العقبه الحقيقة بعد القياس

أولا : خلونا نرجع ورا شوي .. أول ماتم طرح موضوع قياس وقبل ان يصبح قرار رسمي , استهجنوا مُعلمات المستقبل وشعللوا المنتديات والصحف الالكتروني مطالبين بعدم اقرار قياس بحجة : " والله احنا نسينا مسكة القلم كيف بعد هالسنين تختبرونا " .. طبعاً هنا نقدر نقول " على نفسها جنت براقش  " احد مسئولين قياس في احد المقابلات لما سُئل عن اقرار قياس قال بتصرف انه " تابعوا اصداء الناس حول اقرار كفايات المعلمات وانه في ناس نسيوا مسكة القلم ونسيوا المعلومات كيف تبغونا نوظفهم ونأمنهم على عيالنا !! " كلامه منطقي للأسف , يعني لا تتوقعين احد تقولين له وظفني بس تراني ناسية كل شي .. وبيقول لك تفضلي الكرسي وخلاص اعتبري نفسك توظفتي ..معليش لا أحد يزعل .. لكن انتوا اللي نكبتونا " أتكلم عن اصحاب هالتعليقات " وجلستوا مجادلات اللي تقول احنا قديمات نسينا كل شي مفروض ماتختبرونا اختبروا الجديدات .. والثانية تقول احنا دوبنا متخرجين معلوماتنا جديدة وفرش اختبروا القديمات .. وبسبة هالحسد تم اقرار قياس علينا  .. ما ادري وش بينقصكم لو تكاتفتوا كمعلمات خريجات اتممتوا تعليمكم واصبحت الوظيفة حق لكم بدل المناوشات اللي ودتنا فداهية ..ثانياً : لما طالبنا بالتكاتف لالغاء قياس والطعن في القرار الاغلبية كانت معتمدة على فئة انها هي راح تشتغل وتنجز وراح يعمنا الخير واحنا مرتاحين .. طبعا غير الردود التحطيم لحالها حكاية .. وغير الناس اللي تقول بالعكس انه منصف لهم  وفيه ناس كانوا متكاسلين وناس كانوا معتبرين قياس فرصتهم ومنصف لهم " وتويتر وبعض المنتديات تشهد " بعد ما طلعت النتائج واكتشف البعض انهم ما اجتازوا انصدموا وصحيوا وصاروا يطالبون بالالغاء  وينكم يوم كنا نبي نتكاتف !! و لا متعودين ع الاتكالية فئة تشتغل وفئات تنتظر الخير يعمها  !!! لو الكل تكاتف قبل انتهاء موعد الطعن كان من الممكن الغاء قياس .. لكن اللحين الله اعلم هل من الممكن الغاؤه او لا طبعاً نتيجة للاتكالية هذي اختبرنا الكفايات اجباراً وانتهت مدة الطعن ونحن راضخون , ورضوخنا راح يفتح لهم وضع عقبات جديدة .. والأيام بتثبت لكم هالشيء ثالثاً : بعد ظهور النتائج .. ماكفانا الحسد اللي ودانا فدواهي .. رجعنا نحسد بعض مرة ثانية انا طبعاً مُجتازة وما اضمن انه راح اتوظف خلال هال 3 سنوات , يعني في احتمال كمان اختبر الكفايات مرة اخرى وممكن كمان ما اجتازه .. كل شيء في علم الغيب .. كله نصيب من عند الله .. عشان كذا ما احب استعرض واتشمت لانه الدنيا دوارة لكن في ردود تهبل صراحة .. تكشف عقليات مُعلمات المستقبل الكرام  واكرر مو الكل .. موضوعي يتكلم عن العينات الحاسدة العينات الاتكالية واصحاب النفوس " المعكرة " طبعاً باقسم لكم ردات الفعل بعد النتائج وللعلم الاغلبية ان لم يكن الكل ماكانت متفائلة بالنجاح .. رغم انا ذاكرنا وحاولنا نحل لكن سمعة الاختبار كانت جداً سيئة , هذا غير الاشاعات اللي مافي الا 1% مجتازات فقط .. وتجربة اخواننا المعلمين كانت مرعبة بالنسبة للي سمعناه .. كل هالاشياء ماتخلي احد يتفاءل صراحة .. لكن الحمد الله والله يعوض البقية .. نرجع للردود بعد النتائج ::1- ناس تقول اللي اجتازوا اجتازوا بالحظ 2- ناس تقول اللي ما اجتازوا ماذاكروا 3- ناس تقول كيف تساوون اللي جابت 100 باللي جابت 50 بالذات هالنقطة الاخيرة .. اصلا انتي واياها كنتوا تبكون ليل نهار منتوا متوقعين تجتازون اصلاً وهاللحين يوم صابت معاك وجبتي نسب زينة صرتي تقولين لا تساووني باللي جايبين نسب نازلة !!!ليش يوم اختبرتي انتي واياها ماكنتوا تدرون انه المهم تحقيق 50% في التخصص والكلي وانه مو مهم كم تجيبين المهم الاجتياز فقط وكررها الخنين وغيره ومركز قياس وغيرهم الكثير !!!لا كنتوا تدرون ونص .. حتى كان الكل يرجف يوم انتشر كلام انه ممكن تكون من 60% .. لانكم ماكنتوا متوقعين النجاح اصلا .. انتوا اصلا بهالكلام بتسوون فينا نفس القصة اللي ذكرتها في بداية الموضوع " تبع مسكة القلم  " الجملة الشهيرة اللي دخلت كل الخريجات اختبار كفايات المعلمات :والدليل انكم قاعدين تجرونا لما هو اسوأ من قياس كلام نائب وزير التربية والتعليم الدكتور حمد آل الشيخ , الاخ مستغرب تحديد نسبة النجاح في اختبار الكفايات 50% .. وأكد انه وزارته راح تعمل على رفع هالنسبة لاحقاً  اتمنى تكونون ارتحتوا واستبشرتوا خير برفع نسبة النجاح في الكفايات لأخذ العلم , مثل ماقلت انا مجتازة وبنسبة الحمد الله جداً كويسة ماشاء الله تبارك الله .. لكن في اخواتنا كانوا جايبين 49 .. تخيلوا يعني باقي لها درجة فقط ع النجاح .. درجة وحدة ضيعت عليها سنة زيادة ..وانتوا مجتازين وتهايطون لا والله ماتساووني باللي جايبة نسبه أقل !!! لا وتطالب بعد وتراسل قياس والخنين !! اللهم نقي قلوبنا من الحسدشرط قياس كان واضح المهم الاجتياز فقط .. وهذا اللي كنتوا خايفين منه قبل تطلع النتائج , سبحان مغير الأحوال فكروا فاخواتنا اللي سهروا وتعبوا ولا اجتازوا للاسف .. تتمنى توصل ال 50 .. وان شاء الله انها خيره لهم والله يعوضهم والله فرحتنا ناقصة وتمنيت الكل يجتاز .. لكن الله يعوضهم خيرولا تستبعدين انتي واياها يمر عليك 3 سنين انتي ونسبتك ذي .. ويرفعون نسبة النجاح .. وتختبرين ولا تجتازين .. صفوا قلوبكم شوي .. واحمدوا الله .. وفكونا من حسدكم وتعليقاتكم اللي قاعدة تضيع مستقبلنا للاسفقاعدين تفتحون العيون علينا وقاعدين تفكرون بدالهم فعقبات وهم بس يستوحون من كلامكم وينفذون ...شوفوا اخواننا المعلمين .. كم لهم يختبرون كفايات المعلمين .. ولا واحد طلع يقول لا والله نسبتي عالية لاززم تدخل في المفاضلة .. وانتوا من اول سنة اختبرتوا فيها فكرت الوزارة برفع نسبة الاجتياز  هههههه شر البلية مايضحك ..قرفتونا والله مثل ماقلت احمدوا الله انكم اجتزتوا وراح تدخلون مفاضلة ان شاء الله , غيركم باقي لها درجة وحدة بس ع الاجتياز وغيركم قسموهم مجموعتين بحجة الاعلى نقاط .. اخواتنا المرحلة الثانية والمرحلة الثالثة .. وان شاء الله انها خيره لهم .. فاحمدوا الله .. الحمد الله حمداً كثيراًللأمانة منقول: http://www.btalah.com/showthread.php?t=500808#ixzz2PBBVFulv