ( انا طول عمري ما اصدق هاالخرابيط وما احب استعمل الادوية او العلاجات الي توصفها) لكن قلت التمريخ شيء خارجي ما راح يضر والي حصل انها مرختني بشدة وحسيت وهي باركة فوق رجوللي بانها شقت ظهري تصفين والله وصرخت من ساعاتها فخافت وقالت معليش علشان يرجع الرحم مكانه وحاولت اقوم مقدر من مكاني وقومتني هي وبس وبعدها عيونكم ما تشوف الا النور ما عاد قدرت امشي ولا اتحرك ولاحتى انقلب ... الحمد الله حتى اجلس في الحمام ما كنت اقدر الا بشق الانفس ولما راجعت الدكاترة كانوا مستغربين من الالم وهي تتدعي قدام الناس انه من ابرة الظهر في البداية صدقت ولكن بعد ماراجعت واستفسرت الكل اجمع لو ابرة الظهر ما كان اتحركت بعد الولادة ولا مشيت الى البيت ... والله عارفين يابنات جلست اتعالج علاج طبيعي تسع شهور علشان اقدر امشي ( سوتلي تمزق في عضلات الحوض) والى الان وانا اتعب بسرعه وظهري يوجعن من اقل مجهود الحمد الله على العافية وماعاد قدرت اخلف انا وزوجي خايفين من انه لو حملت ماعاد اقدر امشي لانه مدرس رياضة ويقول اي اصاية او تمزق في العضلات مالها علاج وانما مسكنات ولي الان 11 سنة من الحادثة ... معليش طولت عليكم بس حبيت تستفيدوا ترى لا تصدوقوا والدجلات كثروا هذه الايام بدعو ة العودة للطبيعة ترى يابنات والله اني صادقة وماأكذب والنصيحة بجمل .... :icon33: