العقل ام القلب ايهما اختار

اعرفكم بنفسى الاول : عمرى 23 سنة من اسرة طيبة -اعرفكم بحيرتى ونفسى احد يقول لى ماذا افعل
- متقدم لى شخص عمرة 33 سنة ومهنتة محامى ومن اسرة محترمة --الشخص دة متقدملى عن طريق زوجة ابى التانية - وانا الحمد لله والدتى عايشة - والاشياء اللى انا خايفة منها
اولا: والدتى بتبان امامى انها موافقة على الشخص وانها مش عيزة تقف امام مستقبلى و قولها لى ان دة نصيب ومحدش يقدر يتحكم فى النصيب بس انا اعلم جيدا انها من داخلها حزينة جدا لان هذا الشخص اتعرفنا علية عن طريق زوجة ابى التانية .

ثانيا: فرق السن بيننا 10 سنوات وانا مثل اى فتاة فى السن 23 سنة نفسى اعيش مع شخص رومنسى يحب الخروج والفسح ويعيشنى حياة جديدة انا معشتهاش قبل ما اعرفة وانا خايفة ان سنة دة بأثر على احلامى -وكمان فى حاجة مهمة انا خايفة اكثر منها ان يكون سنة يؤثر ايضا على العلاقة الحميمية بنا ان مثلا مايشبعنيش جسديا .

ثاثلا: مهنتة انا خايفة منها اوى خايفة ان فى يوم من الايام يعيشنى بفلوس حرام وانا سألتة فى النقطة دى وقال لى ان فى قواضى معينة مش بيقبلها بس انا بردو مش مطمنة اوى .

رابعا: انا كنت مخطوبة قبلية مرتين والمرتين الخطوبة اتفكت بسبب اهل الشخص المتقدم يعنى بيكون الشاب ليس لة شخصية واهلة هم المتحكمين فى كل شىء من توضيب وعفش وتحديد طريقة للعيش -واصبح عندى عقدة من اهل المتقدم وانى بهتم جدا الان بالاهل اكثر من العريس نفسة وخايفة جدا جدا ان يكون مثلهم وادخل فى خطوبة تالتة وتتفك لنفس السبب واحنا فى مجتمع دائما يوجة الخطا على الفتاة وليس الشاب--وانى اكون مخطوبة 3 مرات وتنفك الخطوبة ممكن دة يؤكد للناس ان العيب او الخطا منى --بجد انا خايفة جدا انى اتخطب تانى-ويعلم الله انى كتير كنت بصبر ةبتنازل وبتقى الله فى معاملتى مع اهل خطيبىفى تجربتين الخطوبة السابقتين .

خامسا:انا رومنسية جدا وحساسة اوى اهم شىء فى الزواج انى اعيش حياة حميمية اتمتع بيها واسعد بها-طبعا انا متكلمتش مع الشخص دة فى هذا الكلام بس عن انطباعاتى علية انو حد عملى اوى وعقلانى -وحاسة انو مش هايفهمنى بعد الزواج.

--انا اتكلمت كتير عن المخاوف بس الحق يقال هو شخصية محترمة وعقلانى اوى ويمتلك مقومات الزواج يعنى لو هختار بالعقل فقط اقول انو هيعيشنى فى مستوى اجتماعى كويس جدا -
بس انا عيزة اتزوج حبيب وعشيق يكون رومنسى وحساس مش عييزة اتزوج شقة وعربية وعفش ونادى



من فضلكم حد يقولى اختار بالعقل والحب ممكن ياتى بعد الزواج -- ام انتظر حد اخر اكون بحبة ويتقدملى


و ءأسف على اطالتى وشكرا جدا على قرأة موضوعى