انا بعد ولدي يطق الكل انا وابوه وخالاته والشغاله والمفاجأه عمره سنه ونص ولا ادري من وين تعلم الطق هو عصبي اولها بدا يطق نفسه وراسه بالباب والارض بعدهال اكتشف انه يعوره صار يطقنا واحنا مرررررررره مدلعينه ولا عمره طقيناه وهو البكر .
ايش الحل ؟؟

اشوف اخو زوجي الصغير عمره 5 سنوات

يضرب أمه ويضرب جدته

ويتلفظ بكلام بشع ....؟!

قلت الحمدلله والشكر ما ربوه او فسدوه بالدلال الزايد!!



اختي اذا كنتي ضاحكه فهذا سبب ضحكك لانو اشوف كثير عالم تضحك واخر شئ ربي يبلاهم بالللي اقوى

واذا متي ماضحكتي فالحمدالله

لو تطيعيني

تاخذين مشوره من مستشار تربوي

في مواقع مثل الاسلام اليوم وطريق الاسلام فيه استشارات

وبسرررعه عدلي سلوكها قبل لاتكبر على هالشئ


الله يعيييييينك

للرفع

الله يهديها ويحسن خلقها ويهدي طبعها .. خلي هذي دعوتك في كل سجده .. ولن يهلك مع الدعاء أحد

-صادقيها .. ألعبي معها .. أبتكري لها ألعاب .. خليها تموت في الساعه اللي تقضينها معها .. طبعا قبل ما تتوطد العلاقه بتحاول تتحكم فيك أنت تجاهلي ولا كنك تسمعين .. لين تصير تطلبك .. ماما متى تلعبين معي .. هنا خليها نقطة تعزيز لها إذا صرتي مؤدبه وماتمدين يدك وتسمعين الكلام بلعب معك بعد نص ساعه ووريها الساعه والعقارب كيف بتكون وشوي شوي طولي المده ..
تفاهمي مع الشغاله أنها ما تتعامل معها أبدا ولو جتها تحولها لك ولو مدة يدها تصبر عليها لأنكم كلكم تعانون ولازم تعدلون سلوكها
أعتبري أبوها مهب موجود .. أو على الأقل أطلبي منه ما يتدخل وأن أستفزعت فيه يسوي نفسه نايم ولا مايسمع كان ما وده يردها
عموما بنتك صغيره .. وهذا عمر إثبات الشخصيه .. أهم شي الحزم .. أنزلي لمستواها وخلي عيونك بعيونها وكلميها بصوت واطي بنبره حازمه وأنت ماسكه يديها من العضد .. عشان ماتسويلك شي وبيني لها أن هالتصرف خطأ وأنها لو كررته بتتعاقب .. لو كررته خوذيها في كرسي أو غرفة العقاب وخليها بالكثير 3 دقايق وبيني لها السبب أنا عاقبتك عشان مديتي يدك .. أجلسي هنا وفكري هل الأسلوب صح أو خطأ .. هذي طريقة السوبر ناني اللي معتمدتها .. أشتري كتابها كثييير بيفيدك ..

أتمنى أني أفدتك دعواتك بصلاح النيه والذريه

الله يعينك يارب بس لازم الاب يكون ليه دور ويساعدك... وتتفقوا مع بعض
واذا مصر على موقفه .. لازم تدخلي احد كبير في الموضوع ... ولا راح يصير زي اخوه ولا ولد اخوه اللي قلتي عليه

ولازم تزعلي منها حتى لو راحت عند ابوها اقعدي زعلانه منها حتى لو اتأخر الوقت و تتعلم تقول اسفه

والله يهديها ويصلحها