السلام عليكم مساكم الله بالخير--كاتبيلكم بالفوشي عشان نفتح نفسكم للموضوع---لان اتوقع الموضوع يسد نفس البعض واكل عليه الدهر وشرب يعني قديم مو جديد -
المهم حبيباتي البارح شدني موضوع وحده من العضوات تتكلم فيه ان ردود بعض العضوات الله يهديهم تكسر المجاديف وانها بطلت تكتب مواضيع جديده عشان مايجيها رد من هذا النوع -
فانا اليوم حبيت اذكر -وذكر فان الذكرى تنفع المؤمنين-
وحبيت اكرر المكرر-التكرار يعلم الشطار
كلنا نعرف ان المنتدى يشمل المراهقه والشابه والمتزوجه واللي اولادها متزوجين وممكن اي سنه تكون جده يعني في حسبة الام
فمن باب الذوق والادب والتربيه الاسلاميه ماينرد على مواضيعهم بعصبيه وتحيز
قال سبحانه-واذا حييتم بتحية فحيوا باحسن منها او ردوها-
قال عليه السلام-ليس منا من لم يوقر كبيرنا ويرحم صغيرنا-
بعض البنات الله يهديهم تظن ان ردودها اذا كانت جافه وجارحه انها بهذي الطريقه تفرض رايها
هذا منتدى لا احد يفرض رايه الجميع يبدون ارائهم يااما تؤيدين او تعارضين بادب وذوق اسلامي رفيع بدون استهزاء او الدخول في النوايا -انت تقصدين كذا وهي قصدت كذا -
بينما في الواقع لاتعرفين نيتها فيحدث التهجم ليش مانحمل نية كاتبة الموضوع نيه حسنه وانها تبي الخير للجميع
فاي عضوه هنا هي بنت لهذا المنتدى والبنت لابد ان تكون باااااااااره باهلها
ولازم نعرفه شغله مهمه المنتدى فيه المتعلمه والمثقفه والدكتوره والمعيده واللي معهم درجات تعليم مختلفه دبلوم ثانوي متوسط اي شي ممكن يخطر ببالك ممكن يكون موجود معنا فما تقدرين تفرضين فكرتك ورايك على الكل فاذا دخلت موضوع شدك عنوانه ومااعجبك مضمونه اقلها اطلعي واقريلك موضوع اخر ممكن تستفيدين وتفيدين فيه
بعض الاخوات الله يهديهم مشاركاتها فوق الالسف وكلها طقاق ونجره ومافيه شي عاجبها وموكله نفسها تقيم عضوات المنتدى -او تكتب موضوع وفي اخر الموضوع تخرب كل اللي كتبته-تكتب اللي مو عاجبها موضوعي تطلع-
لاحول ولا قوة الا بالله طيب ليه هالاسلوب فيه انسانه تقرا بعمر امك خالتك عمتك اختك صغيره او كبيره -
فملاحظة هالاسلوب كثير للاسف- لابد ان نرتقي بالمنتدى
وبعضهم الله يهديها اذا وحده كتبت موضوع انها سوت في حياتها شي موكويس هجمة عليها وحملتها وزر اكبر من الذنب اللي سوته صاحبة الموضوع -لا اعمم قلت بعض
ترا الين والرفق مطلب اسلامي مهم في الدعوه -قال سبحانه -ادع الى سبيل ربك بالحكمة والموعظة الحسنه=
والرسول الكريم يقول بما معنى الحديث -رحم الله امرىء هينا اذا باع هينا اذا اشترى=
تخيلتوا الصوره النبي الهادي صلى الله عليه وسلم يدعوا للعبد الهين اللين السهل في التعامل
اسفه طولت عليكم بس والله من هالردود اللي نشوفها واوصي نفسي قبلكم بالادب والتزام الذوق بالرد
ووصيتي للي تكسرت مجاديفها وهونت تكتب عشان فلانه قالت لها وش هالموضوع عيب عليك انت اكبر من هالمواضيع---او مالقيتي تكتبين شي وكتبتي هالموضوع
وصيتي لها --وسعي صدرك وانت في المنتدى عالم كبير ماراح ترضينهم كلهم -رضى الناس غايه لاتدرك
والتمسي العذر للي ردت عليك يمكن تكون فعلا هذا الموضوع اللي كتبتيه مسبب لها ازمه او متضايقه من اي موضوع شخصي في حياتها قد يؤثر على ردها
احيانا الوحده منا اذا تهاوشت هي وزوجها وقرت موضوع عن تدليع الزوج ردت
معصي من زينه هو وجه ادلعه
واذا كانت راضيه عليه
قالت لازم ندلعه ونرضيه هو جنتي و ناري ---طيب وين هالكلاااااااااااام في الرد الاول
فانت اكتبي موضوعك واحتسبيه لوجه الله اللي يعجبها الحمد لله والشكر واللي مايعجبها نقولها اسفين المره الثانيه نكتب موضوع يحوز على رضاك ان شاء الله ونشيل الحقد والحزازات شوي من قلوبنا عسى الله ان يجمعنا في مستقر رحمته
واكرر هالكلام عاااااااااااام لي ولكم
:26:دمتم بود:26:
فوفو400 @fofo400_1
محررة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️